الشاهين بتحدف شمال

**رامى خيال** · 15-06-2008 07:43 PM

سيارتى الشاهين فيها حدفة شمال بتبان لما اسيب الدريكسيون حر.رحت لحداد العفشة قال العفشة مفيهاش مشاكل شوف الكاوتش.رحت لبتاع الكاوتش قال مفيش مشاكل.مع العلم انها لسه بكاوتشها النسر اللى بتنزل به وعامل 21.000 كم فقط.ياترى المشكلة فين بالضبط؟ افيدونا افادكم الله

تم دمج الموضوعين المكررين من قسم فيات والورشة لعدم التكرار-الإدارة 4

**medozaed** · 15-06-2008 08:10 PM

روح لبتاع زوايه وهوا هيظبطلك العربيه

15-06-2008 08:30 PM

اظبط زوايا

**Dr.A.Nabil** · 16-06-2008 12:30 AM

zawayaaaaaaaaaaaaaaaaaaaaa

**eldeplomasy** · 16-06-2008 03:05 AM

يفضل جدا جدا جدا انك تروح الشركة حتى لو مكنتش في الضمان روح وادفع حوالي 22ج وخليهم يضبطولك زوايا افضل من اي حد بره بمليون مرة ده غير انهم فاهمين وحافظين العربية وبلاش تخلي حد يلعبلك فيها وخصوصا الميكانيكيه لانها انجكشن

ودي تجربتي مع العربية

**mrghost** · 16-06-2008 07:03 AM

اولا الكاوتش النسر ناشف على العربيه يستحسن تغيره بنوع كويس ثانيا اضبظ ضغط الهواء كويس لو لسه نفس المشكلة اضبط زوايا وبالتوفيق انا عندى نفس العيب بس لما باضبظ الهواء العربيه مابحدفش

**Dr.A.Nabil** · 17-06-2008 11:52 AM

لو جرب تبدل الكاوتش اليمين مكان الشمال ...

وترصص...

ده لو الزوايا مضبوطه

**sab3aawy** · 17-06-2008 12:49 PM

بص فيه قاعدة مشهروة جدا فى مجال الزوايا بتقول :

"when ever there is a a drift, look for a longtudinal shift"

يعنى لما يكون عندك حدفة دور على تقديم وتأخير عجلة من العجلات وليس على فتح وقفل علبة الديريكسيون

عادة بتوع الزوايا لو انت مطلبتش منه تحديدا انت عايز ايه بيبص على الفتح والقفل وخلاص، لكن الحدة فالشمال بيكون سببها ان العجلة الشمال مأخرة شويه عن اليمين، وعاد التأخير ده بيكون بالمللى متر وبيعالج بسهولة جدا باستخدام ورد بتتحط خلف كاوتش المقص لضبط مكان العجلة

بس الأول جرب تبدل مكان العجلتين وشوف تأثيره، لأن النسر له له اعراض عجيبه حار فيها الحكماء، فلو الحدفة مختلفتش يبقى النسر برئ من دمها، وعليك بالكشف عن التقديم والتأخير، لو اصبحت يمين بدل شمال يبقى دمها فى رقبة النسر

**chihab18** · 17-06-2008 10:51 PM

المشكله اما يكون عيب في الكاوتش يكون ملوح ومش شرط يكون الكاوتش عندك جديد وانا برجح عيب الكاوتش وحله تروح لواحد يفك الكاوتش علي الارض ويشوفه ؛واو عيب في الاتزان ؛ وهي مش حتخرج عن العيب ده بأذن الله