تنظيف البوابة والرشاشات بعد 48,000 كم
بعد العربية ما عملت 48,000 كم ابتدا سحب العربية يقل
و "دوسة" البنزين مش اللى هى متعود عليها ... ,اعتقدت ان العيب فى البوجيهات
ولما فكيتها وجدتها جيدة جدا ... وبناء عليها قررت تنظيف البوابة والايديال سنسور
والرشاشات.
وده سائل بيتم أضافته فى تنك البنزين
اول حاجة نعملها فصل كابل البطارية السالب علشان نشتغل بأمان
هنفك غطاء الموتور و الفلتر وعلبته والخرطوم المرن الواصل للبوابة
بعد كده البوابة هتظهر ... يتم راش المنظف داخل البوابة والانتظار دقيقة و المسح بقماش نظيف
مع فتح البوابة بواسطة بكرة الاكسلاتير والتنظيف عدة مرات حتى يخرج القماش نظيف
طبعا القماش الابيض كان بيخرج طييييييييييين...
بعد كده يتم فك حساس الايديال والسوكت الخاص بيه والحرص على الجوان ان يقع او ينثنى
ويتم غسل السنسور بالاسبراى ... وطبعا مش هقولكوا على الزفت اللى كان نازل
بعد الحمام المتين للسنسور هنكون نضفنا قاعدة السنسور فوق البوابة اثناء تنظيف البوابة
بعد التنظيف والتجفيف هنركب السنسور تانى ولا ننسى تركيب الجوان ونركب السوكت
وهنركب علبة الفلتر والخرطوم المرن ونركب كابل البطارية وندور العربية ممكن ما تدورش
من اول مرة ما تقلقش .. وهتدور من تانى مرة اطلع جرب ...!!!! الفرق ملحوظ طبعا
بعد كده هنستخدم منظف الرشاشات وتعليمات استخدامه التزم بها للحصول على افضل نتيجة
يتم استخدام كامل الزجاجة على 55 لتر بنزين تقريبا يعنى "تفول" التنك, طبعا هتحط المنظف
والتانك يكون قرب يفضى وانت فى البنزينة .. وكمل التنك للاخر و استهلك التنك كله
.
قبل اعادة تعبئة الوقود - ماشاء الله الفرق ملحوظ جدا فى سحب العربية والاستهلاك
زى ماكانت زيرو ....
:8941[1]: ها ... حد عاوز يسئل اى سؤال ... انا جاهز ... !!!!