السلام عليكم يا شباب
دلوقتى يا جماعه انا ان شاء الله هاشترى عربية و معايا حوالى 105 و محتار بين الصنى او النيو اكسنت . تنصحونى بايه؟ وايه الفرق بين النيو اكسنت والأكسنت رب
عرض للطباعة
السلام عليكم يا شباب
دلوقتى يا جماعه انا ان شاء الله هاشترى عربية و معايا حوالى 105 و محتار بين الصنى او النيو اكسنت . تنصحونى بايه؟ وايه الفرق بين النيو اكسنت والأكسنت رب
النيو اكسنت اتوقف تصنيعها ومابقاش في منها خلاص بالتالي انت هتبقى ما بين الصني والاكسنت rb.
انا شايف ان الاتنين تقريبا نفس المساحه الداخليه بالتالي ارشح الصني نظرا لوجود عوامل امان اكتر بكتير + صاج قوي + توكيل محترم (اوتو ايجبت).
الاكسنت rb تتفوق في قوة الموتور والتكييف والعزل والشكل الخارجي وبسسسس.
طبعا الصني تكسب وكمان اعتقد بتنزل بإزاز فاميه دلوقتي وبسعر اقل من ال105 الي عامل حسابك عليهم. ده انت كمان ممكن تغير كفر المرايات بواحد فيه اشارات وانت الكسبان انك هتجيب السوبر صالون.
تحياتي
ارشح الاكسنت لتقفيلها الكورى وقوة ماتورها وشكلها الجديد
بس بصراحة انا لو مكانك مش هجيب دى ولا دى
هجيب اوبترا
بس الطابلوه بتاع الrb فقير جدا حتى بالنسبه للهيونداي (انا بقارن بهيونداي زيها). ومفيش اي نوع من انواع الكماليات حتى مسند اليد مش موجود في الكونسول وانما مسند في الكرسي يحسسك انك راكب الاكسنت العاديه. لذلك الي غاوي اكسنت rb يبقى يزود ويجيب فئه عاليه وبرضه مش عارف الطابلوه هيفضل فقير ولا ربنا هيكرمه :))
بالنسبه للاوبترا شكل قديم و موتور تقريبا نفس قوة الصني واضعف بمراحل من الاكسنت.
وكمااااان منصور ؟ يعني من غبور لمنصور... يا قلبي لا تحزن
اتوكل على الله و هات نيسان
النيسان ممتازه بس كان في ناس كاتبه انه فئه السوبر صالون معدتش موجوده لو لقيتها حتكون احسن اختيار
لو انت شاب عايز عربيه ماتورها قوى تسارع عالى وشكل جميل يبقى اكسنت
سنك كبير وعايز عربيه غير متطوره وشكلها عجوز يبقى صنى
صني بكل تأكيد لأن هتجيب السوبر صالون جنوط ومريات ضم كهرباء وabs و2 أيرباج وسنسور والموديل الجديد بينزل بزجاج فامية فابريكة ودلع
لو بتتكلم على التابلوه تابلوه ال rb افضل وافخم كشكل من النيسان الصنى
انا من راى الى عايز يركب نيسان صنى يركب 2006 او 2007
الى يعيب نيسان دلوقت تقفليها المصرى للاسف
ده حتى شكل عداداتها تحس انك راكب عربية صينى
وشكلها القديم وكمان موضوع الفانوس الى غايروه ده وحشها اكتر
بالنسبة للاوبترا كاصالون اوسع من الاتنين, ماتور ماشاء الله, عاليا عن الارض
شكلها مع انه قديم انا شايفه مقبول , توكيلها مش وحش
عايز ااقول حاجة انى بالنسبالى والحمد الله توكيل غبور زى الفل
انا طبعا شايف الناس كلها مخنوقة منه
انا بتكلم طبعا على المقياس الشخصى
الحمد الله الصيانة بتاعتى باخد العربية فارقة كتير وطلباتى بتتعمل بالضبط
مغير 3 او 4 حاجات داخل الضمان بدون ماادفع جنيه واحد
انا ماقصدش شكل الطابلوه, انا اقصد الخامات وبتعكس الشمس في الازاز. وتوقعي ان الطابلوه ممككن يطق من الحر.
الصني انا معاك ان تحسها قديمه وده برضه كان نفس السبب اني ماشتريهاش بس الاكسنت عشان تجيب فئه كويسه هتدفع كتير. يبقى الواحد يدخل على السيراتو احسن. (انا ماعنديش عقدة الياباني والكوري).
وعلى العموم يا نحال باشا احنا بننصح الراجل وهو يستخير ربنا ويقرر :))
هو بدايه هات الصني اخويا كان واقع في نفس الحيره دي من شهر و مفيش حد سالوا بما فيهم بتوع المعرض بالرغم من ان الار بي اغلي يعني افضل ليهم الا لما قللوا خد الصني بس مع شديد الاسف مش هتعرف تلاقي سوبر صالون نهائي لانها خلاص وقفت انتظارا للشكل الجديد و كمان برده الاكس صالون abs كمان مع الاسف برده مش موجوده المتاح ليكي هي ex بدون abs اللي ب ٩٣ و ربنا يوفقك ان شاء الله