السلام عليكم
انا جبت لانوس 2005 ركنتة يومين اليوم التالت مش عايزة تدور الا لما اتزقت الدينامو الراجل قاسة الي 14 ياريت حد يفدني البطارية بايظة ولا وهيا سايلة
شكرا
رقم العضوية : 88882
تاريخ التسجيل : 19Feb2011
المشاركات : 476
النوع : ذكر
الاقامة : cairo
السيارة: لانوس 2005
السيارة[2]: سابقا 128
دراجة بخارية: no
الحالة :
رقم العضوية : 26061
تاريخ التسجيل : 24Nov2008
المشاركات : 1,387
النوع : ذكر
الاقامة : 6th of Oct. city
السيارة: لا
السيارة[2]: بيجو ٢٠٥"١٩٩٠"
دراجة بخارية: لا
الحالة :
اطمن على مياة البطاريه في مستواها ولا لا (خلي بالك دي مياة نار بتركيز معين اوعى تيجي على هدومك ولوجت اشطفها بكميه مياه كتيره في وقتها ) خلي الواد بتاع البطاريات يكشف لك على التركيز بتاع المياه حلو ولا لا ويزبط مستواها في كل العيون بلاش تغير ميتها عشان ممكن تبوظ بالذات لو اللي انت رايح له مش واثق منه
تاني حاجه خد العربيه مشوار حلو كدا قد 50او 70كم على طريق سريع بسرعه حلوه عشان تشحن البطاريه كويس
واعتقد ان شحن 14 حلو مش وحش (ماعرفش بصراحه الانوس المفروض يبقى شحنها كام )
ممكن يكون عيب عدم الدواره لو ضعف في البطاريه
عباره عن استهلاك زياده ناسي لمبه او اضائه او كاسيت او استهلاك انذار
او تسريب شحن ناتج عن دينمو اوسير الدينمو او الشداد بتاعه او سير المروحوه لو انت عندك بسير او القواطيش سايبه او رديئه
او ضعف ناتج عن عيب او عمر افتراضي للبطاريه ....(في الحاله دي لازم تتغير )
اما لو مش ضعف في البطاريه روح للميكانيكي وخليه يصنفر لك البوجيهات دا مبدأيا ( وممكن يكون عيب حساسات دا لو العيب استمر معاك وممكن يكون عيب سواق لو حضرتك لسه ماخدتش عليها )
اقترح عليك :1 : اعرف عمر بوجيهاتك وبطاريتك من صاحب العربيه القديم
2:صنفر البوجيهات وزبط تركيز ومستوى السائل في البطاريه (زود المياه بس)
3: راجع على السيور (الدينمو والمروحه ) واربط قواطيش البطاريه حلو
4: خد لك مشوار حلو على طريق مفتوح بسرعه مثلا 90 كم لمده ربع ساعه
لو الموضوع طلع بطاريه هاتها جافه من نوع حلو هاتنساها وهاتريح دماغك كمان الجافه انسب لعربيتك
وممكن تغير بوجيهات لو قديمه
المفضلات