هوندا سيتى
ياريس - مانويل
جين 2
شيفرولية افيو
فولكس باراتى
فولكس بوينتر
.....................أيهم أختار !!!!!!!!
يا جماعة حد يقولى اختار اية من العربيات دية عشان انزل اشترى بس يقولى السبب للأختيار .. اصحاب الخبرة و الذوق الرفيع يدلنى الله يكرمكم
هوندا سيتى
ياريس - مانويل
جين 2
شيفرولية افيو
فولكس باراتى
فولكس بوينتر
.....................أيهم أختار !!!!!!!!
يا جماعة حد يقولى اختار اية من العربيات دية عشان انزل اشترى بس يقولى السبب للأختيار .. اصحاب الخبرة و الذوق الرفيع يدلنى الله يكرمكم
ياريس مانيوال
(اداء مدن و طرق -قطع غيار-توكيل-خارج التوكيل -خامات وتقفيل)
اذا كانت الماديات متاحة للجميع .. يبقي الاولي او التانية .. و ارمي الباقي كله علي جنب ...
و اذا كنت متقبل شكل الاولي ... توكل علي الله .. و تبقي هيه دي ..
------------------------
اداء رائع .. صالون شيك جدا .. خامات جيدة جدا ..توكيل محترم جدا .. قطع غيار اغلي قليلا عن مثيلاتها .. سعر اعادة البيع اقل من الياريس .. انا باعتبرها سيارة للصفوة في كل فئة .. السيتي في فئتها .. السيفيك في فئتها .. الاكورد في فئتها .. و هكذا ..
* قطع غيار ارخص قليلا من الهوندا .. انتشار اعلي .. سعر اعادة بيع ماسك نفسه شوية .. ايضا اداء جيد جدا .. يبقي عليك و علي الياريس ..
و بس
بالتوفيق
انا مع اليارس المانول
عربيه تويوتا اقل استهلاك للبنزين واسعه ممكن تشيل عيله متور جميل
عيوبها خفيفه شويه ابعادها مش واضحه عاوزة وقت علشان تعرف ابعدها
السيتي معرفش عنها حاجه
جين تو حسب كلام الناس هنا في المنتدى مش قد كده خش على قسم البروتون و من وجه نظري عربيه ما تستحقش الفلوس دي كلها
اما البراتي و البيونتر فعلى رايي المثل ابعد عن الشر و غنيله و الباب الي يجيلك منه الريح سده و استريح
لا عيب توكيل مش عيب عربيه و لا عيب تقفيل
امال نسد الباب و نستريح من ايه؟
الياريس طبعا
و السبب الاخوه الاعزاء ذكروه :)
رأيي زاي الأخوة الأفاضل: ١ - ياريس ٢ - سيتي
ربنا يوفقك
اهم حاجة الغى البوينتر و الباراتى
ياريس سيتي جين تتو
و الباقي بلاشه
يا جماعة اشكركم على الرد السريع و الافادة .. وعاوز اقولكم انى اقتنعت بكلامكم خاصة الرأى اللى بيرجح الياريس ثم الهوندا سيتى بس انا ميااااااااااااااال للهوندا سيتى صراحة ...
خلاص بدام مرتاح للسيتى ماحدش قال انها عربية وحشة بالعكس
روح قسم الهوندا و اعرف كل حاجة عن العربية من سلبيات و ايجابيات و كون فكرة اكتر تفصيلية عنها و توكل على الله
مش شرط كل حاجة تبقى عملية 100% اهم حاجة راحتك النفسية و تكون العربية حاببها حتى لو هاتدفع اكتر فيها
و ربنا يوفقك
رأيي الاتي:
تويوتا ياريس:
1300 سي سي 85 حصان عزمها 120 نيوتن
مميزاتها:
1-صالون واسع
2-عالية عن الارض مبتحكش في المطبات
3-توفير بنزين 1300 و انجكشن
4-جريها جامد
5-توكيل حلو
6-قطع غيار متوفرة و سعرها حلو
العيوب:
1-الثبات متوسط بعد 140 مش تمام اوي
2-الوزن الخفيف هو سبب الثبات اللي مش اد كده
4-التقفيل مش وحش
سيتي:متحسسكش انك راكب هوندا بمعني الهوندا يعني شخصيا مش بحبها لكن كموتور و اعتمادية كويسة
جين2:
1-شكل ثوري
2-توكيل مش وحش
3-ثبات ممتاز
4-تسارع و جري جامد 110 حصان و 1600 سي سي 148 نيوتن عزم
5-تقفيل مش وحش مع وجود بعض عيوب التقفيل اللي تم تداركها في الموديل الجديد
مقدرش احكم علي اعتماديتها دلوقتي لانها لسه ممشيتش بالقدر الكافي انا عن نفسي احكم عنها بعد 200 الف كيلو علي الاقل و بدون اي حاجة ما تتغير في العفشة و الموتور ميطلبش اي حاجة بس لحد دلوقتي كويسة
افيو كوريييييييييييييي و الكوري عايز معاملة لطيفة مش عايز حرت و شغل جامد و ده شيء معروف
الباراتي و البوينتر واحد في الاساسات و الميكانيزم و الات الجر و الشكل برضه مع اختلاف ان الباراتي ستيشن واسعة و حلوة و احسن من الكوري و اقل من الياباني هي برازيلي بعلامة فولكس و 1600 سي سي 94 حصان 140 نيوتن عزم و ثبات ممتاز قطع غيرا في التوكيل بس و نااااااااااااااار غالية جدا
لو مكانك و بختار من وسط دول كلهم هختار جين 2 و لو قدرت تعلي شوية هات كوردوبا الماني و عربية محترمة جدا جدا جدا
ممكن صاحب الموضوع يقولنا هيكون استخدامه ايه للعربية... عشان نعرف نرشح حاجة مناسبة
يعني الأغلبية سفر ولا جوا البلد... هيركب فيها ناس كتير و محتاج مساحة تخزينية ولا لأ؟ هاتش ولا سيدان؟