الموضوع: مين جاى مقابلة يوم الجمعة ان شاء الله

و انا ان شاء الله جاي ,
يا ترى هنعمل موضوع شنطة الإسعافات و لا زي المرة اللي فاتت :)

على فكرة انا ما فهمتش حاجة من الخريطة على العموم ها شوف لو ما رجعتش البيت متاخر هاحاول اجي

هحاول بس مضمنش ظروفى.
هى الربوة دى فين, يعنى نخشلها من طريق ايه بالضبط؟
و المقابلة الساعة الكام؟ لو العصرية ممكن جدا أجى, الصبح صعب.

كان نفسي بجد اجي
بس نظرا لظروف تجديد الرخصة وعطلة نقل الملكية .. اعتقد مش هعرف
بس باذن الله المقابله الجاية اكون موجود

بس يا سيد انت عارف الدائري بتاع المعادي
لو موش عارفه بس انتي تاجي من شارع الهرم لحد المريوطية وتاخد اول يمين بعد ستي مول وتفدال ماشي فيه لحد ماطلع الدائري بتاع المعادي وعلى العموم انا احتمال اروح لو هاروح ها بعتلك بليل على الخاص الساعة 11 كده ماشي

تانى يا جماعه هانقول مكان الربوة بالظبط :
-----------

الناس إللى تعرف سوق السيارات (إللى فى مدينة نصر) فى الحى العاشر نفس الشارع ده يكملوه لآخره فى إتجاه القاهرة الجديده مش فى إتجاه إنبى
آخر الشارع ده هايكون طريق السويس بيقطعه على إيدك الشمال هاتلاقى حته على هضبة صغيرة كده هى دى الربوة عشان تروحها هاتلف الصينية إللى فى طريق السويس و ترجع تانى كأنك راجع سوق السيارات هاتبقى على يمينك و على مهلك فى التقاطعات لأن فى ناس بتهبل و تمشى مخالف



الناس إللى جايين من المعادى أو من المنيب كأنكم رايحين كارفور كملوا علاطول لحد ما توصلوا أكاديمية الشرطة على اليمين الربوة هاتكون فى الجهة الأخرى ماتنزلش النفق ده و لف الصينيه إللى فوقه و إدخل الربوة



الناس إللى ماتعرفش سوق السيارات مكانه فين ده فى شارع ذاكر حسين لو إنت تعرف عباس العقاد خده لحد ماتوصل عند إنبى - إنبى على شمالك إدخل شمال فى شارع إنبى ده هاتكون على يمينك هو ده ذاكر حسين خده لآخره


الناس إللى هاتيجى من العبور و من ناحية المطار هاتاخد طريق السويس لحد ما يقابلك أول نفق ماتدخلش فيه إمسك يمينك هاتكون الربوة على إيدك اليمين


نراكم غدا على خير إن شاء الله الساعه 3.00 العصر