-
للبيع volvo s40 حالة شاذة جدا
-
بسم الله ما شاء الله
عربية تحفة و جبّارة
ماينفعش بنفس السعر بس بالجنيه المصرى ؟ :grin28:
ولا خلّيها بالجنيه السوداني بقى أفضل :cool:
بالتوفيق في البيع ...
:Bravo:
-
ربنا يخليك يا باشا
بس الراجل اليابانى عاوزهم دولارات بس بينى وبينك لو مفيش غير بالمصرى حيوافق
-
-
هوا مش حضرتك لسه كنت عامل موضوع من فتره قريبه لا تتعدى الاسبوع عشان تسئل على سعر العربيه دى .. وانك عايز تشتريها لنفسك .. وحتى كنت بتقول ان الجمارك مدفوعه .. ايه لحقت تزهق من العريبه بالسرعه دى :d
-
هههههههههههه على فكرة الناس دي مش بتدفع جمارك المفروض يراعوا الشعب المصري لما يجوا يبيعوها مش يستعملوها زيرو ويبيعوها باكتر من اللي اشتروها بيه .. ثانيا العربية حلوة ما شا الله .. بس ال144 احلى اكيد بكتير .. وصعب جدا تتباع بالسعر ده .. دي اخرها يعني لو بالدولار 17000 .. ده رأي شخصي مش ببخس تمنها واللهي .. بس يعني انا شايف يدوبك كدة حلو عليها اوووووي
-
انا لما كنت بسال عليها علشان كنت عاوز اعرف سعرها
والدبلوماسين مش بيدفعوا جمارك على عربيتهم بشرط يخدها معاه وهو ماشى او بيبعها لواحد اجنبى
ولو حب يبعها لمصري لازم يدفع جماركها ودا اللى صاحبها عمله ودا مبرر ال144 الف
جماركنا هى اللى نفخانا
وعلى فكرة مش انا اللى ببيعها استاذ وليد اللى فى الاعلان هو المسؤل فى بيعها جوا ادارة السفارة
انا بس شفتها هناك فصورتها وقولت انزلها على المنتدى بتاعنا
بس بينى وبينكم بسم الله ما شاء الله العربية تحفة
-
و دى هجبلها قطع غيار منين
-
-
حاجتها كلها موجودة لان فى منها ال1600 وحاجات الموتور موجودة كلها فى الوكيل
ووالله هى خالصة جمارك واللى حيخلص فيها حياخد من السفارة شهادة بيانات وهى تبع مرور جمارك المطار ومش حيدفع حاجة صاحبها مخلص كل اللى كان عليها
-
هوه الفامية اللى فى العربية ده فبريكة ومثبوت على الرخصة ؟
وهل السعر فى تفاوض ؟
-
لا مش مثبوت ودا استكير وبيتشال
والسعر كان 25000 ونزل ل24000 ومعتقدش حينزل عن كدا
عموما كلم ا/وليد وشوف
-
بسم الله ما شاء الله
عربية تحفة وفوق الخيال خصوصا بالمتور ده
واا شايف السعر قليل جدا مقارنة بسعر العربيات اللي نشوفها هنا
مشكلة العربية دي في الضريبة وقطع غيا الموتور لاكن غير كدة هي هي نفس s40 اللي هنا
والله لو جاهز تمنها لخلصت فيها وقتي لاني اعرف سمعة فولفو في العالم
ويا ريت اللي ميعرفش الفلفو دي ما يقولش السعر كتير
العربية دي لو الوكيل بينزلها بالمتور ده مش هتقل عن 250 الف
-
-
جزاك الله كل خير
والعربية فعلا تحفة والتقفيل بتاعها مشكلة والموتور تحس انه نايم فى السلانسيه لكن لما تدوس عليه حيفرجك يعنى ايه فولفو
2400cc 168H.P
مش الل 1600 اللى عندنا
-
انا مش عارف والله الضريبة اد ايه لكن لو فيه حد يعرف ممكن يقول لحضرتك
-
وحش تحت الكبوت فعلا مع رقي وقوة وامان فولفو معادلة صعبة فعلا
الفكرة ان فوق ال 2000 سي سي في بلدنا هاتدفع ضريبة محترمة خاصة مع احتمالية غلو البنزين قريب
بالتوفيق في البيع وتستاهل كل قرش يتدفع فيها
-
ممكن استهلاكها فى البنزين ازاى واسعار قطع الغيار انا جاهز وممكن اشترى
-
اقتباس:
المشاركة الأصلية كتبت بواسطة mohamedkordy
ممكن استهلاكها فى البنزين ازاى واسعار قطع الغيار انا جاهز وممكن اشترى
هو التانك بيشيل 60 لتر وبتمشى بيهم حوالى 720 كيلو جوا البلد والتكييف شغال وبنزين 92
اللتر بيمشيها حوالى 12 كيلو
قطع الغيار مش عارف والله بس انت ممكن تتصال بعز العرب وتسال
-
اقتباس:
المشاركة الأصلية كتبت بواسطة memobmw2005
هو التانك بيشيل 60 لتر وبتمشى بيهم حوالى 720 كيلو جوا البلد والتكييف شغال وبنزين 92
اللتر بيمشيها حوالى 12 كيلو
قطع الغيار مش عارف والله بس انت ممكن تتصال بعز العرب وتسال
دة انا عربتى كورولا 1300 والتانك 40 لتر تقريبا 320 كيلو بالعافيه من غير تكيف داخل البلد
انت متاكد من معلومة البنزين عشان اولع فى عربيتى وضميرى مستريح
-
حلمى من زمان العربية دى... بس للاسف احنا مش عارفيين البلد مقبلة على ايه؟
-
اقتباس:
المشاركة الأصلية كتبت بواسطة a_taamer
دة انا عربتى كورولا 1300 والتانك 40 لتر تقريبا 320 كيلو بالعافيه من غير تكيف داخل البلد
انت متاكد من معلومة البنزين عشان اولع فى عربيتى وضميرى مستريح
هههههههههههههههه
اه متاكد انا اتجننت برضوا لما سمعت كدا
-
اقتباس:
المشاركة الأصلية كتبت بواسطة abd_el_7amid
حلمى من زمان العربية دى... بس للاسف احنا مش عارفيين البلد مقبلة على ايه؟
ربنا يستر
-
السلام عليكم
جاد في الشراء ولكن رقم الهاتف لا يرد
ارسلت لك رقمي على الخاص، برجاء التواصل
مع جزيل الشكر
-
اقتباس:
المشاركة الأصلية كتبت بواسطة memobmw2005
حاجتها كلها موجودة لان فى منها ال1600 وحاجات الموتور موجودة كلها فى الوكيل
ووالله هى خالصة جمارك واللى حيخلص فيها حياخد من السفارة شهادة بيانات وهى تبع مرور جمارك المطار ومش حيدفع حاجة صاحبها مخلص كل اللى كان عليها
معلهش علشان في حاجات مأعرفش فيها
يعني إللي هايشتريها يدفع الـ 144 ألف و يخدها و يعلق نمر ملاكي عالاطول و يمشي ولاّ إيه ؟!
و هي العربية لسه موجودة أساساً ولاّ اتباعت ؟؟؟
