الموضوع: العقل كان بيقول كده - معايا ولا لأ ؟؟؟ -

الحمد لله ربنا وفقني النهارده واشتريت نيسان صني 2044 أوتوماتيك 1600 سي سي بعد عناء وحيرة ما بين الجديد والمستعمل والحيرة بين أنواع المستعمل بس العقل كان بيقول كده كده هي النيسان وآدي الأساباب :-
1- الجدي ماكانش قدامي غير الهيونداي الجيتز على أساس زي ما قولت قبل كده أجيبها وأمزلها مصر بعد كده للمدام بس طبعا الأجواء هنا عمر عربية زي ديه ما هتستحمل الجو ده والطرق ديه ب 1400 سي لمدة 5 سنوات .

2- بالنسبة للمستعمل كان قدامي خيارات كثير منها المرسيدس مثلا اللي سعرها رخيص بس كل الناس حذرتني هنا من قطع الغيار ، ثم الكامري بس الموديلات اللي فوق ال 2003 مثلا بتعمل حوالي من 40 ل 45 ألف ريال وده مش في إمكانياتي دلوقتي ، وكان قدامي جين 2 موديل 2007 بس طبعا لما هاجي أبيعها مش هتجيب 10000 ريال ، ولقيت ليجانزا 2001 ب 8000 ألاف ريال بس برضه مالهاش سوق هنا خالص ، والانسر كانت في حساباتي بس اراكب اختها ، المهم اللي خلاني أجيب الصني هو سلو البلد هنا يعني إنها بياعه هي والتويوتات عامة لأن الواحد مش ضامن ظروفه إيه فلازم يكون معاك عربية بياعه وسعرها كويس فقلت هي دي وجبتها 1600 علشان الناس هنا وحوش ولازم يبقى معاك عربيية يعني موتورها عفي شوية وكمان سعرها حنين ب 25 ألف ريال العربية الحمد لله فابريكه بره وجوه وصالونها جديد والاستبن مانزلش مع إني عارف إنه عيب مش ميزه بس برضه بيدل على حسن استعمالها .

هاه كلامي صح ولا فيه وجهة نظر مخالفة ؟؟؟؟؟؟؟؟؟؟؟؟؟؟

الله يبارك فيكم جميعا وألف شكر على الكلام الرقيق ده .

والله بالنسبة لتقيمها أنا يعني مشيت بيها حبه كده امبارح بس أعتقد إني مش هعرف أقيمها صح لأن الانسر اللي معايا 1300 مانيوال وديه 1600 أوتوماتيك بس أنا سقت عربية أختي هنا وهي 1300 أوتوماتيك صني برضه بس موديل 2001 يا جماعه فعلا الأوتوماتيك عمره ما ينفع مع عربية 1300 أبدا أبدا وخصوصا في بلد التكييف بتاع العربية شغال 24 ساعه العربية سحبها خنيييييييييييق جدااااا وعلشان تجيب ال100 كيلو تلاقي اأر بي إم علي وصوت الموتور قارب على الانفجار وفين وفين لما تجيبها لكن بصراحه امبارح أنا جبت ال 120 كتجربة يعني والعربية بسم الله ما شاء الله موتورها جااااااامد وأعتقد أعتقد إن فعلا مواتير النيسان عامة أفضل من مواتير الميتسوبيشي لأن العربية فعلا سحبها وتسارعها رائع رائع وكمان التكيف شغال على طول ، أنا كمان غيرتلها زيت وفلتر أصليين ( الزيت بتاعها اسمه نيسان في صفيحه كده ب 45 ريال وده أصلي من التوكيل والفلتر برضه ياباني بتاع نيسان ب 15 ريال ) يعني 60 ريال بس كان ليا سؤال هل الصح أنزل زيت الفتيس الأوتوماتيك كله وأحط زيت جديد ولا أخليها على كده ؟