السلام عليكم..
انا عندي ياريس موديل 2009 و عملت بيها حادثة من 6 شهور كانت في تقاطع طرق وعريبة خبطت في العجلة الامامية اليمين . في التوكيل غيروا الجنت اللي اختبطت والرمان بلي وسرة العجلتين الاماميتين والطنبورين الاماميين والكوبلن اليمين..
بعد التصليح العربية كويسة لكن مازلت بحص برعشة وهزة في الدريكسيون (وانا سايق) .. او وانا قاعد في الكنبة او في الكرسي لو حد تاني سايق.. جربت ارصص العجل كله مرة وفعلا فرقت والهزة راحت لكن الموضوع رجع تاني بعدها بشوية.. جربت ارصص العجل تاني بس مفيش فائدة ..
هل المشكلة في الجنوت ؟ ولا في نظام التعليق ؟ ولا في الكاوتش ؟
شكرا