كتبت كذا شعر وعايز اخد رأيكم فيه
انا ياجماعة بكتب ع قدي كده اشعار هوائية وبصراحة نفسي اعمل بيهم حاجة ابيعهم مثلا بس مش عارف هل ينفع انهم يتباعوا ولا لا بمعنى اصح هل هيستهزأوا بالكلام ده ولا لا فيريت تقولولي رأيكم بصراحة
الشعر الاول :
يلا بينا على الحب يلا بينا تعالى ننسى ايام ماضينا ،
ده العشق لوحده يجمع مابينا ونضيىء دايما شموعنا وتنور لينا ليالينا ،
دى اجمل لحظات حياتنا اتمنى نعيشها بمزاجنا من غير مايجى حد يفرقنا ،
مش مصدق عنيا ان حبيبى بين ايديا ونسانى الحزن اللى فيا ده انت كل اللى ليا ده حبيبى غير الدنيا فى عينيا وبقى يعلم اللى بيا ،
تعالى وقولهالى متخافش هتنسهالى وهتبقى الوحيد اللى فى بالى وهحافظ عليك ياغالى ،
وعدي ليك مش محتاج لكلام صدقينى فى عيوني هيبان وكل يوم فى بعادك مش بنام واكون وحيد سهران ،
اغير عليكي من كل العيون ونفسى اطلع بيكى للكون ونشوف مع بعض النجوم ولا هتقولى انه ملهوش لزوم .
الشعر الثاني :
ولا دمعة تنزل من عيونك ولاحزن يبان على جفونك
ده كل حزن بيعدي علينا بينسينا كل شىء كان بينا
ليه قسيت عليا وبعت وفي اختيارك لغيري ودعت
جاي ترجعلي بعد ايه وجاي بكلامك تقولي ايه
معقول توافق على غيري بعد ماكان حبك اسيري
مش عارف ابعد قلبي عنك بعد ماكان قلبي حتة منك
كبريائي يمنعني من الرجوع ليك خلاص عقلي نسيك
قربك مني بقى مش موجود وحطينا بينا جميع الحدود
اكيد هتكون عايش جوايا وصورتك هتفضل معايا
كنت في قربك حبيب وفي بعادك عني بقيت غريب
كان عمري كله فداك وكنت اتمنى تيجى في مولدي وإلاقاك
( ارجوكم رأيكم بصراحة ف الكلام )