يهمني رايكو جدا فمتبخلوش عليه بيه

دلوقتي انا كنت رايح اجيب عربيه مستعمله ووصلت لمبلغ50 الف(من والدي) وبعدين انا اصلا مابشتغلش دلوقتي لاني لسه ف تالته كليه (علوم/كيمياء)وبعدين انا استعيبتها اني يبقي عندي عربيه واخد من والدي مصروفي ومصروف للعربيه المهم انا ممكن اكمل المبلغ ل140الف وكنت ناوي اشتري تاكسي عندنا ف طنطا واجيب اتنين سواقين يشتغلوا عليه وانا اتابع التاكسي واعمله السيرفس بتاعه كل اسبوع عندي واهو يبقي مشرروع يجبلي دخل كويس وراس ماله مضمون يعني ابيعه ف اي وقت وفلوسه المها تاني باذن الله فياريت لو حد عنده خبره ف الموضوع دا او عنده مشروع احسن مايبخلش عليه بيه

مشروع التاكسي في المحافظات الصغيره مبيجيبش همه ده غير ان رجلتين علي العربيه غير رجل صاحبها

لو انت عايز تاكسى ومعاك مبلغ ذى دا طيب متجيب مكروباص افضل ومستعمل يعمل حوالى 155 تقريبا يعنى يعنى قريب من المبلغ بتاعك او زيرو وتدفع قسط بسيط بس هيكون افضل من التاكسى تقريبا

ميكروباص هيكون افضل
بس لازم تكون انت صايع و لبط عشان الموقف عليه بلطجية كتير و الشغل بقلة الادب و كمان عشان السواق اللي هيركب عربيتك ميشتغلكش

اقتباس:

---

المشاركة الأصلية كتبت بواسطة mazagangee

ميكروباص هيكون افضل
بس لازم تكون انت صايع و لبط عشان الموقف عليه بلطجية كتير و الشغل بقلة الادب و كمان عشان السواق اللي هيركب عربيتك ميشتغلكش

---

+1111111111111111111

معتقدتش ان ديه اسعار ميكروباص مترخص جاهز !!!!
وترخيص الميكروباص مش سهل بالذات فى الغربية

بص هو الموضوع مش بالسهوله دي خالص
لان هافترض انك لاقيت سواق كويس و محترم و مش هاينصب عليك في الاجره و يقولك لا دانا ماعملتش غير مشوار واحد و ده العجله نامت و جبتلها كاوتش جديد و افلاااااااااااام كده
الوقوف في الموقف و ان تاخد دور دي في حد ذاتها محتاجه حد واسطه من الموقفه لان بيبقي عليها فلوس
ياريت تسال حد ليه سكه في الموضوع ده او حد عنده ميكروباص اصلا هايقدر يفيدك و يكون من عندك في الموقف علشان يعرف يظبطلك الدنيا لان المفروض العربيات بتبتقي معروفه و ناس حاطه عينها عليها علشان تعرف عملت كام مشوار انهارده و طالعه الركاب كامله ولا في حد ناقص و كده يعني و وصلت الموقف التاني في معاد كويس ولا اتلكع مثلا او عمل مشوار في 5 ساعات مع انه يتعمل في ساعتين
حوارات كتيييييييييير .... و ربنا يوفقك

مش سكتك ياباشا

خصوصا انك مش هتشتغل عليه
مفيش حد بالامانة اللي انت متخيلها دي وخصوصا مع العالم اللبط دي

وغير كده التاكسي بتديه للسواق بالوردية مقابل مبلغ وهو بياخده يفحت بيه ومالوش دعوة بالصيانة وانت تلبس في الحيط

نصيحة عن تجربة واحد صديق مقرب لي
بلاش الخطوة دي
خصوصا ان الموضوع مؤقت لغاية لما تخلص الجامعة

اخيرا
والدك موافق ؟

شكرا لكل الي شاركوا وبالنسبه للميكروباص هيبقي صعب جدا لانه هيخلي الواحد يحتك باوساط متدنيه جدا اما التاكسي يمكن ارقي شويه والسواق انا لقيت سواق اعرفه بقاله اكتر من 10 سنين لانه كان معايا سنه بسنه ابتدائي واعدادي وبعدين بقي ثانوي تجاري وعلاقتنا كويسه مع بعض واما يكون معاي ف عربيه البيت بخليه هو الي يسوق لانه فعلا محترم جدا ف سواقته وعرضت عليه الموضوع ووافق ومش هايجيب حد تاني معاه وهيركب العربيه الورديتين اوا اقل شويه هو واستطاعته بقي ومش هانختلف انا وهو ف الفلوس وهايحافظ ع حاجتي ومن بلدي