+111111111111111111
اخبارك اه يا بشمهندس .عامل اه .و الله نفسنا فى اى مقابله نتجمع فيها مع استاذ ابو ليلى و المهندس حاتم و المهندس ياسر و حضرتك و الدكاتره .و كل الناس الحلوه .
و مشكور جدا على كلامك و تعبك معايا فى مشكلتى و نصايحك الغاليه .و الله حضرتك المفوض تاخد لقب فارس المنتدى .
و الله انا رشحت 3 اسامى و المنتدى مليان اعضاء زى الالماظ و كلهم تمام جدا و افضل منى بكتير .يا ريت بس الموضوع ينشط عشان نختار اسامى و الاداره تكلمهم و تشوف ظروفهم اه .
و انا الفتره اللى فاتت كنت مشغول جدا جدا و كنت فى فترة امتحانات و شوية ظروف . و الحمد لله على كل شىء .
و احب اقول انى بحترم قرار الاداره و الاعضاء .
بالنسبة لترشيحاتك يا محمد
المهندس احمد اسماعيل استشارى القسم بالفعل
ياسر الصياد سبق واعتذر لظروف امتحاناته مش عارفين حاليا هل وقته يسمح وهل عنده رغبة ولا لا
ياريت يرد هنا امام الجميع
لتجنب تلميحات غير مبررة ولا مقبولة
والملاحظ اجماع الاعضاء عليك
فلو وقتك يسمح حاليا وتقدر تتحرك برة القسم وعندك رغبة فى ده
فاهلا بيك
كادارة معندناش مشكلة
مشكوره جدا على الرد السريع .
و فى اعضاء تانيين كتير و مناسبن جدا .
عندك مثلا المهندس محمد رشدى .راجل فاهم جدا و بيتحرك برا المنتدى كتير .و خدوم جدا و محترم جدا .و اتعاملت معاه مره و كانت ممتازه .و عنده خبره كويسه جدا جدا بالعربيات .
و بالنسبه لاخوانى فى المنتدى و حبايبى اللى اختارونى احب اشكرهم بشده على ثقتهم فى و يا رب اكون عند حسن ظنهم .
و عندى اقتراح جميل جدا جدا و اعتقد انه ممكن يناسب الفتره الجايه و بيه ينشط القسم من تانى و يبقى احسن من زمان باذن الله .
نرشح المهندس محمد رشدى يبقى مساعد منسق و انا مساعد منسق زى ما انا و ترشجوا الاستاذ احمد اسماعيل يمسك لفتره منسق القسم او اى حد عنده خبره قديمه بمهمة المساعد و مع الوقت نتدرب انا و محمد رشدى على دور المنسق و اللى يجهز الاول يترشح لمنسق القسم .
و فى خلال الفتره دى نقسم مهام مساعد المنسق علينا احنا الاتنين .و هنعمل مواضيع مصوره و فيديو و شغل كبير باذن الله .
بمعنى ممكن نقسم المهام حسب نقاط القوى لكل واحد فينا . يعنى مثلا المهندس محمد رشدى يكون فى القسم الفنى و الميكانيكا و الزيوت و الصيانات و كده .و انا فى التعديل و الاضافات + اى حاجه تانيه اعرفها هعمل بيها مواضيع . و الاستاذ حسام اوبتراوى منسق مساعد معانا بمواضيعه المميزه معانا .و تتجمع فيه حجات كتير و شروط كتير . و ياسر الصياد اظن وقته ممكن يسمحله يبقى مساعد بعد الامتحانات بتاعته ما تخلص .
بالمختصر :
1-المهندس احمد اسماعيل يمسك فتره منسق القسم لحد ما نشرب منه الصنعه (هههههههه) هنستغله يعنى .لانه عنده خبره سابقه بالمواضيع دى و يبقى هو الاستشارى و المنسق العام .
2- المهندس حسام اوبتراوى .و مش محتاج اتكلم عنه لانه اشهر من النار على العلم .و مواضيعه و مشاركاته مغرقه النت مش المنتدى فقط على الرغم من كتر سفره .
3- الاستاذ محمد رشدى مساعد منسق و يكلف بمهام معينه و هو قدها بكتير .و يتم تريشيحه بعد فتره للمنسق العام.
4-الاستاذ ياسر الصياد اتمنى وقته يسمح بعد الامتحانات على ما اظن و ممكن اتصل بيه او حضرتك او اى حد من الاداره .و منصب مساعد منسق هو اهل بيه و هو كمان اكبر من المنصب بس هو يرضى .عشان هو مواضيعه تمام جدا و متميزه و جديده جدا .
5-العبد لله اظل مساعد منسق لحين استعدادى و تدريبى ما يكتمل .لان بصراحه مش متخيل نفسى اقدر اسد مكان الاستاذ الفاضل ابو ليلى .و ربنا يكرمه على المجهود العالى فى القسم و اخلاقه العاليه و زوقه و مساعدته للاخرين و مواضيعه اللى كانت بتشد اكبر عدد من المشاهدات و المشاركات .
بمعنى اخر
منسق عام و 3 او اربع مساعدين .
و الاعضاء لو وافقوا هيبقى نهر من المواضيع و المشاركات لا ينتهى باذن الله .
هو اصلا كل واحد منهم متميز و مش محتاج توصيه . و باذن الله قسم كيا يبقى انشط قسم .
مع تحياتى .
و احب اشكر كل العضاء و الزملاء اللى رشحونى و قالوا فى كلام زى الفل و باذن الله اكون عند حسن ظنهم باذن الله
و السلام ختام
طيب ممكن يتم تحديد المرشحين و تحنا نختار
ب الشكل دة معتقدش ان هيتم اختيار حد .
يا ماكس انت رشح شخص ..
مهندس احمد اسماعيل استشارى القسم يعنى تقدروا تستعينوا بيه وتسالوه وتطلبوا مساعدته اى وقت
حسام اوبتراوى منسق شيفروليه ويقدر يساعدكم اى وقت وهو بالفعل بيقوم بدوره وبيعمل موضوعات مميزة باستمرار
بالنسبة لياسر والاستاذ محمد فاحنا فى انتظار مشاركتهم ورايهم لو وافقوا مفيش مشكلة