عادات غريبة اثناء القيادة....

**amrrashed** · 18-06-2007 11:34 PM

بشوف ناس عندها عادات غريبة اثناء القيادة زى ان الواحد يسوق حافى انا كنت فاكر ان دى قاصرة على التكسجية فقط ولكنى وجدت اصحاب عربيات ملاكى بيعملوها برضه، فياريت لو حد لاحظ حاجات زى دى يقولها على سبيل الطرافة....

**magomago** · 18-06-2007 11:50 PM

ممكن اقولك على اسوأ عادة بتخلينى عندى استعداد انى ادخل فى اللى بيعملها
و هى ان اللى جاى قدامك يضرب النور العالى فجأه لما يقرب منك
مع انى والله بكون بعيد عنه و مولع النور الواطى بس... و ساعات بكون طافيه كمان

**KiNgMaX** · 19-06-2007 03:43 AM

فكرتنى بالذى مضى انا اول مااتعلمت السواقة اتعلمت حافى فاتعودت على كده وفضلت فترة طويلة اسوق حافى حوالى 4 شهور الى ان قررت ان اغير هذا النظام بالعافية والحمد لله دلوقتى مش بعرف اصلا اسوق حافى فنصيحة للى لسه بيتعلم السواقة بلاش تتعلم وانت حافى عشان هتتعود :lol: :lol: :lol:

**ahmed ismail** · 19-06-2007 04:31 AM

كل الناس بتحب تقرب الكرسي ناحية السواق الا انا ابعده على الاخر اكتر حاجه معرفش اسوق الا وانا واخد راحتى وحاسس ان كل حاجة بعيدة كده :roll:

**hazem_khidr** · 19-06-2007 05:53 AM

الشارع المصري مليان نماذج كتير غريبه .
1.اللي ماشي و طافي كل انواره ما تفهمش ليه .يمكن يكون فاتوره الكهربا جات غاليه :lol:
2.الشباب الجميل اللي مرجعين المسند والكرسي للاخر و فاكرين ان دي شطاره و يدوب لامسين الدركسيون و الدواسات بطراطيف صوابعهم مش عارف فيها ايه يعني لو قعد مضبوط حتي لو مش علشان ياخد باله من طريقه يبقي علشان يحاف علي استقامه ضهره(الوضع الصحيح للجلوس انك تكون علي شكل زاويه قايمه) بس تقول لمين الكلام دا !!!!!!
3.تلاقي الواحد ماشي و ساند علي الباب او مسند الباب و حاطط ايده علي دقنه او بقه ما تفهمش بيفكر في ايه و ايه المشكله اللي مخلياه كل ما يركب العربيه يفتكرها و يفضل مركز كده.
4.مره كنت راكب مع سواق بيجو و جاي من اسكندريه الكلام دا من حوالي 4 سنين كان طول ماهو ماشي دماغه بتتهز و كل ما بيزود السرعه دماغه تتهز اكتر و اول ما يوصل ل سرعه 80 كانت دماغه بتثبت :mrgreen: :mrgreen:

**baher** · 19-06-2007 06:08 AM

انا بقى لما اكون مسافر سفر طويل اكتر من 150كيلو لازم اسوق يالشبشب تأثير السعوديه بقى عليا :lol:

**magomago** · 19-06-2007 07:02 AM

طيب شفت اللى بيبقو مدلدلين دراعهم من الشباك
كانت فى الاصل بتاعة سواقين البيجو و انتقلت العدوى للروشين

**AlmAhAtmA** · 19-06-2007 08:24 AM

من اكتر الحاجات اللي بتنرفزني و انا علي الصحراوي
فيه منطقه عربيات النقل علشان توفر كام كيلو بتيجي في المعاكس
و زياده في الخيبه بيولعوا النور العالي

ده غير طبعا عند منطقه النوباريه العربيات اللي بتكون محمله ناس
و تشوفها و هيه بتتمايل و تتمختر و السواق بيقطع الصحراوي

ده غير طبعا اللي بيكون مستخبي ورا شجره و فجاه تلاقيه طالع من الظلام
ال ايه بيعديني الشارع

مصر بخير

**alaaaboelata** · 19-06-2007 08:29 AM

هو فى حاجة انا كنت عايز اتكلم عنها وفعلا كنت هعمل عليها موضوع بس يالا مش مشكلة هقولها هنا :|
هى حاجة بردة قريبة من الموضوع دة بس هى مش من العادات الغريبة فى القيادة هى بدعة روشة طالعه اليومين دول وخاصة فى المصايف ان الشباب الروشين دول بشيلو النمرة اللى ورا لية مش عارف ؟ واية الروشنة فى كدة ؟ بردة مش فاهم حد يفهمنى :roll:

**alaaaboelata** · 19-06-2007 08:37 AM

المشاركة الأصلية كتبت بواسطة AlmAhAtmA

من اكتر الحاجات اللي بتنرفزني و انا علي الصحراوي
فيه منطقه عربيات النقل علشان توفر كام كيلو بتيجي في المعاكس
و زياده في الخيبه بيولعوا النور العالي

ده غير طبعا عند منطقه النوباريه العربيات اللي بتكون محمله ناس
و تشوفها و هيه بتتمايل و تتمختر و السواق بيقطع الصحراوي

ده غير طبعا اللي بيكون مستخبي ورا شجره و فجاه تلاقيه طالع من الظلام
ال ايه بيعديني الشارع

مصر بخير

طب اللى حرتك قلت علية دة بالنسبة للصحراوى نيجى بقى بالنسبة للزراعى
فى مصيبة سودة اسمها الجرار الزراعى اللى دايما مبيمشوش غير بالليل وبتبقى المقطورة بتاعتة مصدية وسووووووووودة ومفيش حتى ولا حتة عاكس للضوء تمنها جنية
بتمثل خطر كبير جدا جدا على الطجرق الزراعية
دة غير العربيات الكارو وغير وغير وغير ..............
عمار يامصر

الموضوع: عادات غريبة اثناء القيادة....

LinkBack

أدوات الموضوع

عرض

عادات غريبة اثناء القيادة.... - انشر الموضوع فى :

-

-

-

-

-

-

المواضيع المتشابهه

تقطيع فى النوبيرا اثناء القيادة

أخطاء اثناء القيادة للمبتدئين

تفادي الغضب اثناء القيادة

اسوأ المواقف اثناء القيادة

هل انت بتركز اثناء القيادة ؟

الكلمات الدلالية لهذا الموضوع

المفضلات

المفضلات

ضوابط المشاركة