غيرت طقم دبرياج للاكسيل .... تقرير مصور

**koshary** · 23-05-2012 02:42 PM

المشاركة الأصلية كتبت بواسطة ahmedzizo131

بسم الله الرحمن الرحيم
الله ينور عليك يا كشرى
تقرير ممتاز

ربنا يكرمك ياباشا اتمنى يكون ربنا وفقنى وقدرة اطلع التقرير على اكمل وجه

بس عندي استفسارين
1- اية اللمبات اللى راكبة للنور الصغير ؟؟؟

دى لمض اسمها typr r ده كارت ب 5 جنية فيه لمبتين انا باخد اللمبتين مش بركبهم علطول بطلعهم البيت الاول بطول سلكة الكهربه بتاعتهم لان الشركه اللى عاملاهم عامله سلكة الكهربه قصيره فلما تدخل فى الدواية تقعد تتحك وتقصر واللمبة تتحرق انا قبل مابركبهم بطلعهم البيت بخلعها من بعضها وبطول السلك بمكوة لحام وبكدا اللمض تقعد معايا اكتر فترة ممكنه اومال الناس بتشتكى ان اللمض بتتحرق بسرعه ليه لان حرام كل اسبوعين اجيب لمبتين ب 5 جنية فيه لمض بقا الليدات اللى فيها 10 ليدات كنت ركبتها مكملتش اسبوع لان اللمض الفيليبس رالى قوية ونورها حرقهم بقيت اجيب اللى ب 5 جنية دى اللمبه قصيرة ونورها حلو جدا وفيه جميع الالوان ( اخضر - احمر - ازرق - ثلجى )

2 - هى العربية كانت واخدة خبطة فى الشنب و معدول ؟؟؟

لا مفيش خبطة ولا حاجه

**ahmedzizo131** · 23-05-2012 02:45 PM

المشاركة الأصلية كتبت بواسطة koshary

لا مفيش خبطة ولا حاجه

بسم الله الرحمن الرحيم
الف الف شكر يا جميل
و ربنا يكفيك شرها يا رب

**mohm82** · 23-05-2012 04:28 PM

ميتقلش غير تسلم ايديك و عنيك على الموضوع الجامد و المفيد
وشكراً

**Sehsss** · 25-05-2012 10:20 AM

المشاركة الأصلية كتبت بواسطة koshary

الكربيراتير اصلا معظم اجزاؤه معدن ماظنش انو بيتأثر بالمواد الكيميائيه لان الميكانيكى مأكدلى ان منظفات الانجكشن اعلى فى الكفاءه ومالهاش اى تأثير والله اعلم بس لو كان ليه تأثير كان بان انا بقالى سنتين بنظف فيه وزى الفل

والله أنا ما بخافش إلا من كلام الميكانيكية

**koshary** · 26-05-2012 11:56 PM

المشاركة الأصلية كتبت بواسطة mohm82

ميتقلش غير تسلم ايديك و عنيك على الموضوع الجامد و المفيد
وشكراً

ياباشا الكلام الكبير ده والله انت اللى تسلم ايدك شكرا على الكلام الحلو ده

**aboharb** · 27-05-2012 01:49 AM

الف مبروك يا باشا وعقبالى الدسك عندى ابتدى يتعب وطبعا هغير الطقم كله

**artist** · 27-05-2012 02:41 AM

مبروك يباشا!!!!

**koshary** · 27-05-2012 09:09 AM

المشاركة الأصلية كتبت بواسطة aboharb

الف مبروك يا باشا وعقبالى الدسك عندى ابتدى يتعب وطبعا هغير الطقم كله

اهم حاجى هات الطقم الاصلى انت عرفت شكل العلبه هتلاقيه ب 320 فى التوفيقية عند ابراهيم البنا الراجل ده كل حاجتو الاصلى انا جيبت بردو قبل كدا منو التيل الاصلى الامامى ب 140 جنية بس والله فرق عن التيل ال ب 45 جنية فرق السما والارض فعلا الغالى ثمنو فية ولو عوزت اى حاجة منى انا تحت امرك والميكانيكى بتاعى موجود لو تحب فى اى وقت هخليه يظبطلك الكلام