أنا سعيد جدا

**ahmedeg1** · 24-05-2012 08:27 AM

السلام عليكم و رحمة الله و بركاته
و الله يا جماعه انا عامل الموضوع ده بس علشان انبهكم لحاجه جديده فى قسمنا
ان الأعضاء الكرام هنا بدأ كل واحد فيهم يفكر و يجرب و يكتشف مشاكل و كمان يعالجها و الكلام ده بعد 3 سنين من طرح العربية
خد عندك مثلا مشكلة السخزنه تم حلها بالكامل هنا فى قسمنا العزيز مش فى التوكيل
مشكلة تزييق الزجاج برضه اتحلت هنا مش فى التوكيل
زيادة كفاءة تبريد التكييف برضه هنا مش فى التوكيل
عزل أرضية و أبواب اللوجان بالكامل
بعد شغل الميكانيكا البسيط زى تنظيف الأيدل و البوابه
و قريبا إن شاء الله و ده اختبارى مش أكثر إلغاء دورة السخن لسربنتينة التكييف
و لسه اللى جاى احلى و أحسن إن شاء الله
و الى الأمام دائما
انا اللى باسطنى ان بقى فى جرءه على العربيه و مافيش خوف
و كمان تفكير سليم و منطقى فى حل المشاكل
و أقسم ليكم ان القسم ده فى فترة ليست بالبعيده هيبقى أهم أقسام المنتدى زى قسم اللانوس و يمكن أحسن إن شاء الله
و عاوز حاجه منكم
اللى يبتكر حل لشئ أو مشكله يصورها فيديو مش صور علشان ده هو الجديد
ان حل مشاكلنا بالفيديو مش بالصور و ده سبق فى المنتدى و أعتقد محصلش فى أى قسم تانى
عاوزيين ناخد السنه دى جايزة أحسن قسم فى المنتدى و بالذات بفكرة حل مشاكلنا و تصويرها فيديو
و الله المستعان

**romyo_eg** · 24-05-2012 10:39 AM

عندك كل الحق فى كلامك وانا نفسى لسه مستلمتش العربيه وعرفت حاجات كتير فى العربيه ومش كدا وبس اصدقائى اللى معاهم العربيه و اللى كانوا بينصحونى انى اشتريها دلوقتى انا اللى بقولهم على الجديد فى العربيه والحلول للمشاكل اللى بتواجه كل واحد فيهم واجمل ما فى الموضوع ان قلبى بقا مطمن بعد خوفى من شراء عربيه فرنساوى وانى هبقا مش عارف اى حاجه فيها وكمان ظهرى بقا مسنود بالمنتدى الجميل اللى اكن له احترام وتقدير شكرا لكل اعضاء المنتدى

**totyfox** · 24-05-2012 10:48 AM

و انا كمان سعيد لما اشتريت اللوجى 2012 و انضم الى اخى الاكبر الذى اشترى اللوجى 2010 و هى عربيه بسم الله ما شاء الله و ان شاء الله سوف اشارك بأى جديد

**amr.elsayed** · 24-05-2012 03:34 PM

غريبة دى ان كنت فاكر انا بس اللى مبسوط علشان معايا لوجان
عموما يا استاذ احمد انت انسان محترم ووجودك فى قسم اللوجان بيزيده ثقل وخبرة
وجزاك الله كل خير على نقل خبراتك من خلال نايل موتورز .

**momom** · 24-05-2012 07:10 PM

انت رااااجل بتفهم

**lord777** · 25-05-2012 02:02 AM

الله ينور
بالنسبة لموضوع فصل دائرة السخن سالت فيها ميكانيكى النهترده قال لى بلاش احسن كفايه العزلو انا دلوقت عندى دليل صيانة بقراه ها احول برضه افهم ايه الموضوع هو شارح دائرةالريادياتير بالتفصيل
اشكرك على افكارك

**ahmedeg1** · 25-05-2012 10:56 AM

المشاركة الأصلية كتبت بواسطة lord777

الله ينور
بالنسبة لموضوع فصل دائرة السخن سالت فيها ميكانيكى النهترده قال لى بلاش احسن كفايه العزلو انا دلوقت عندى دليل صيانة بقراه ها احول برضه افهم ايه الموضوع هو شارح دائرةالريادياتير بالتفصيل
اشكرك على افكارك

يا باشا الميكانيكى ده بيفتى
قولى ليه
لأننا مش هنلغيها يعنى هنسدها
لأ
احنا هنحول مسارها بحيث برضه تمشى فى نفس الدايره بس ماتدخلش على سربنتينة السخن
زى ما كان الناس بتعملها فى المرسيدس زمان
حمايا قالى الكلام ده
و بصراحه انا بثق فيه تمام التمام لانه خبره فى الحاجات دى جدا