السلام عليكم
الحمد لله رزقنا الله بنوتة حلوة
عاوزكم تشاركوني الفرحة وتساعدوني في إختيار اسم حلو لها
انا محتار جدا المرة دي ومش لاقي إسم يجذبني كده من أول وهلة
وجزاكم الله خيرا
عرض للطباعة
السلام عليكم
الحمد لله رزقنا الله بنوتة حلوة
عاوزكم تشاركوني الفرحة وتساعدوني في إختيار اسم حلو لها
انا محتار جدا المرة دي ومش لاقي إسم يجذبني كده من أول وهلة
وجزاكم الله خيرا
الف الف مبروك ياباشا ربنا يفرحك بيها يارب وتبقى عروسة قد الدنيا متنساش بقا السبوع بتاعنا هههههههههه ...
بالنسبة بقا للاسامى ( فريدة - ليالى - جنى - رقية - جومانا - نور ) ....
الف الف مبروك يا كبير
اللهم اجعلها من الذريه الصالحه
فى اسامى كتير
روتاج
روميساء ((اسم بنتى ))
مريم
نورا
ريم
بسمله
فاطمه
جنى
حنين
ضحى
ملك
داليدا
بورك لك في الموهوب وشكرت الواهب وبلغ رشده ورزقت بره
الف مبروك يا باشا
فى اسم ريتاج ( كسوه الكعبه ) ان شاء الله لما ربنا يرزقنى ببنت هسميها كدا
ليلى
بورك لك فى الموهوبه .. و شكرت الواهب و بلغت أشدها ورزقت برها.
ممكن ندى :-)
الف مبروك و تتربى في عزك و في وطن تشعر انه بلدها
ممكن :
سلمى
جومانة
مليكة
حبيبة الله
خديجة
مريم
نهى
اللهم اجعلها من الصالحات المصلحات البارين بوالديهم ..
فريدة أسم جميل
حمد الله على سلامة مامتها وسلامتها وربنا يخليهم لك
ثناء
آلاء
بورك لك في الموهوبه وشكرت الواهب وبلغت أشدها ورزقت برها
اللهم احفظها بحفظك و أكلئها برعايتك و بارك فيها و في ابناء الامة الاسلامية
(و اني سميتها مريم و اني اعيذها بك و ذريتها من الشيطان الرجيم )
( و استوت علي الجودي )
(و جنا الجنتين دان )
( ما قطعتم من لينة )
عائشة - فاطمة - خديجة - رقية
ردينة - رزينة - ملك - فريدة - ياسمين - يارا
وفي النهاية ربنا يجعلها من الصالحات
الف مبروك ربنا يباركلك فيها يارب
سميها نور علي اسم بنتي
الف مليون مبروك وربنا يجعلها من الصالحات
بالنسبة للاسم ممكن
سندس يوسف
ملاك يوسف
ريتاج يوسف
وربنا يخليهالك يا استاذ يوسف
ألف مبروك
سوزان
ريهام
ندى
منى
مى
داليا
دول اسماء إخواتى على فكرة
ربنا ييارك فيكم كلكم على ذوقكم واهتمامكم
وربنا يرزقكم جميعا الذرية الصالحة أما اللي ما اتجوزش فربنا يجوزه أحلى زوج
كل الأسماء اللي اقترحتوها حلوة قوي وفيه منها حاجات شدتني زي
رقية
هاجر
فريدة - مشكلة إن جمال مبارك مسمي فريدة
جنى - مش عارف معناها
نور
ريم - احلى اسم حبيته في حياتي لكن للأسف قرايبي استخدموه
ريتاج
ليلى
جومانة - مش عارف معناه
ايه رأيكم في الأسماء ( يمنى - ريماس وتعنى ماء الذهب - رغد واسم الدلع رغودي )
ولو حد عنده أسماء تانية ما يبخلش علينا بيها
.
ربنا يباركلك فيها ويحفظها دائما ان شاء الله
بنتي الحبيبه جايه بعد 4 شهور كده ..ادعولي ربنا يجيبهالي بالسلامه
وناوي علي فريده او ليلي او نادين ..
فيه بعض الاسماء كنت محتار فيها بس كترت قوي الفتره اللي فاتت فاستبعدتها ..زي كرمه و ريناد و ريتاج وريماس..
ساره sarah
صدقني ده الاسم الوحيد المشترك بين كل الاديان و كل البلدان و كل الحضارات
ده غير انه سهل النطق و الكتابه بالعربي و بالانجليزي
و ربنا يخليهالك و يباركلك فيها و تجوزها في حياتك ان شاء الله
عاليا
الف مبروك وربنا يبارك فيها
اقترح ليلى
اسم قديم وجديد وعمره ما يبطل ابدا
...
بس ابعد عن الاسماء ام كاتالوج
رقيه
هاجر
اسماء بناتي
ممكن
ريم
مريم
ساره
فريده
انما بصراحه الاسماء اللي كلها معني وعايزه مترجم
وبدون زعل
زي
ريتاج
وجني
وجويريه
ولجين
وما شابه بصراحه مش متقبلها وممكن تعمل مشاكل في القيد في السجلات ممكن حرف يتكتب غلط ويعمل مشكله لصاحبه ونطقها غير دارج
زي واحد قريبنا اسمه كان وليد
والده حب يطلع له شهاده ميلاد وكانت المفجاءه ان اسمه اصبح السيد
Lima
nadin
جعلها الله قرة عين لك وباره بوالديها .... بارك الله لك في الموهوب ، وشكرت الواهب، وبلغ أشده، ورزقت بره
على حد علمي اخي العزيز ان الريتاج معناه " ترباس الباب" ...!!! والله اعلم
فقد جاء في مختار الصحاح: أَرْتج الباب أغلقه وأُرتج على القارئ على ما لم يسم فاعله إذا لم يقدر على القراءة كأنه أطبق عليه كما يرتج الباب وكذا ارتُتِج عليه على ما لم يسم فاعله أيضا... والرّتَج بفتحتين الباب العظيم وكذا الرِّتَأْجُ بالكسر ومنه رِِتَاجُ الكعبة وقيل الرِّتاج الباب المغلق وعليه باب صغير.
وفي لسان العرب لابن منظور: والرتاجة: كل شعب ضيق كأنه أغلق من ضيقه .
جزاكم الله خيرا إخوتي الأحباء على اهتمامكم
أنا للأسف مش مستسيغ الأسماء اللي مالهاش معنى واضح واللي حاسس إنها مالهاش أي علاقة بالإنسان
زي ريتاج - وحتى لو كان باب الكعبة فما علاقته بمواصفات ابنتي !!!
ودلوقتي أنا محتار
بنتي الأولى سميتها مي على اسم والدتها
والثانية سميتها لميس - الصراحة بنتي الأولى لقيتها مصممة تسميها لميس فقلت مش هأكسفها
دلوقتي عاوز آخد حقي وأسمي بقى على مزاجي أنا ولكن للأسف زوجتي المصون عاملالي كارت فيتو وبتقولي انت اختار الاسم لكن لازم هي توافق عليه ههههههههههههه
مش عاوز أفشل معاها وأقولها سميها انتي وخلاص
كلمتي مش ممكن تنزل الأرض أبداااااااااااااااا
ولا هتنزل المرة دي ؟؟؟؟؟؟؟
اللي عنده اسم تاني ياريت ما يبخلش علينا بيه
هههههههههههههههههاقتباس:
دلوقتي عاوز آخد حقي وأسمي بقى على مزاجي أنا ولكن للأسف زوجتي المصون عاملالي كارت فيتو وبتقولي انت اختار الاسم لكن لازم هي توافق عليه ههههههههههههه
كلنا هذا الرجل ..
.لأ والادهي بقي انها تديك اختيارات كمان في وسطيها الاسم اللي هي عايزاه ..تقوم انت تختار باقي الاختيارات فمتوافقش ..تيجي تختار الاسم اللي هي عايزاه ..تقولك براحتك لو انت موافق انا موافقه..
ويبقي اسمك انت اللي اختارت :))
سما
فيه اسامي قديمة جديدة في نفس الوقت ومعناها جميل وبسيط
مثلا
أروى .... على اسم عمة الرسول عليه الصلاة والسلام اروى بنت عبد المطلب
وسلمى
وليلى
وياسمين
وياسمينه
ووردة
وقرنفلة
وفلة
وعندك بقى باقي اسماء الزهور
وداليا
ونور
وكاميليا
..
مش معقول كل دول مش عاجبينك بقى
اسم أمنه
معناه جميل من الأمان والامن
ترجو أن يجعلها الله من الأمنيين يوم القيامة
اسم له خلف وهي أم الرسول - صلى الله عليه وسلم -
سهل حفظه وما فيش تريقة عليه
سهل كتابته بالانجليزي :)
مبروك
جعلها الله سببا لدخولك جنه الخلد
ألف مبروك وربنا يحفظهالك ويجعلها من الذرية الصالحة إن شاء الله
أبعد بعيد عن الأسماء التى تحتاج دائماً لتفسير معناها طول العمر !
أنا لسه ربنا رزقنى ببنوتة وسميتها رانيا
هوة انت اكيد سمتوها
و 100000مبررروك وربنا يحفظهالك ويخليها
الف مليون مبروك يا اخي الكريم
و ربنا يبارك لحضرتك فيهم
و ارشح اسم ( سندس )
تحياتي اليك يوسف باشا
م.حاتم السباعي
يا جماعة ربنا يبارك فيكم كلكم يا رب ويرزقكم الذرية الصالحة والحياة السعيدة
الحمد لله أمس روحت ثبتها في الصحة وطلعتلها شهادة الميلاد
سميتها جمانة
الصراحة كان نفسي أسميها ريم - أمي ربنا يديها الصحة - وأنا طفل قبل المدرسة كانت تعلمني الكتابة وتقولي بيت الشعر بتاع ( ريم على القاع بين البان والعلم - أحل سفك دمي في الأشهر الحرم )
طبعا كل إسم كنا بنختلف لأن فيه واحدة غلسه اسمها كذا أو واحدة زميلتها شكلها عفش اسمها كذا
قوم إيه أنا بحسن نية - أي والله - حكيت لزوجتي المصون عن معيدة كانت بتدرسلنا في الكلية وإنها كانت قمة في الذوق والعلم والتدين والجمال واسمها ريم
فأم العيال قالت راسها وألف سيف ما أسمي ريم ولو على رقبتها
في الآخر طبعا - كلامي نزل المرة دي - المرة دي بسسسسسسسسسس
وعملنا قرعة وطلعت جمانة
للي عاوز يعرف بقى - جمانة تعني اللؤلؤة
وهناك صحابية اسمها جمانة بنت الحارس
وإحدى بنات سيدنا علي إسمها جمانة
يلا تعيشوا لكل مولود وعقبال عندكم في المسرات