حد يا جماعة عندوا معلومات كاملة عن الافيو الشكل الجديد و الفرق بينها و بين الشكل القديم و ايه اخبار اختبارات التصادم
؟
عرض للطباعة
حد يا جماعة عندوا معلومات كاملة عن الافيو الشكل الجديد و الفرق بينها و بين الشكل القديم و ايه اخبار اختبارات التصادم
؟
هو حضرتك تقصد الشكل االقديم اوي والجديد بتاع دلوقتي
ولا الشكل الجديد قصدك علي الهاتش باك
شكرا على اهتمامك يا سامح
انا اقصد الشكل الجديد الهاتش باك
عموما هوا نفس الصالون بتاع الافيوا العادية بالضبظ بس ضيقة
والله أنا كنت فى معرض قالى إن الــ 2009 الهاتش باك دى عامله 82000 وكمان إناه كورى 100% و قالى إن الأفيو المصرى الكاملة فيها إمكانيات أحسن منها مثال المرايات بتعتها مش بالكهرباء
وعلى فكرة ياإستاذ Shady أنا وجهت نظرى إنها مش ضيقة أوى بالعكس أنا شايف إن الصالون تقريبا" هوه هوه ........ وجهات نظر:3gears::scooter:
طيب هو كان المفروض ان يكون فيه تغييرات زي جنوط 15" المونيوم و يكون المقاعد جلد و يكون فيه كمبيوتر رحلات ووو الاداء يكون احسن .................................
ده طبعا لو ماشالوش نصها ( العادي يعني )
النهارده اخدت اذن من الشغل و رحت معرض بلال موتورز اللى عند كارفور و هو بيبيع شيفورليه و اوبل
المهم بصيت على الافيو الاسبور الجديدة الهاتش باك و لقيت انها هى هى القديمة من جوه نفس الصالون و مافيش منها اتوماتيك و لا مرايات كهرباء و لا جنوط و لا فوج لايت و لا كاسيت سى دى و سعرها 81500
السيدان 2009 العادية الكورى ب 79000 و الاتوماتيك ب 84000
بصراحة بالاسعار دي كده الافيو مبقتش مناسبة
انا من سنة اشتريتها ب 73 الف و ده كان سعر مناسب لامكانياتها
و هي كانت الاحسن بين السيارات اللي بنفس السعر
لكن تقوللي 79000 ليه دي مستوردة و كمان الدولار نزل
جايز قرارات الحكومة المصرية بزيادة الضرائب و زيادة الاسعار ماشية في كوريا كمان
طبعا ما بقتش مناسبة خالص و خصوصا بالنسبة للهاتشباك الجديدة اللى تعتبر عربية عريانة من كل الكماليات،الكيا ريو ال 1400 ب 81000 و احسن منها