عرض للطباعة
السلام عليكم ورحمة الله
معايا لانسر كريستالة 98 وحاسس ان المساعدين مش اد كده يعني العربية بترزع مع اي مطب
ففكرت اغير المساعدين الامامي بس قولت يمكن هي العفشة بتاعتها كده مش ناعمه
فياريت الناس القديمة مع الكريستالة تقولي رايها
واذا هجيب اجيب مساعدين جديدة ولا استيراد ولو جديدة هل هتبقى عملية وهتقعد اد ايه تقريبا
في شوارعنا اللي زي الفل دي
شكرا
عفشه الكرستاله معروفه انها ناعمه جدا وطريه وكلها حنيه
وفى نفس الوقت عمرها الافتراضى طويل ان شاء الله
غير مساعدين ويفضل جداد النوع kybده الاصلى بس الناس بتقول عليه ناشف شويه عن الاصلى
فى فالمنتدى موضوع بيتكلم عغن المساعدين دور عليه هيفيدك كتيير
حاولت ادور على موضوع بيتكلم عن عفشة الكريستاله مش لاقي بالقسماقتباس:
المشاركة الأصلية كتبت بواسطة mohammedabdallh
بس ياريت توضح يعني ايه kyb اصلي بس مش زي الاصلي
تقصد ايه؟؟
طيب وكم سعره تقريبا للامامي
الاصلى الى بينزل فى العربيه
kyb
ولكن الى موجودين فى التوكيل برضه اصلى بس ناشفيين مش زى الى بينزلوا فى العربيه
اتفضل يا كبير
http://www.nilemotors.net/Nile/258494-a.html
ده موضوع تانى
http://www.nilemotors.net/Nile/258691-a.html
اى خدمه
:W_030:
اشكرك جدا على الرد والمساعدةاقتباس:
المشاركة الأصلية كتبت بواسطة mohammedabdallh
لو المساعدين عندك محتاجة تغيير غيرها بجديد kyb وبلاش المساعدين الاستيراد، ولو العفشة كلها محتاجة تغيير ، هتلاقيها فى بورسعيد أو فى الحرفيين كاملة أو نص عفشة أو جناب ومقصات زى ماأنت عايز بس بلاش تجيبها بمساعدين واشترى أنت لها مساعدين جديدة وإن شاء الله هترتاح معاها
اللي استخلصته من تجارب الاعضاء من القسم الkyb ناشفة وبترزعاقتباس:
المشاركة الأصلية كتبت بواسطة ayman97
ولا ايه راي حضرتك هل جربتها؟؟
Kyb نشفة جدا وبتخبط فعلا
المونرو افضل الجديد وعليها ضمان سنة
الاستيراد كويس جدا بس لو انتا واثق فى البائع وعارفة كويس جدا عشان لو باظ ترجعة تانى حتى لو بعد 15 يوم
وانت عامل ايه دلوقتىاقتباس:
المشاركة الأصلية كتبت بواسطة port_smoker
الاستيراد طبعا افضل
بس تضمن منين بعد شهر ولا اتنين ميضربوش
ايه المونرو دي جديدة؟؟اقتباس:
المشاركة الأصلية كتبت بواسطة port_smoker
ياريت لو جربتها تقولنا ايه تقييمك لها واسعارها عاملة ايه؟؟
في نوع تاني اسمه التوكيكو الناس شكرت فيه اول ما استخدمته لكن محدش قال بعد فترة عمل معاه ايه
وفي ناس بتقول ان الاصلي بتاع التوكيل كويس
لكن هناك شبه اجماع ان الkyb لا يصلح للاستخدام الآدمي
فالواحد محتار بصراحة :)
المونرو معروفة ومنتشرة
وعليها ضمان سنـة
بالنسبة لسعر الجوز الامامى بيعمل من 650 الى 700
والخلفى تقريبا 500
الاداء ممتاز جدا وبيدى ثبات فى الملفات جميل جدا
معلومة اضافية : اقوم بتطبيقها شخصيا
للحصول على نعومة فى المطبات وللحفاظ على العفشة
دائما باحافظ على ضغط الكاوتش عند 28 وليس 30 او اكثر
قوم بالتجربة وهتحس بفارق ملحوظ جدا
ايه يا شباب مش احنا اتكلمنا زمان وقلنا ان المساعدين kyp نشفة والي موجودة في السوق مضروبة
وكان فيه ناس جربت التكيكو الياباني وقالوا عليها كويسة
يعني التكيكو والا kyp ?
اشكرك على الرداقتباس:
المشاركة الأصلية كتبت بواسطة port_smoker
هجرب باذن الله النوع ده
بس متعرفش اجيبه منين ويكون حد ثقة؟؟
وشئ تاني الجنط عندي مقاس 15 هل ده بيأثر على المساعدين؟؟
هو فعلا في موضوع انتهى ان التكيكو الافضل بس محدش جربه لفترة طويلةاقتباس:
المشاركة الأصلية كتبت بواسطة minded
وport_smoker واضح من كلامه انه مجرب المونرو وبيشكر فيها
فانا شايف ان سعرها مناسب وهو بيقول كلامه عن تجربة
بالنسبة لمقاس 15 طبعا صعب شوية على العفشة وصعب فى تحقيق معادلة النعومة فى المطبات بالنسبة لشوارعنا
بس المونرو بيستحمل جامد هاتهم وتوكل على الله
بس كمان والصنايعى بيفك السوست من المساعدين القدام لاحظ انك لازم تركب الجلد ال بيكون ما بين المساعد والبطاحة عشان تحافظ على المساعد وميحصلش تخبيط فى المطبات . الجلدة تقريبا بـــ 5 جنية واسمها جلد تراب مساعد
http://www.prostreetonline.com/pso/i...s/1545.680.jpg
الهى لونها اصفر فى الصورة دى مهمة جدا جدا الجلدة الطويلة دى بتاعت المساعد الخلفى فقط والقصيرة بتاعة الامامى
بالله التوفيق يا معلم
ما انت بتعرف تشكر اهواقتباس:
المشاركة الأصلية كتبت بواسطة semi
امال جي في قسم البي ام تشتم فيا ليه و انا عملتلك ايه ؟؟؟
و انت اصلا راكب 1300 سي سي و منغير مساعدين كمان ؟؟؟
هههههههههههههههه حاجة تجنن و الله
حصل خير يا شيكو بس والله انا قفشت منك بجد عشان انا على الاقل مكنتش اعرفك
على العموم خلاص حصل خير وسامحنى
هههههههه ياعم انا اللي شكرت انت مقتبس ردي انا ليه :)اقتباس:
المشاركة الأصلية كتبت بواسطة sheko_2000eg
وبعدين حصل خير ان شاء الله الراجل اعتذر لك قلبك ابيض يعني
انا شايف انه مجرد سوء تفاهم
اشكرك على الرد والتوضيح جزاك الله خيرااقتباس:
المشاركة الأصلية كتبت بواسطة port_smoker
هسأل عليهم واجيبهم باذن الله
يساريت لما تسأل وتعرف السعر تبلغنا
الامامي والخلفي
وشكرا
ان شاء الله انا نازل الاسبوع الجاي واول ما اسال واعرف هحدث الموضوع بالسعر باذن اللهاقتباس:
المشاركة الأصلية كتبت بواسطة m.elgergawy
سألت ياجماعة على مساعدين kyp الراجل بيقول انهم اصلي بس هو مش عارف اذا كانوا زيت او غاز
بس هو بيأكدلي انهم الاصلي بتوع العربية
وسعرهم 800 امامي و500 خلفي طبعا انا حاسس انه مغلي ومش فاصلت معاه لاني مش عايز النوع ده اصلا
بس حبت اوضح السعر يمكن حد مهتم
تحديث للموضوع لمن كان مهتم بالنتيجة النهائية
توصلت ان افضل انواع بالسوق هم نوعين kyb و مونرو
kyb سعره 800 جنيه امامي عبارة عن زيت وهواء ويجمع بين الثبات ونعومة العفشة
مونرو 1000 جنيه تقريبا امامي وهو هواء فقط ويمتاز بالثبات العالي لانه مساعد رياضي اصلا
لكن ده على حساب نعومة العفشة وامتصاص الصدمات وطبعا بيبقى عمره اطول
في انواع تانية بالسوق كالالماني ب550 جنيه ومساعد صيني AMA 350 جنيه
لكن الصنايعي خوفني منهم وقالي بيحجروا وحاجات كده
لكن مقدرش ااقول انه سيئين عن تجربة
وشئ اخير اللي اخترته بالنهاية kyb وتم تركيبه وغير راضي عن اداءه بشكل كبير
اما عن طول عمر المساعد فمعرفش لسه لكن معتقدش انه هيعمر كتير
يعنى kyb معجبكشى
امال الواحد يجيب ايه
الاستيراد الواحد ميقدرشى يثق فيه
احنا كلنا يا شباب مش عجبنا ال kyp وهو مضروب الان بالسوق المصري ومع ذلك الي بيشتري بيشتري بردوا ال kypاقتباس:
المشاركة الأصلية كتبت بواسطة semi
طيب ما دام هنركب جديد نجرب حاجة تانية ممكن تكون افضل ؟
لانه افضل حاجه بالسوق وبكل اسفاقتباس:
المشاركة الأصلية كتبت بواسطة minded
بعد التركيب هو بيقضي الغرض طبعا وبيحقق توازن العربية وناعم شوية بالمطبات
لكن مش بالنتيجة المرضية يعني لو المطب اللي بيبقى بروز حديد بالشارع ده العربية بترزع معايا
في نوع تاني اسمه مونرو ده نوع محترم بس ده مساعد رياضي مضمون بس غاز
يعني مش ناعم على الطريق في ناس بتقول ان لو اتركب كاوتش محترم بيديلك نتيجة ممتازة
لكن انواع تانية انا ملقتش كله بعد كده زبالة ماعدا نوع اسمه كاتيكو في ناس جربته وبتقول
انه ياباني لكن معرفش النتيجة كانت معاهم ايه
وعلى فكرة الkyb اللي جبته مش مضروب ولا حاجه ده اصلي وجايبه من واحد بيجيب من الشركة مباشرة
يعني اصلي طبعا بس تعبان برضه
في نوع تاني اسمه كاتيكو اسال عليه حد جابه وشوف رأيهاقتباس:
المشاركة الأصلية كتبت بواسطة mohammedabdallh
لاما تجيب استيراد انا شايف ده افضل حل
بس شوفلك صنايعي ثقة يجيبلك حاجه كويسة
مفيش احسن من الاستيراد لاي حاجه بالعربية
ما المشكله فى الاستيراد كتير بيطلع مضروباقتباس:
المشاركة الأصلية كتبت بواسطة semi
ولو طلع حلو مش بيعمر
كبيره شهرين تلاته
هو الصنايعي قال هتروح انت هيضحك عليك ومش هتعرف تشتري حاجهاقتباس:
المشاركة الأصلية كتبت بواسطة mohammedabdallh
لازم واحد صنايعي فاهم يشتري الحاجه
لان قلة الضمير بقيت منتشرة دلوقت بشكل يجيبلك ذهووول
Kyb اللي في السوق مش اصلي المساعد في التوكيل الواحد ب1000 جنيه وشويه ومختلف عن اللي بيتباع في السوق
وانا اشتريته بردو من رمزي جرجس والمره التانيه اشتريته من الشركه الهندسيه
والمرتين ضربوا
العيب في الطرق يافندم
فيه عضو معانا اسمه ابو حمزه
هنا اشتري مساعدين تاكيكو
ودي ياباني بس نادره شويه
موجوده عند المنير في فيصل
بس اعتقد انها افضل من الkyb
الاستيراد زفت لانها مخلوعه من عربيات مصري ياريتها مستورده
تلاقي المساعد طالع عين اهله وقليل اما تلاقي بياع محترم بيبيع حاجه عدله
والمونرو مفيش حد فينا جربها اصلا
بيقولوا ناشفه بس مش عن تجربه
كلام بس
وهيا اغلي من kyb
المونرو بعض الناس فاهمة انه مساعد ناشف لا هو مساعد رياضياقتباس:
المشاركة الأصلية كتبت بواسطة FunnyMickey
وهو بيبقى هواء بس وده بيحقق اعلى توزان للعربية على السرعات العالية
وده على حساب امتصاص الصدمات عشان كده بيبقى ناشف
موضوع الkyb انا راضي انه يضرب بعد سنه بس يشتغل عدل من الاول
لكن ده اداءه متواضع جدا وده لانه هواء وزيت
وموضوع اصلي او مش اصلي مش فرقة خالص كلهم زفت للاسف
المساعد توكيكو مش عارف لسه الناس اللي جبته بتقول كويس وياباني
شكلي هجربه المره اللي جايه
عناوين توكيل مونرو و هو تابع لغبور
ش عماد الدين - وسط البلد - القاهرة ت: 25748025 - 25748026 - 25748027
261 ش شبرا - الخلفاوي - القاهرة ت: 22031765 - 22031653
54 ش دمشق - تقاطع بيروت - مصر الجديدة - القاهرة ت: 24507418
373 ش الملك فيصل - الاريزونا - الجيزة ت: 35833449
7 ش مراد - امام عمر افندي - الجيزة ت: 35735538