علاج اصوات شخللة التابلوه ( عن تجربة )
اخواني الاعزاء بالموقع
انا جربت كل الحاجات علشان صوت شخللة التابلوة ومكنتش عارف لحد ربنا ما هداني لحل تحفة وعالج معايا صوت التابلوه لحد دلوقتي بنسبة 90 % لحد ما اكمل الشغل فيه ويبقي 100 % ان شاء الله
وده عن طريق استخدام السفنج الرمادي الرقيق اللي بيبقي مع اجهزة الكمبيوتر والشاشات وتقطيعه لشرائح يختلف طوله وعرضه حسب المكان اللي هانقوم بوضعها فيه
ثم نقوم باستخدام قطر او كارت تغليف الكارنيهات بوضع السفنج بين الاجزاء المتحركة في التابلوة مثل حرف ال u اللي حوالين الكاسيت وحول الجزء اللي فيه ازرار التكييف وباقي الاجزاء المثيله في التابلوه وهتلاقو فرق شاسع في صوت التابلوة وانت ماشي وهتحس ان العربية بقي صوتها من الداخل خرافي:Bravo:
( ادعولي الاقي حل للابواب اللي عاملة مزيكة حسب الله دي )
