كيفية الغاء كشف الحساب اللى بيتبعت من البنك

**greenday** · 22-05-2012 12:43 PM

بقالى حوالى سنتين بيتبعتلى كشف حساب من البنك الأهلى كل 3 شهور بالرغم انى مطلبتش كده وسمعت ان الخدمة دى بيتاخد عليها فلوس بتتسحب من حسابى فهل ده صحيح؟ وبياخدوا كام بالظبط؟؟؟ وازاى الغيها هل لازم اروح البنك ولا ممكن عن طريق الأتصال لانى مش محتاج الخدمة دى ومش عايز جوابات تتبعتلى البيت ياريت حد يفدنى

**nakkash** · 22-05-2012 12:49 PM

المشاركة الأصلية كتبت بواسطة greenday

بقالى حوالى سنتين بيتبعتلى كشف حساب من البنك الأهلى كل 3 شهور بالرغم انى مطلبتش كده وسمعت ان الخدمة دى بيتاخد عليها فلوس بتتسحب من حسابى فهل ده صحيح؟ وبياخدوا كام بالظبط؟؟؟ وازاى الغيها هل لازم اروح البنك ولا ممكن عن طريق الأتصال لانى مش محتاج الخدمة دى ومش عايز جوابات تتبعتلى البيت ياريت حد يفدنى

الخدمة دى خدمة إجبارية من البنك لازم يبعتلك كشف حساب دورى عشان يعرفك العمليات اللى بتم على الحساب واعتقد انه ما ينفعش انك تلغيها بس ممكن تطلب من البنك انه ما يبعتلكش الجوابات على البيت ويخليها حفظ الفرع عنده لكن كشف الحساب ده حاجة اجبارية عشان تصادق على الحساب ولو فى اى أخطاء تقدر تروح تراجع البنك فيها

**greenday** · 22-05-2012 12:52 PM

المشاركة الأصلية كتبت بواسطة nakkash

الخدمة دى خدمة إجبارية من البنك لازم يبعتلك كشف حساب دورى عشان يعرفك العمليات اللى بتم على الحساب واعتقد انه ما ينفعش انك تلغيها بس ممكن تطلب من البنك انه ما يبعتلكش الجوابات على البيت ويخليها حفظ الفرع عنده لكن كشف الحساب ده حاجة اجبارية عشان تصادق على الحساب ولو فى اى أخطاء تقدر تروح تراجع البنك فيها

هل بيتم خصم مبالغ من رصيدى لانى ملاحظ كده مع العلم ان رصيدى مش مستاهل كشف حساب لانه حوالى 3 الاف جنيه فقط والفلوس اللى بتطلع منه فوايد بتتخصم

**greenday** · 22-05-2012 05:50 PM

منتظر الردود

**msafa** · 22-05-2012 06:08 PM

بيتم خصم مبلغ حسب البنك و ده اجباري حسب تعليمات البنك المركزي

البنك العربي عامل كشف حساب الكتروني مجاني و ده تقريبا البنك الوحيد اللي عامل كده

**greenday** · 22-05-2012 06:38 PM

المشاركة الأصلية كتبت بواسطة msafa

بيتم خصم مبلغ حسب البنك و ده اجباري حسب تعليمات البنك المركزي

البنك العربي عامل كشف حساب الكتروني مجاني و ده تقريبا البنك الوحيد اللي عامل كده

يعنى ماينفعش امنع الموضوع ده خالص اصل سمعت من ناس ان ممكن تلغى الخدمة دى

**kimocyc** · 22-05-2012 08:25 PM

روح البنك واطلب الكشف يكون كل سنة..

**Screenplays** · 22-05-2012 08:40 PM

نفس المشكله و الطريف ان الحساب بتاعي مفيهوش الا 6 قروش هههههههههههههههههههههه شلاه يا ثوره

**shaddadfalcon1** · 22-05-2012 08:56 PM

انا في hsbc وكانو بيبعتو الخطابات علي الشركه وطلبت تتحول ايميل وفي اي وقت بدخل علي الموقع اشوفها

**Ayman-Ahmed** · 23-05-2012 12:10 AM

لازم تروح الفرع التابع ليه وتعمل طلب وتمضى عليه بحفظ الكشف وده بيكلف تقريبا 36 جنيه بيتخصموا من حسابك سنويا بدلا عن 115 او 125 جنيه مصاريف ارسال الكشف.ولما تحب تتطلع عليه بتروح الفرع بتقولهم فى خدمة العملاء عاوز اكبع اخر كشف حساب وديه مجانا.