استغاثة سريعة لو سمحتم ردوا اليوم عليا الديبرياج فصل

**cobraa** · 23-05-2012 04:40 PM

بسم الله الرحمن الرحيم

اخوانى الاعزاء فى المنتدى ارجو منكم افادتنا حيث ان دواسة الديبرياج لا تقوم بعملية فصل للحركة يعنى لما ادوس عليها كان لا يوجد اى ضغط او زيت فى الدواسة وترد تانى بصيت على الزيت لقيته مانقصش عن العلامة المحددة انا سيارتى لانوس 2001
المشكلة الكبيرة جدااااااااااااااااااااااا اااا بقى
انى كنت هجيب غيار وهى مبطلة وبعدين اطلع بيها لكن للاسف
مركونة فى جراج يدوبك على قدها بالظبط مكان ضيق جدا ومطلع وبزاوية يعنى فكرة الغيار دى مستحيلة
فهل حد فيكم عنده فكرة ممكن اعمل ايه علشان اخرجها من الزنقة دى واوديها للمكيانيكى
ارجو الرد منكم اليوم بسرعة وشكراااااااااااااااااا ليكم

**misho2008** · 23-05-2012 05:03 PM

ديسك واسطوانة طالما الغيار بيجى لما تدوس دبرياج
اما لما تدوس دبيرياج مفيش غيار خالص يكون العيب فى ماستر الدربياج

**cobraa** · 23-05-2012 05:10 PM

استشاريو الدايو ارجو الرد لو تكرمتم مهندس طارق مهندس ممدوح

**cobraa** · 23-05-2012 06:17 PM

شكرا لردك السريع استاذ ميشو
انا تقريبا معنديش ديبرياج دلوقتى خالص ادوس على فراغ
عايز اعرف هل فيه طريقة اخرج بيها العربية

**MMamdouh** · 23-05-2012 06:23 PM

خللى حد يوس دبرياج و شوف الماستر التحتانى بيحرك الفورش ولا لا

لو بيتحرك يبقى كدة طقم دبرياج... لو مش بيتحرك يبقى حاجة فى المساتر او خرطوم الدبرياج بس دة لازم يصاحبة نقص فى زيت الباكم

MMamdouh

**cobraa** · 24-05-2012 05:54 PM

شكرا ليك مهندس ممدوح على نصائحك الغالية والشكر للاستاذ مصطفى
وهحكيلكم على اللى حصل
انا معرفتش اجيب حد يكارك وانا ابص على الماستر
فدورت على اقرب ميكانيكى وقولتله الديبرياج فصل منى قالى يالا بينا
وهنا اكتشفت جهلى البيين ازاى انا كنت بعمل تشييك على قربة الزيت لما الديبرياج فصل ومن نصاحتى كنت فاكر انها قربة زيت الباور مش الفرامل
المهم هوا فتح قربة زيت الفارمل لقاها تقريبا فاضية وقالى غالبا الفرامل هربت الزيت وقالى عندك زيت كان عندى شوية وما كفوش راح اشترى لى بعربيته علبة صفيح واخد منى عشرين جنيه وبعدين رجعلى ومعاه مفتاح وفك الطبة بتاعت الزيت اللى جنب مقياس الزيت وقالى كارك وفضى الهوا وملى الزيت وكاركت والديبرياج الحمد لله اشتغل وتقل وجربت لقيته بيفصل الحركة والحمد لله طلعت العربية من زنقتها وقولتله كام قالى عشرين علشان مش بروح لحد برة الورشة
اجمالى التكلفة 40 جنيه والحمد لله
قالى ابقى تعالى بعد اسبوع افكلك الاربع عجلات واشحمهوملك وابصلك على التيل بتاع الفرامل
قولتله هوا كدا عايز يتغير علشان ما يهربش زيت تانى قالى لما تغيره الزيت هيعلى معاك ممكن تمشى ومفيش مشكلة
وشكرا ليكم واسف على الاطالة بس بحب غيرى يستفيد من تجربتى
ربنا ما يوقعكم فى زنقة ابداااااااا