ما هى يعيوب هيوانداى النترا مو 94

**koshary** · 23-05-2012 10:50 AM

المشاركة الأصلية كتبت بواسطة rmhb

مع العلم ان المبلغ اللى معايا فى حدود 32 الى 33 الف ؟؟ فترشحولى ايه ؟

زى ماقولت لحضرتك ياباشا صلى صلاة استخارة وربنا يوفقك لو بالمبلغ ده ومستريح للانترا هاتها لان لو كدا المبلغ ده ميجيبش غير اكسيل حالة متوسطة

**RMHB** · 23-05-2012 11:08 PM

طيب يشباب معلشى انا ازعجتكم كتير بس دى اول عربية ليا ومش ليا فى العريبات ومقلق شوية

انا ادامى عربية اكسنت مو 99 1500 اتوماتيك حالتها كويسة وكماليتها كلها شغالة انا لسه مشفتش العربية بس ده كلام اللى العربية ادامه واحد سمسار

وصاحبها بيتكلم فيها على 36 الف

هل الالنترا احسن واللا الاكسنت وسعرها كده عالى شوية واللا ايه ؟

**koshary** · 24-05-2012 12:12 PM

المشاركة الأصلية كتبت بواسطة rmhb

طيب يشباب معلشى انا ازعجتكم كتير بس دى اول عربية ليا ومش ليا فى العريبات ومقلق شوية

انا ادامى عربية اكسنت مو 99 1500 اتوماتيك حالتها كويسة وكماليتها كلها شغالة انا لسه مشفتش العربية بس ده كلام اللى العربية ادامه واحد سمسار

وصاحبها بيتكلم فيها على 36 الف

هل الالنترا احسن واللا الاكسنت وسعرها كده عالى شوية واللا ايه ؟

لو خلصت 34 او 35 حتى تبقا زى الفل ومن رائى احسن من الالنترا هتريحك فى قطع الغيار والبنزين وفتيسها احسن من بتاع الالنترا اهم حاجه يكون التكيف شغال والموتور حالتو كويسه وحالة العربيه العامه وشوف كبس الموتور كام فى البنزينة ...

وابقى طمنا عليك دايما

**RMHB** · 24-05-2012 06:06 PM

تمام جزاك الله كل خير

هشوف العربية وارد عليكم كده واقلك تقرير مبدئى عنها

بس فى حاجة مش فاهمها يعنى ايه كبس الموتور اقيسه فى البنزينة

وده ايه الغرض منه وهل ده الخطوة الوحيدة اللى تبين حالة الموتور ؟واللاه يبان الزاى

وهل فى فايدة تاانية من انى ارفعها فى بنزينة ؟

اخوكم د محمد ( اورام ).

**RMHB** · 27-05-2012 03:21 AM

الحمد لله انا جبت اخيرا الاكسنت مو 99

وريتها لاكتر من ميكانيكى وعفشجى قالولى حلوة ما شاء الله بس الميكانيكى قللى فى تضبيطات بسيطة زى تغيير البيجوه وسير كاتينة باين وطلمبة بنزين لانها ضعيفة وهعمل تقرير عنها ان شاء الله لما تتضبط
بس سؤال هو ايه الكماليات اللى الاكسنت مو 99 1500 اوتو ؟

**koshary** · 27-05-2012 09:03 AM

المشاركة الأصلية كتبت بواسطة rmhb

الحمد لله انا جبت اخيرا الاكسنت مو 99

وريتها لاكتر من ميكانيكى وعفشجى قالولى حلوة ما شاء الله بس الميكانيكى قللى فى تضبيطات بسيطة زى تغيير البيجوه وسير كاتينة باين وطلمبة بنزين لانها ضعيفة وهعمل تقرير عنها ان شاء الله لما تتضبط
بس سؤال هو ايه الكماليات اللى الاكسنت مو 99 1500 اوتو ؟

بالنسبة للميكانيكى دى حاجات لازم تتعمل اول ماتشترى العربيه وتبقا عارف بقا مواعيد تغيير السيور يعنى انا بغير كل السيور بعد 15 الف وسير الكاتينة عند 40 الف وسير الكاتينة ده مهم تغيرو علشان لو اتقطع وانت ماشى او لو حاولت تشغل العربيه كام مره ممكن لاقدر الله العربيه تجيب جوان وش سلندر اهم حاجه تحافظ على الصيانات ... وانا مستنى تقريرك الجميل ....

قصدك الكماليات بقا لو التكيف عندك مش بيسقع روح اشحنو وشوف الفوجات لو نورها قليل هات نور اعلى انزل شارع دمشق هات لمبتين فيليبس رالى للكشافات اللى قدام ولو طقم الدواسات تعبان بردو هات طقم فى حاجات من 55 لحد 160 الطقم ولو الكاسيت كويس ممكن تجيب سماعتين بايونير وتظبط نفسك بس انت خدها واحدة واحدة و لما تنزل التوفيقية او شارع دمشق او احمد سعيد هتلاقى نفسك عاوز تشترى حاجات كتير