أكتر حاجة كانت بتضياقنى لما كنت فى مصر كانت البشاوات اللى مركبين زينون فى عربياتهم ربنا ما يهنيهم بيه البياشا من دول يبقى جاى فى المقابل طافى أنواره عالى و واطى و أول ما يقرب منك يديك الزينون فى عنيك كأنه بيقولك انا مركب زينو و إنت لأ حاجة آخر غباء و آخر مرة حصلت معايا كنت راجع من بورسعيد للقاهرة و فى ملف جامد بعد القنطرة واحد ربنا يجازيه باللى يستحقه جاى فى المقابل و الطريق مظلم و ملف حاد و أول ما شافنى و هوا الناحيا التانية من الطريق راح ضارب الزينون بتاعه ما بقيتش شايف خالص و لولا إنى حافظ الملف كويس و مراتى قعدت تقولى حاسب كنت عملت حادثة جامدة.
ياريت الزينون ده يتلغى و يتم تجريم اللى مركبه و تتسحب الرخص لأن إستخدامه بالغباء ده خطر جدا على كل الناس اللى فى الطريق.
المفضلات