مش حقدر اقولك غير :
رتب افكارك
لو انت احساسك سلبى لنفسك كببر دماغك من رأى الناس فيك
خلى لك هدف محدد عايز تعملة وفكك بقى من اراء الناس مهم كدة كدة مش حيفيدوك فى حاجة
اولا والاهم وهى سبب مشاكلك كلها الاسرية والاجتماعية = دراستك
نظرة الناس السلبية لك انك لسة مخلصتش درستك وانت لسة مش كبير على فكرة انا متخرج من الكلية وانا عندى 23سنة مفرقتش يعنى
اسرتك اصدقائك وانت لنفسك النظرة حتختلف بعد ماتخلص دراسة
متفتكرش ان ابوك فرحان انك قاعد كدة من غير شهادة دة دة ممكن يكون السبب الرئيسى لأكتائبة هو شخصيا هو انت
ايوة انت .. ان ابنة فاشل دراسيا
انا اسف من كلمة فاشل .. بس هى دى مرادف موقفك الدراسى
حدد هدفك
1- السنة دى حنجح التيرم كلة بس
بس دى يعنى لا لف ولا شغل ولا دوران ولا حاجة
تقول انا التيرم دة انجح صافى
ان شاء الله تنجح تروح تقول لأهلك انا نجحت صافى التيرم دة وتمشى ومتستناش رد
2- جة وقت فراغ بتاع الصيف .. متفرضش نفسك على حد ... روح اجرى العب انزل المياة فى حتة لقيت شغل بسيط حتى لو تطوعى ماشى خليك اجتماعى كدة متقفلش على نفسك اوضتك
3- حاول تبتسم ! ايوة اة ابتسم! حتى لو نازل من بيتكم مش ضايق منظر الشارع اللى عينك حتبص علية ابتسم ! البسمة اللى على وشط دى مع الوقت حتتقلب جواك
4- حاول تدور على حاجة جميلة تخليك تفكر وتدبر كتاب فسحة فيلم اغنية كدة ان شاء الله يأخى لو بنوتة حلوة اسرح فيها بخيالك وتفكر عشان تنولها مثلا انا عايز اية ؟ شهادة شغل مسكن الخ
5- كل اللى فات حيخليك تحدد هدف
ومينفعش تقول بكرة انا حبقى كويس ! اذاى عشان تبقى كويس لازم تمشى على خطوات عشان توصل للهدف بتاعك
نهاية كلامى متكلكعش الدنيا قدامك ! حدد نقط وخلصها واحدة واحدة
وابدأ دلوقتى احسن من انك تبدأ بكرة ويوم يضرب يوم يضرب يوم والتيرم يخلص وسنة تجرى وتبقى 26 و بعدين 27 الخ الخ
يالا اتحرك هات ورقة وقلم واكتب حتخلص اية التيرم دة خلصتة حط هدف تانى وهكذا
وربنا يفتحها فى وشك يارب ويفك ضيقتك
المفضلات