جيبت كاميرا ديجيتال وعاوز خبراتكم معايا

الحمد لله ربنا كرمني وجيبت كاميرا ديجيتال
وجزيل الشكر لاخي الكبير خالد ابورقيه انه جابهالي معاه من ماليزيا
دلوقتي انا فيه حاجات كتير فيها مش فاهمها
حاولت افهم ودخلت علي مواضيع ناس عاملينها
اتعقدت زياده لان فيها اوبشن غير اللي متكلمين عنه
مبدئيا
العجله اللي فيها فوق دي الناس قالوا دي بتحدد وضع التصوير ان كان بورتريه ولا سبورت الخ الخ الخ
فانا عندي البورتريهات والسبورت والحاجات دي كلها في قايمه واحده
طيب باقي الحروف دي بتعمل ايه ؟؟
والايزو ده فايدته ايه وتاثيره علي الصوره ايه ؟
والشاتر زيادته او نقصانه بيعملوا ايه ؟
معلش انا اخر كاميرا جيبتها كانت ياشكا 36 صوره 2اكس زوم سنه 2001 تقريبا

دا لينك الامكانيات بس مش قايلين كل حاجه
او شارحين الامكانيات لحد فاهم مش لواحد اول مره يمسك كاميرا
وفي انتظار نصايحكم

FinePix SL300 / SL305, SL280, SL260, SL240 | Fujifilm Global

http://www.youtube.com/watch?v=zi0knkKc6j0

الف مبروك يا شنر .. عايز صور الفضايح بتاعه المقابلات بعد كده تغرق المنتدى

مبروك يا كبير

اقتباس:

---

المشاركة الأصلية كتبت بواسطة الغزالى

الف مبروك يا شنر .. عايز صور الفضايح بتاعه المقابلات بعد كده تغرق المنتدى

---

اقتباس:

---

المشاركة الأصلية كتبت بواسطة mohammedabdallh

مبروك يا كبير

---

الله يبارك فيكم يا رجاله
ماهو انا جايبها للفضايح اصلا ههههههههههههه

اقتباس:

---

المشاركة الأصلية كتبت بواسطة shnory

وجزيل الشكر لاخي الكبير خالد ابورقيه انه جابهالي معاه من ماليزيا

---

مبروك الكاميرا يا زعيم .. لولاها يعني مكناش هنعرف ان ابو رقيه جه ؟

الشعب يريد مقابله اسكندرانيه علي شرف أبو رقيه

اقتباس:

---

المشاركة الأصلية كتبت بواسطة pro_samir

مبروك الكاميرا يا زعيم .. لولاها يعني مكناش هنعرف ان ابو رقيه جه ؟

الشعب يريد مقابله اسكندرانيه علي شرف أبو رقيه

---

دي هي اجازه قصيره وراجع تاني

1000 مبروك يا معلم.
خد اللينك ده واعيلى.
‫دقائق فوتوغرافية (3) كيف أستخدم الأوضاع المبرمجة ؟‬‎ - YouTube

تتربى فى عزك وتشوفها كاميرا فيديو بتصور لوحدها يا شنورى....!!

اقتباس:

---

المشاركة الأصلية كتبت بواسطة ghostmido

1000 مبروك يا معلم.
خد اللينك ده واعيلى.
‫دقائق فوتوغرافية (3) كيف أستخدم الأوضاع المبرمجة ؟‬‎ - youtube

---

ربنا يباركلك يا باشا
بس هو شرح نص الاوبشن الموجود في زرار واحد ههههههههههه
ححاول اتابع باقي حلقاته واشوف الدنيا فيها ايه

اقتباس:

---

المشاركة الأصلية كتبت بواسطة أشرف فتحى

تتربى فى عزك وتشوفها كاميرا فيديو بتصور لوحدها يا شنورى....!!

---

تسلملي يا حبيبي
بس ماهي بتصور فيديو hd بس مش لوحدها لازم اقولها صوري
بس بتصور 10 دقايق علي الكارته ال8 جيجا ههههههههههه

اقتباس:

---

المشاركة الأصلية كتبت بواسطة shnory

الله يبارك فيكم يا رجاله
ماهو انا جايبها للفضايح اصلا ههههههههههههه

---

ماهو علشان كدا مش عارف تستخدمها
ابعتالى ياعم وكبر دماغك :8941[1]:

اقتباس:

---

المشاركة الأصلية كتبت بواسطة mohammedabdallh

ماهو علشان كدا مش عارف تستخدمها
ابعتالى ياعم وكبر دماغك :8941[1]:

---

استني في موقف السوبر جيت حتلاقيها جايه في الطريق

فين الناس اللي كانو هاريينا تصوير في المقابلات ؟؟
فين حاملي الكاميرا
اين البشر ؟

هههههههههه تعامل على قد الى موجود لحد اما ربك يفرجهاااااااااااااااا
-------
دور على فيديوهات شرح على اليوتوب .. اكيد هتلاقى

مبروك يا شنر

هو فيه 3 حاجات أساسية بتأثر على الصورة......الشاتر سبيد أو السرعة اللى العدسة بتفتح و تقفل فيها علشان تلقط صورة و تانى حاجة فتحة العدسة.....يعنى العدسة تفتح فتحة مقدارها أد أيه و أنت بتصور علشان تدخل نور و التالتة هى الأيزو...
بص يا سيدى.........معظم الكاميرات ماشية بالنظام الأتى
أوتو.......و دى الكاميرا بتظبط كل حاجة توماتيكى بدالك
مانيوال...و دى أنت بتظبط كل حاجة من ال 3 حاجات اللى قولتلك عليهم علشان تصور
و عادة بيبقى فيه وضعين كمان و هما شتر بريورتى و دى الكاميرا بتظبطلك كل حاجة ما عدا سرعة الشتر أنت بتظبطها بنفسك
و أربتشر بريورتى و دى هى بتظبط كل حاجة ما عدا فتحة العدسة أنت تظبطها بنفسك.
و بيبقى فيه شوية أوضاع كمان بتناسب تصوير حاجات معينة زى السبورت مود دى بيناسب تصوير حاجات بتتحرك بسرعة شوية
و فيه كمان وضع الماكرو و ده علشان تصور حاجات من قريب قوى.

عموماً هو موضوع الحاجات دى و معرفة الفروقات بينهم يا بيجى بتجربة عملية و بعد كده بالممارسة يا بالقراية و بعد كده الممارسة..........علشان تعرف مين فين و لما تغير أيه بيحصل أيه.

أنت ممكن دلوقتى تبتدى بوضع أوتو فى تصوير صورة معينة......و بعد كده تجيب مثلاً وضع شتر بريورتى اللى هو عادى بيكون حرف s و تبتدى تعلى القيمة بتاعة الشتر و تقللها فى تصوير نفس الصورة علشان تعرف تقليل الشتر بيعمل أيه و تعليته بتعمل أيه و هكذا مع باقى الحاجات.

لو عاوز منتدى عربى بتاع تصوير و فيه دروس أبعتلك واحد
و لو عاوز درس خصوصى يبقى لما أشوفك إن شاء الله.

اقتباس:

---

المشاركة الأصلية كتبت بواسطة ahmed a.maksoud

مبروك يا شنر

هو فيه 3 حاجات أساسية بتأثر على الصورة......الشاتر سبيد أو السرعة اللى العدسة بتفتح و تقفل فيها علشان تلقط صورة و تانى حاجة فتحة العدسة.....يعنى العدسة تفتح فتحة مقدارها أد أيه و أنت بتصور علشان تدخل نور و التالتة هى الأيزو...
بص يا سيدى.........معظم الكاميرات ماشية بالنظام الأتى
أوتو.......و دى الكاميرا بتظبط كل حاجة توماتيكى بدالك
مانيوال...و دى أنت بتظبط كل حاجة من ال 3 حاجات اللى قولتلك عليهم علشان تصور
و عادة بيبقى فيه وضعين كمان و هما شتر بريورتى و دى الكاميرا بتظبطلك كل حاجة ما عدا سرعة الشتر أنت بتظبطها بنفسك
و أربتشر بريورتى و دى هى بتظبط كل حاجة ما عدا فتحة العدسة أنت تظبطها بنفسك.
و بيبقى فيه شوية أوضاع كمان بتناسب تصوير حاجات معينة زى السبورت مود دى بيناسب تصوير حاجات بتتحرك بسرعة شوية
و فيه كمان وضع الماكرو و ده علشان تصور حاجات من قريب قوى.

عموماً هو موضوع الحاجات دى و معرفة الفروقات بينهم يا بيجى بتجربة عملية و بعد كده بالممارسة يا بالقراية و بعد كده الممارسة..........علشان تعرف مين فين و لما تغير أيه بيحصل أيه.

أنت ممكن دلوقتى تبتدى بوضع أوتو فى تصوير صورة معينة......و بعد كده تجيب مثلاً وضع شتر بريورتى اللى هو عادى بيكون حرف s و تبتدى تعلى القيمة بتاعة الشتر و تقللها فى تصوير نفس الصورة علشان تعرف تقليل الشتر بيعمل أيه و تعليته بتعمل أيه و هكذا مع باقى الحاجات.

لو عاوز منتدى عربى بتاع تصوير و فيه دروس أبعتلك واحد
و لو عاوز درس خصوصى يبقى لما أشوفك إن شاء الله.

---

عبمقصود باشا احد اعمده التصوير بنفسه الي رد عليا
يادي الهنا يادي النور
يادي الفلاشات اللي بتضرب وتصور
حستناك لما تيجي يا كبير وابعتلي المنتدي برضه
بس الحضانه بتاعته علشان انا يادوب لسه بخبط

قابل يا برنس

دروس تصويرية | Photography Lessons

[RIGHT]اللينكيين دول عليهم دروس حلوة جدا

ومبروك الكام الجديدة و عقبال ال
canon 7D :camera2:

[url=http://www.arabiclenses.com]

[url=http://adigicam.com/vb/cmps_index.php]

عليك و علي طارق هيومان

مبروك ياشينر علي الكاميرا ...
هيا مش جاي معاها كاتلوج ولا ايه و لو انجليزي نزل النسخه العربي منه هايفيدك اوي انك تعرف الاوبشنز اللي في الكاميرا و هايظبطك
و مبروك كمان علي شهادة التقدير الظريفه دي .... عجبتني

اقتباس:

---

المشاركة الأصلية كتبت بواسطة ahmed a.maksoud

قابل يا برنس

دروس تصويرية | photography lessons

---

اقتباس:

---

المشاركة الأصلية كتبت بواسطة osama.m

[right]اللينكيين دول عليهم دروس حلوة جدا

ومبروك الكام الجديدة و عقبال ال
canon 7d :camera2:

[url=http://www.arabiclenses.com]

---

اقتباس:

---

المشاركة الأصلية كتبت بواسطة osama.m

[url=http://adigicam.com/vb/cmps_index.php]

---

ربنا يكرمكم ما يحرمكم يا رجاله
حقعد افصص في اللينكات واعيش معاهم

اقتباس:

---

المشاركة الأصلية كتبت بواسطة ahmed ezz

عليك و علي طارق هيومان

---

ربنا يفك سجنه

اقتباس:

---

المشاركة الأصلية كتبت بواسطة walidadel

مبروك ياشينر علي الكاميرا ...
هيا مش جاي معاها كاتلوج ولا ايه و لو انجليزي نزل النسخه العربي منه هايفيدك اوي انك تعرف الاوبشنز اللي في الكاميرا و هايظبطك
و مبروك كمان علي شهادة التقدير الظريفه دي .... عجبتني

---

جاي يا باشا كتالوج بس مش شارح كل حاجه
انا بسال علي الحاجات المانيوال في الكاميرا
انما الاوبشن بتاعها كله عرفته في اول نص ساعه مسكتها فيه
والله يبارك فيك علي الشهاده يا كبير

ألف مبروك على الكاميرا ويارب يجعل كل صورها تسجيل للحظاتك السعيدة دائما
هذا لينك لكتيب صغير لشرح مكونات الكاميرا الأساسية وأساسيات التصوير بصفة عامة للمبتدئين مثلى أرجو أن يساهم بمعلومة ولو كانت بسيطة وإن كانت مفيدة إن شاء الله .
http://faculty.ksu.edu.sa/74192/.......9%88%D8%A1.pdf
وتقبل تحياتى ،،،
هشام قرمان

بكام دى
انا عايز واحده يا شنورى
ده انا حبيبك من ايام اندلسية

الف مبروك يا شنر
عموما الكاميرا حلوة انا جربتها عند راديو شاك بس الحمد لله انا جبت حبيبت قلبي nikon l120
الشباب قامو بالواجب وزيادة
الايزو ده عبارة عن درجة حساسية الكاميرا للضوء
يعنى كل ما تعلى الايزو جودة الصورة تقل ولكن فى سبيل الحصول على صورة ليلية غير مهزوزة والاضاءة قوية بس جودة الصورة مش هتبقي حلوة وعشان تتغلب على الموضوع ده حاول تستخدم ترايبود او تحط الكاميرا على حاجة ثابتة وفى الحالة دى مش هتضطر انك تعلى الايزو ....
بالنسبة للشتر من الاخر زى حدقة عينك
هقولك على معلومة بسيطة جدااا اقف قدام مراية وولع النور بتاع الاوضة وبص فى عينك هتلقى الحدقة ضيقة ليه ؟ ..عشان تستقبل كمية الضوء المناسبة ..
بعد كده اطفى النور وركز على عينك هتلاقي الفتحة واسعة اوى ليه؟ اكيد عشان تاخد اكبر كمية ممكنة من الضوء عشان انت تشوف كويس...
من الاخر كده
الشاتر كل ما الاضاءة كانت قوية كل ما الشتر يبقي اسرع يعنى صورة اثبت واسرع
والعكس صحيح
وفى نوع من التصوير بالشاتر البطئ وديه مثال ..
http://www.homephotog.com/tutorials/.../shutter-2.gif
ويارب تكون فهمت من الرط الكتير فوق ههههههههه
واى خدمة والف مبروك

اقتباس:

---

المشاركة الأصلية كتبت بواسطة tananybasha

بكام دى
انا عايز واحده يا شنورى
ده انا حبيبك من ايام اندلسية

---

حبيبي يا طنطون هو يوم اندلسيه دا يتنسي ولا العربيه المانوال اللي من غير دبرياش هههههه
ولا طناني الصغير اللي فعصت خدوده
متغلاش عليك يا كبير والله ونوصلها لحد عندك بس ابعتلي المسدس بتاعك ونبقي خالصين
تقريبا هي من ماليزيا عامله حوالي 2200 جنيه (1088 رينجت)
معرفش هنا بكام

اقتباس:

---

المشاركة الأصلية كتبت بواسطة iwantes350

الف مبروك يا شنر
عموما الكاميرا حلوة انا جربتها عند راديو شاك بس الحمد لله انا جبت حبيبت قلبي nikon l120
الشباب قامو بالواجب وزيادة
الايزو ده عبارة عن درجة حساسية الكاميرا للضوء
يعنى كل ما تعلى الايزو جودة الصورة تقل ولكن فى سبيل الحصول على صورة ليلية غير مهزوزة والاضاءة قوية بس جودة الصورة مش هتبقي حلوة وعشان تتغلب على الموضوع ده حاول تستخدم ترايبود او تحط الكاميرا على حاجة ثابتة وفى الحالة دى مش هتضطر انك تعلى الايزو ....
بالنسبة للشتر من الاخر زى حدقة عينك
هقولك على معلومة بسيطة جدااا اقف قدام مراية وولع النور بتاع الاوضة وبص فى عينك هتلقى الحدقة ضيقة ليه ؟ ..عشان تستقبل كمية الضوء المناسبة ..
بعد كده اطفى النور وركز على عينك هتلاقي الفتحة واسعة اوى ليه؟ اكيد عشان تاخد اكبر كمية ممكنة من الضوء عشان انت تشوف كويس...
من الاخر كده
الشاتر كل ما الاضاءة كانت قوية كل ما الشتر يبقي اسرع يعنى صورة اثبت واسرع
والعكس صحيح
وفى نوع من التصوير بالشاتر البطئ وديه مثال ..
http://www.homephotog.com/tutorials/.../shutter-2.gif
ويارب تكون فهمت من الرط الكتير فوق ههههههههه
واى خدمة والف مبروك

---

ربنا يكرمك علي شرحك الوافي يا باشا
ومتقلقش فهمت كل كلامك فعلا هههههه
ماهي دي الحاجات اللي انا بسال عليها
بس مقولتش هي عامله كام عند راديو شاك علشان طناني بيسال في البوست اللي فوق ده
بس متقولش قدامه علشان نمصلح عليه هههههههه

ربنا يخليك ليا يا باشا
انا غلط فى موديل الكاميرا كان fuji s3300
معلش هى مش زى بتعتك ودى كانت عاملة 1800 جنيه فى راديو شاك
واى خدمة
واحنا برضو ممكن نمصلح على اى حد فى اى حاجة هههههههههههههه
ونخلي الكاميرا ب 5000 جنيه ونقسم الربح انا وانت هههههه