الموضوع: كالعادة ... هيونداى i30 الجديدة تحصل على 5 نجوم فى اختبارات الأمان EuroNCAP

المشاركة الأصلية كتبت بواسطة Hosam_Optrawy

لأ شوفت الفيديو , وماستفدتش حاجه , مين دول اللى عاملين الفيديو اصلا ؟

مكتوب فى عنوان الفيديو ان الاختبار على 100 الله اعلم بقى صح ولا اقل ولا اكتر , والعربيه اتدغدغت واتبهدلت من جوا اكتر من اللى على سرعة 64 , تمام

بس انت مش واخد بالك ان العربيه مفيهاش غير 2 ايرباج امامى فقط !!! انا ماشوفتش ايرباج جانبى فتح ولا ورا ولا ركبه , وبعدين هو اهم حاجه التصادم الامامى بس ؟ مش المفروض فى تصادم جانبى وعامود زى ما ال EuroNCAP بتعمل عشان تعمل تقييم شامل لمستوى امان العربيه

ثانيا مين الجهه العظيمه اللى عامله الفيديو ده ؟ مجهولين , مفيش احترافيه ولا فى طريقة الاختبار ولا فى تقييم بالنقط او النجوم

ماعلينا , انا عايز اسألك بقى انا بالاحظ ان فى كلامك عن عربيه معينه السيفيك مثلا بتقول انها امان , على اى اساس حكمت انها امان وانت مش مقتنع باختبارات الامان يعنى ايه معيارك ؟ وبتقولى دلوقتى احنا مش عايزين نقتنع ان عوامل السلامه والامان اكتر من كدا بكتير , اللى هى ايه ؟

* ملحوظه اخيره : وانت بتوجه الكلام عمال تقول " روحتوا فين " و " انتوا " هما مين دول ؟ محدش بيتناقش معاك فى الموضوع غيرى , ولا انت معتبرنى مجموعه او شلة لوحدى ولا ايه عشان ابقى فاهم بس

شوف ياباشا دة فيديو قدامك ياتقتنع بية يامتقتنعش بية دية حرية شخصية ليك , وعموما انا بس حبيت اثبتلك وعلى عربية المانى عشان ماتقولش مش حيادى والعربية اتبهدلت على سرعة 100 ان سرعة 64 كم غير 100 كم

بالنسبة للside airbag هو الفيديو مش متطلب عربية فيها المواصفات دية

وعموما اعتقد سواء اى شركة او ناس اللى عملاة طالما ادى بالغرض خلاص وتقييم العربية مش مهم لان العربية واضحة قدامك مش محتاجة تقييم

على فكرة انا عمرى فى حياتى ماتكلمت على نقطة الامان فى السيفيك ولو ذكرتها اكيد كان حد بيسأل , وعموما ياباشا السيفيك مش محتاجة انى اتكلم عليها الناس كلها عارفاها

شوف انا عامل موضوع فى قسم الهوندا على اختبارات السلامة وقايل انى مش بقتنع باختبار العربية على السرعة دية

وهقول تانى مش بشكك فى الاختبارات عشان محدش يجى يقول انت بتعدل على اكبر شركة للسلامة والامان

انا بقول ان المفروض تكون الاختبارات على سرعة اكبر من كدة على الاقل 100 كم ساعتها كل عربية هتبان قوتها

ودة من اللى بشوفة عربيات كتير واخدة خمس نجوم فى الاختبارات ولا قدر الله بتعمل حوداث على سرعات 120-130 ومع الضغط على الفرامل ماتنساش دية والعربية بتتبهدل
وعربيات تانية واخدة نجمة والحمد لله بتبقى زى الفل

عموما ياباشا الحوداث دية غير الحقيقة تماما مع احترامى للاختبارات لانك اولا العربية مش بتخبط فى حاجة ثابتة دية بتخبط فى حاجة متحركة زيها يعنى هناك قوتين بيخبطوا فى بعض وكل واحدة على حسب سرعة المركبة الاخرى ومكان التصادم بيفرق فى الشكل النهائى للحادث , دة غير هيفرق كمان هل السائق دة كان لابس الحزام ولا لأ بردة هيفرق

لا عادى بس انا متعود انى برد على اكثر من عضو فى قسم هيونداى ولو وجهت كلام ليك انت لوحدك يبقى انا كدة بقصر الاجابة عليك انت بس انا عايز ناس تشارك

لان الموضوع ولا لية دعوة بهيونداى ولا كيا دة موضوع عادى

وعموما ياباشا انت اية اللى مضايقك فى الموضوع يعنى !!!!!!!!!!!