الحقووووووني يا شباب .. العربية هتولع

نموذج الأعطال

1- موديل السيارة : اكسنت
2- سنة الصنع : 1999
3- الفئة : 1300
4- ناقل الحركة (مانيوال / اوتوماتيك) : مانيوال
5- الكيلومترات المقطوعة : 153000
6- تاريخ أخر صيانة و نوعها : تغيير زيت و تشييك على كهرباء السيارة يوم 27 / 4 / 2012
7- وصف المشكلة أو العطل : غليان الميه الخضراء في القربه و تبخرها في مدة لا تتجاوز 48 ساعه
8- تشخيص العطل (بواسطة الأعضاء) : لا يوجد
9- قطع الغيار المطلوبة و أسعارها : لا يوجد
10- الفترة الزمنية من بدء عرض المشكلة حتي الانتهاء منها : لسه جديدة
11- تقييم صاحب الموضوع للسيارة بعد الأصلاح : لما تتصلح هديها تقييم

هحاول اختصر على قد ما اقدر ومحتاج مساعدة بجد يا جماعة و مش هينفع اسيب الموضوع كدة
اول الشهر اللي فات عملت دورة غسيل لدايرة المية في العربية (اكسنت 99 1300 CC) و جبتلها ميه خضراء وبقت زي الفل.. :Bravo:
يوم السبت اللي فات رحت بيها لرحاب من مصر الجديدة مع صحابي ,, وانا على الطريق حسيت العربية مش مظبوطة و بتترجرج كدة ومبتسحبش,, اول ما وصلت و ركنت سمعت صوت كدة فشششششششش في الحوض.. فتحت الكبوت و ببص لقيت مفيش ميه في القربة و خرطوم الفايظ عمال ينفخ في بخار عامل زي القطر بتاع زمان او كنكة الشاي:dzey:
مبقتش عارف اعمل اية المهم قلت خليها كدة و نخلص الخروجة في الراب و ابقى اشوفها لما تبرد .. وفعلا بعد ساعتين كدة فتحت القربة لقبتها مفيهاش ولا نقطة مية و الردياتير شكل المية ناقصة فيه .. طلعت الجيركن من شنطة العربية و كان فية نصة كدة .. مليت الردياتير و الميه مكفتش ساعتها كان في سواق تاكسي سألتة وقالي العربية سخنت و عشان مفيش مية المروحة مدارتش. .. روحت لميكانيكي هناك في الرحاب بعد ما زودت الميه و حكيتله الحكاية قاللي نستني لما العربية تهدى خالص كمان ساعتين كدة و نفك و نشوف... فقولتلة انا عندي شغل الصبح و الساعه كانت 10ونص كدة فقولتلة لا هاتلي جيركن مية وخلاص .. وزودت مية الردياتير و القربة و خلاص.:B4_033:
روحت بيها تاني يوم الشغل وروحت .. و بعد كدة جيت يوم الاتنين لما روحت البيت من الشغل فتحت الكبوت وببص لقيت الميه بتغلي جوه القربة .. طلعت غيرت هدومي و جري على بتاع الردياتيرات يشوفلي في اية .. قعد يلف في العربية و يحاول يدور على مكان الميه بتنشع منة و سبب غليان الميه قالي لازم نرفع العربية او تجيلي الصبح:question2: .. طبعا انا عندي شغل و مينفعش اروحلة الصبح الا يوم الجمعه او السبت و مستحيل طبعا همشي بالعربية وهي كدة .. المهم قولتلو اية الحل دلوقتي قالي روح للميكانيكي بتاعك يراجع على المكنة و الكهربا اللي فيها جايز تكون عالية.. روحت لعم علي (الميكانيكي ) و قالي بعد الكشف ان بلف الغطاء بتاع الردياتير مش مظبوط و لغيتهولك عشان يسمح للمية تيروح وتيجي من القربة للردياتير..
العربية دي اكتر حاجة مفرحاني منها انها مبتسخنش .. لية بيحصل كدة؟؟؟؟ :stink[1]:
المهم قولتلو عايز اغير البوجيهات و اظبط كهربة و هوا المكنة جبت طقم بوجيهات و ظبطلي الدنيا وزي الفل ...:,:
المفاجئة اني لما روحت الشغل انهاردة الصبح و تعمدت انزل بدري قبل الزحمه عشان اوصل بسرعه و مقفش كتير وانا مش ضامن العربية كدة .. ولما وصلت الشغل (من مصر الجديدة للدقي) في نص ساعه او اقل .. والطريق مفتوح قلت اخد بصة كدة و كانت المفاجئة ان المية برضة بتغلي جوة القربة... والغريب ان امبير الحرارة مش بيعلى عن الطبيعي (في التلت الاول) :I_angr1[1]:
وجت في دماغي كلمة عم على " العربية كدة زي الفل ومش هتعمل حاجة تاني بس لاقدر الله لو حصلت تبقى العربية جايبة جوان.:Copy of rfds:
تفتكرو اية الحل واية المشكلة يا رجالة .. محتاج المشورة من اهل الخبرة لو سمحتو.

نوعها ايه المياه الخضراء دي وبكام؟

اكنك بتحكى اللى بيحصلى اليومين دول بالظبط
الراجل برضه لغى لى البلف على الفاضى ولسه نفس القصه بعد ماتاكد ان الراديتير تمام ولما بحط ايدى على خرطوم الراديتير الميه بتغلى برضه وخرطو الفايظ بينفخ بغباء
والحراره مترفعش
انا هتجنن
شاكك ان كهربا العربيه مش مظبوطه او الطرمبه فيها حاجه
وممكن يكون البلف كان بايظ اصلا عموما هبدا بالغطا وهغيره
ومتابع ردود الرجاله معاك

اتاكد ان المراوح بتشتغل لان حصل عندى نفس الموضوع ده و كانت المراوح مش بتشتغل و مكناس بناخد بالنا و لا حتى كان المؤشر بيعلى

اتأكد من المراوح وروح للراجل بتاع الردياتير تانى وشوف هيقولك ايه غير كدا يبقا زى ما الميكانيكى قالك

ربنا يسترها عليك وعلى الجميع بامر الله.

لما الراجل غسلك الريادتير كانت اخبار المياه اللى نازلة ايه ولونها ايه ؟

اتاكدت ان المروحة شغالة وانها شغالة بكفاءة مش بطيئة ؟ وديه لما هتبص عليها والعربية سخنة او دور وزود بنزين وانت واقف وسيب وهكذا 5-10 دقايق وانزل بص عليها شغالة ولا لا.؟

لما غيرت المياه الفنى شالك كوعة الترموستات او الجوان اللى جوه لانه لو مقطوع او مش راكب صح ممكن يعمل معاك كدة.؟

العربية لو لا قدر الله جابت جوان او وش سلندر هتلاقى زيت فى المياه؟

لما الفنى غسلك الدورة وزودت المياه تانى يوم الصبح لقيت القربة والريادتير ناقص كتير ولا قليل ؟ لانها ممكن تكون واخدة هوا.؟

ابقى جرب وبرضه شوف حد بتاع ريادتير مضمون وطمنا.

here is the check list u need to follow
1-check radiator to be un bolcked
2-check thermostatic valve , i recommend u to replace it and not to remove it at all it will cost u 25 pounds but reserve more enregy
3-check water pump
4-whenfilling water at radiator fill it when the car is cold just once @ morning
and fill the partial water inlet to the max level indicator only
recheck and tell me

زي ما الاعضاء قالو اتأكد ان المروحة شغالة.

حصل عندي قبل كدة في الاكسنت بردو 1300 سي سي موديل 99 و طلع ان المشكلة ان المروحة مش شغالة و في الاخر طلع ان الثرموستات عايزة تتنضف بس.

اقتباس:

---

المشاركة الأصلية كتبت بواسطة windofchange

نوعها ايه المياه الخضراء دي وبكام؟

---

الجيركن اللي جبتة الاول لما نضفت الداورة كان ب 20,, ولما خلص جبت واحد تاني ب 30 بس معرفش اسمة اية .. بس هو مصري يعني

اقتباس:

---

المشاركة الأصلية كتبت بواسطة ayman-ahmed

ربنا يسترها عليك وعلى الجميع بامر الله.

لما الراجل غسلك الريادتير كانت اخبار المياه اللى نازلة ايه ولونها ايه ؟

اتاكدت ان المروحة شغالة وانها شغالة بكفاءة مش بطيئة ؟ وديه لما هتبص عليها والعربية سخنة او دور وزود بنزين وانت واقف وسيب وهكذا 5-10 دقايق وانزل بص عليها شغالة ولا لا.؟

لما غيرت المياه الفنى شالك كوعة الترموستات او الجوان اللى جوه لانه لو مقطوع او مش راكب صح ممكن يعمل معاك كدة.؟

العربية لو لا قدر الله جابت جوان او وش سلندر هتلاقى زيت فى المياه؟

لما الفنى غسلك الدورة وزودت المياه تانى يوم الصبح لقيت القربة والريادتير ناقص كتير ولا قليل ؟ لانها ممكن تكون واخدة هوا.؟

ابقى جرب وبرضه شوف حد بتاع ريادتير مضمون وطمنا.

---

بص انا لما غسلت الردياتير كانت المية مصدية تماما .. عشان كنت بحط مية حنفية .. والمراوح شغاله زي الفل و شيكت عليها اكتر من مرة .. ولما غيرت المية مفكش اي حاجة غير القربة عشان ينضفها غير كدة كان شغار دفع ميه جوة الدايرة عشان تنضف .. وحط حاجة كدة قعددت تفور تقريبا عشان مزيل الصدأ .. مفيش زيت في المية مع ذلك ..
كان ناقض حبة قليلين لما بصيت الصبح.

اقتباس:

---

المشاركة الأصلية كتبت بواسطة amr adel13

here is the check list u need to follow
1-check radiator to be un bolcked
2-check thermostatic valve , i recommend u to replace it and not to remove it at all it will cost u 25 pounds but reserve more enregy
3-check water pump
4-whenfilling water at radiator fill it when the car is cold just once @ morning
and fill the partial water inlet to the max level indicator only
recheck and tell me

---

هجرب كدة الخطوات دي .. وربنا يستر

اقتباس:

---

المشاركة الأصلية كتبت بواسطة mohssenrashed

زي ما الاعضاء قالو اتأكد ان المروحة شغالة.

حصل عندي قبل كدة في الاكسنت بردو 1300 سي سي موديل 99 و طلع ان المشكلة ان المروحة مش شغالة و في الاخر طلع ان الثرموستات عايزة تتنضف بس.

---

بس يا باشا المراوح عندي شغالين .. انا شيكت عليهم بنفسي ..

ممكن تكون طرمبة المية مش شغالة بكفاءة لو لقدر الله انها جابت جوان هيبان من عادم الشكمان لو فيه مية دى حاجة او يكون الزيت طحن يعني عمل طحينة شوف كده وان شاء الله بسيطة

جيبت دلوقتى غطا جديد علشان البلف يظبط الاداء والمروحه ظبطت والحراره هديت شويه بس مش الطبيعى برضه
واكتشفت ان فيه خرم فى الراديتير

متابع

متابع

متابع ...

اقتباس:

---

المشاركة الأصلية كتبت بواسطة mazagngi2010

جيبت دلوقتى غطا جديد علشان البلف يظبط الاداء والمروحه ظبطت والحراره هديت شويه بس مش الطبيعى برضه
واكتشفت ان فيه خرم فى الراديتير

---

لو الردياتير نحاس الحم الخرم عادى لو الومنيوم يستحسن تغيره

اقتباس:

---

المشاركة الأصلية كتبت بواسطة المنسي

ممكن تكون طرمبة المية مش شغالة بكفاءة لو لقدر الله انها جابت جوان هيبان من عادم الشكمان لو فيه مية دى حاجة او يكون الزيت طحن يعني عمل طحينة شوف كده وان شاء الله بسيطة

---

هبص على عادم الشكمان كدة .. بس الزيت مطحنش

اقتباس:

---

المشاركة الأصلية كتبت بواسطة egy_3assy

نموذج الأعطال

1- موديل السيارة : اكسنت
2- سنة الصنع : 1999
3- الفئة : 1300
4- ناقل الحركة (مانيوال / اوتوماتيك) : مانيوال
5- الكيلومترات المقطوعة : 153000
6- تاريخ أخر صيانة و نوعها : تغيير زيت و تشييك على كهرباء السيارة يوم 27 / 4 / 2012
7- وصف المشكلة أو العطل : غليان الميه الخضراء في القربه و تبخرها في مدة لا تتجاوز 48 ساعه
8- تشخيص العطل (بواسطة الأعضاء) : لا يوجد
9- قطع الغيار المطلوبة و أسعارها : لا يوجد
10- الفترة الزمنية من بدء عرض المشكلة حتي الانتهاء منها : لسه جديدة
11- تقييم صاحب الموضوع للسيارة بعد الأصلاح : لما تتصلح هديها تقييم

هحاول اختصر على قد ما اقدر ومحتاج مساعدة بجد يا جماعة و مش هينفع اسيب الموضوع كدة
اول الشهر اللي فات عملت دورة غسيل لدايرة المية في العربية (اكسنت 99 1300 cc) و جبتلها ميه خضراء وبقت زي الفل.. :bravo:
يوم السبت اللي فات رحت بيها لرحاب من مصر الجديدة مع صحابي ,, وانا على الطريق حسيت العربية مش مظبوطة و بتترجرج كدة ومبتسحبش,, اول ما وصلت و ركنت سمعت صوت كدة فشششششششش في الحوض.. فتحت الكبوت و ببص لقيت مفيش ميه في القربة و خرطوم الفايظ عمال ينفخ في بخار عامل زي القطر بتاع زمان او كنكة الشاي:dzey:
مبقتش عارف اعمل اية المهم قلت خليها كدة و نخلص الخروجة في الراب و ابقى اشوفها لما تبرد .. وفعلا بعد ساعتين كدة فتحت القربة لقبتها مفيهاش ولا نقطة مية و الردياتير شكل المية ناقصة فيه .. طلعت الجيركن من شنطة العربية و كان فية نصة كدة .. مليت الردياتير و الميه مكفتش ساعتها كان في سواق تاكسي سألتة وقالي العربية سخنت و عشان مفيش مية المروحة مدارتش. .. روحت لميكانيكي هناك في الرحاب بعد ما زودت الميه و حكيتله الحكاية قاللي نستني لما العربية تهدى خالص كمان ساعتين كدة و نفك و نشوف... فقولتلة انا عندي شغل الصبح و الساعه كانت 10ونص كدة فقولتلة لا هاتلي جيركن مية وخلاص .. وزودت مية الردياتير و القربة و خلاص.:b4_033:
روحت بيها تاني يوم الشغل وروحت .. و بعد كدة جيت يوم الاتنين لما روحت البيت من الشغل فتحت الكبوت وببص لقيت الميه بتغلي جوه القربة .. طلعت غيرت هدومي و جري على بتاع الردياتيرات يشوفلي في اية .. قعد يلف في العربية و يحاول يدور على مكان الميه بتنشع منة و سبب غليان الميه قالي لازم نرفع العربية او تجيلي الصبح:question2: .. طبعا انا عندي شغل و مينفعش اروحلة الصبح الا يوم الجمعه او السبت و مستحيل طبعا همشي بالعربية وهي كدة .. المهم قولتلو اية الحل دلوقتي قالي روح للميكانيكي بتاعك يراجع على المكنة و الكهربا اللي فيها جايز تكون عالية.. روحت لعم علي (الميكانيكي ) و قالي بعد الكشف ان بلف الغطاء بتاع الردياتير مش مظبوط و لغيتهولك عشان يسمح للمية تيروح وتيجي من القربة للردياتير..
العربية دي اكتر حاجة مفرحاني منها انها مبتسخنش .. لية بيحصل كدة؟؟؟؟ :stink[1]:
المهم قولتلو عايز اغير البوجيهات و اظبط كهربة و هوا المكنة جبت طقم بوجيهات و ظبطلي الدنيا وزي الفل ...:,:
المفاجئة اني لما روحت الشغل انهاردة الصبح و تعمدت انزل بدري قبل الزحمه عشان اوصل بسرعه و مقفش كتير وانا مش ضامن العربية كدة .. ولما وصلت الشغل (من مصر الجديدة للدقي) في نص ساعه او اقل .. والطريق مفتوح قلت اخد بصة كدة و كانت المفاجئة ان المية برضة بتغلي جوة القربة... والغريب ان امبير الحرارة مش بيعلى عن الطبيعي (في التلت الاول) :i_angr1[1]:
وجت في دماغي كلمة عم على " العربية كدة زي الفل ومش هتعمل حاجة تاني بس لاقدر الله لو حصلت تبقى العربية جايبة جوان.:copy of rfds:
تفتكرو اية الحل واية المشكلة يا رجالة .. محتاج المشورة من اهل الخبرة لو سمحتو.

---

الاخ المحترم
ارجو ترتيب خطوات الكشف علي النحو التالي
1- عمل كبس لدوره المياه و مراجعه اي تسريب و راجع علي غطاء الرداتير و كوليهات و كوعه المياه
2- اكشف علي المراوح شفها شغاله ولا لاء
3- اعمل اختبار جوان وش سلندر و علي فكره مش لازم العربيه تتطحن لو فيها جوان الطحينه بتبقا اخر مرحله من الجوان وو تقبل تحياتي

اقتباس:

---

المشاركة الأصلية كتبت بواسطة speed service

الاخ المحترم
ارجو ترتيب خطوات الكشف علي النحو التالي
1- عمل كبس لدوره المياه و مراجعه اي تسريب و راجع علي غطاء الرداتير و كوليهات و كوعه المياه
2- اكشف علي المراوح شفها شغاله ولا لاء
3- اعمل اختبار جوان وش سلندر و علي فكره مش لازم العربيه تتطحن لو فيها جوان الطحينه بتبقا اخر مرحله من الجوان وو تقبل تحياتي

---

الله ينور عليك تمام كدة انا حصل معايا الموقف دة بس انا روحت على طول كبست الردياتير وطلع تمام مفيش تنفيس بس الصنايعى قاللى زود مية كدة فى الردياتير لقيت المية بتعمل فقاقيع كأن فية حد بينفخ فى الردياتير من جوة ...... قالى كدة جوان وش السلندر
التفسير ( ان جوان وش السلندر بيهرب الضغط بتاع البساتم من وش السلندر على دايرة المية ودى يلزمها تغيير جوان وش السلندر )
وغيرتة وغيرت ثرموستات المية لأن لقيتة مش بيفتح بالكامل بيفتح بسيط جدا ودة ممكن يكون السبب فى السخونة
والحمد لله العربية تمام معايا دلوقتى

اكشف علي ترمثتات الماء اكيد بيظة ومش بتكمل الدورة للمتور الترمثتات دي موجوده في الكوعة بتاعة المياة
جرب كده عشان حصل معيا نفس الموضوع وكانت النتيجة من الترموثتات
وشوف ممكن يكون فية سدد في الخرطيم ولا لا

نصيحة غير ثرموستات مروحة وثرموستات كوعة واكشف على ردياتير و طلمبة المياة و المراوح

وخلى القطع القديمة احتياطى عندك وان شاء اللة كلة تمام

اقتباس:

---

المشاركة الأصلية كتبت بواسطة speed service

الاخ المحترم
ارجو ترتيب خطوات الكشف علي النحو التالي
1- عمل كبس لدوره المياه و مراجعه اي تسريب و راجع علي غطاء الرداتير و كوليهات و كوعه المياه
2- اكشف علي المراوح شفها شغاله ولا لاء
3- اعمل اختبار جوان وش سلندر و علي فكره مش لازم العربيه تتطحن لو فيها جوان الطحينه بتبقا اخر مرحله من الجوان وو تقبل تحياتي

---

طيب يا باشا سؤال .. اعمل كشف جوان وش سلندر ازاي ؟؟ معلش انا جديد في السخونية دي

انا هبتدي التجارب دي وهاخد بالنصايح من بكرة ان شاء الله .. بعد ما اروح انتخب هطلع ابتدي معاها و ادعولي بقا .. عشان بصراحة العربية دي هي ايدي و رجلي و 90% من حياتي بقضيها فيها.

يا جماعه انا اتضحك عليا ... ببساطة انا خدت العربية يوم الاربع بليل ووديتها لميكانيكي معرفة واحد صحبي .. رفع العربية و قعد يقلب فيها يمين وشمال ,, ومش لاقي نشع خالص.
في الاخر طلعت المشكلة من غطا الردياتير .. غيرتة ب 7 جنية :] والعربية بقت 100 100 .. وانا اساسا كنت رايح اعمل جوان

اقتباس:

---

المشاركة الأصلية كتبت بواسطة egy_3assy

يا جماعه انا اتضحك عليا ... ببساطة انا خدت العربية يوم الاربع بليل ووديتها لميكانيكي معرفة واحد صحبي .. رفع العربية و قعد يقلب فيها يمين وشمال ,, ومش لاقي نشع خالص.
في الاخر طلعت المشكلة من غطا الردياتير .. غيرتة ب 7 جنية :] والعربية بقت 100 100 .. وانا اساسا كنت رايح اعمل جوان

---

طيب الحمد لله على كل حال وكويس انها جت فى حاجة بسيطة

بص يا نجم انا كان عندي نفس المشكله بالظبط انا معايا اكسنت 2005 و طلعت المشكله في الخرطومين اللي واصلين من السربنتينه للماتور و كان بينقط انت بس هتتعب اوي لاني سالت عليهم حتي في غبور ملقتهاش و قالي هجيبهالك اوردر من كوريا ب 55 جنيه بس انا اتصرفت و الحمد لله الحراره نزلت و العربيه بقت زي الفل نسيت اقولك خلي الكهربائي يتاكد من ان المروحتين شغالين مروحه التكييف و المروحه العاديه لان الكهربائي غيرلي فيوز كان موقف مروحه التكييف و لو عاوز اي حاجه انا في الخدمه

اقتباس:

---

المشاركة الأصلية كتبت بواسطة arateb

بص يا نجم انا كان عندي نفس المشكله بالظبط انا معايا اكسنت 2005 و طلعت المشكله في الخرطومين اللي واصلين من السربنتينه للماتور و كان بينقط انت بس هتتعب اوي لاني سالت عليهم حتي في غبور ملقتهاش و قالي هجيبهالك اوردر من كوريا ب 55 جنيه بس انا اتصرفت و الحمد لله الحراره نزلت و العربيه بقت زي الفل نسيت اقولك خلي الكهربائي يتاكد من ان المروحتين شغالين مروحه التكييف و المروحه العاديه لان الكهربائي غيرلي فيوز كان موقف مروحه التكييف و لو عاوز اي حاجه انا في الخدمه

---

ربنا يخليك يا معلم .. انا فعلا عايز اعمل تشيك على الخراطيم كلها .. بس انا بصيت على المراوح و الاتنين شغالين عادي.

انا لقيت المشكلة فين .. الغطاء البلاستيك الي في اعلى الردياتير كان فيه خرمين .. غيرتة ب 100 جنية و نضفت الدايرة و الكركرة راحت .. والحرارة اتظبطط الحمد لله كله بقا تمام

للاسف الشديد دخلت الموضوع متاخر
للعلم بس البخار مش معناه ان العربيه سخنه مولعه وبتنفجر لان معظم العربيات الجديده بتعتمد علي ان الدايره مغلقه وبالتالي الضغط القوي بيخلي المياه في الحاله السائله حتي لو درجه حرارتها نار (عايز تتاكد من كلامي بعد ما تخلص مشوار والعداد تحت النص جرب تهوي غطا الريداتير سنه خفيفه بس طبعا تكون لافف فوطه مبلوله علي ايدك علشان البخار اللي هيطلع زي حله الضغط كده بالظبط)
الحل كان واضح وسهل من اللحظه الاولي انه غطاء الريداتير اللبلف بتاعه
يله قدر الله وما شاء فعل انشاء الله المره الجايه اجي بدري شويه

اقتباس:

---

المشاركة الأصلية كتبت بواسطة tamer_a7

للاسف الشديد دخلت الموضوع متاخر
للعلم بس البخار مش معناه ان العربيه سخنه مولعه وبتنفجر لان معظم العربيات الجديده بتعتمد علي ان الدايره مغلقه وبالتالي الضغط القوي بيخلي المياه في الحاله السائله حتي لو درجه حرارتها نار (عايز تتاكد من كلامي بعد ما تخلص مشوار والعداد تحت النص جرب تهوي غطا الريداتير سنه خفيفه بس طبعا تكون لافف فوطه مبلوله علي ايدك علشان البخار اللي هيطلع زي حله الضغط كده بالظبط)
الحل كان واضح وسهل من اللحظه الاولي انه غطاء الريداتير اللبلف بتاعه
يله قدر الله وما شاء فعل إن شاء الله المره الجايه اجي بدري شويه

---

في يا باشا سوء تفاهم عندك بس .. انا اول حاجة عملتها اني غيرت الغطاء و البلف بتاعو فعلا كان بايظ.. بس بعد كدة اكتشفت المشكلة التانية هي ان عطا الردياتير نفسو البلاستيك هوا اللي مخروم كمان .. الغطا اللي طالع منو الخراطيم .. معايا الصور بس مش عارف ارفعها ازاي.