الموضوع: مؤشر البنزين بيخرف !!

شرط مؤشر البنزين عامله زى شرط شحن الموبايل

الشرطه الاولى تقعد اطول فتره وبعد كده كل ينقص ورا بعضه بسرعه

المشاركة الأصلية كتبت بواسطة dr_mohamed16

مشكله غريبة فعلا.
انا سعات تحصل معايا مشكله ابسط من كده..ان مثلا شرطه تفضل معايا كتير جدا متنزلش و الشرطه اللى بعدها الاقيها يا دوب يوم و تنزل ( مع تساوى تقريبا عدد الكيلومترات و الظروف ).
متابع باهتمام

هو الطبيعى والمنطقى ان الشرطة الاولى هيا الى تقعد اطول فترة وأعتقد انه بسبب ان ممكن الزور يكون فيه بنزين(3 الى 5 لتر ) والمؤشر بيدينا كمية لبنزين الى جوة التنك بس . ده طبعا لو افترضنا ثبات الظروف الى بنسوق فيها ليكن مثلا انك مسافر على طريق سريع وسرعتك من 90 الى 100 كيلو

لكن لو الشرطة الى بتستهلك بسرعة بعد اول شرطة (مع الحفاظ على الظروف كما ذكرت اعلاة) يبقى ده مش طبيعى او ممكن السرعة زادت قوى , دخلت منطقة زحمة , شغلت التكييف وانتا مونت قافلة قبلها , زودت وزن العربية ( حد ركب معاك) , وأخر حاجة العرامل الطبيعية حول العربية اتغيرت ( سرعة الهواء زادت أو بقت معاكسة للاتجاة العربية ) او طلعت مطلع او مكان فى الطريق اعلى نسبيا.

دى يمكن معظم الظروف الى تخلى اى شرطة باسنثناء الشرطة الاولى انها تستهلك اسرع من الى قبليها. لكن لو كل الظروف الى ذكرتها مطابقة تماما زى ما حضرتك بتقول يبقى أكيد فى حاجة مش منطقية بتحصل

وشكرا جزيلا على المشاركة والرد

المشاركة الأصلية كتبت بواسطة blackhorse123

شرط مؤشر البنزين عامله زى شرط شحن الموبايل

الشرطه الاولى تقعد اطول فتره وبعد كده كل ينقص ورا بعضه بسرعه

بالرغم ان الكلام ده فى الموبايل صعب تفسيرة على اساس علمى الا انى اتفق معاك فى تشابه فى العربية والسبب كمية البنزين الزيادة الى فى زور التنك الى بتخلى اول شرطة تستهلك بعد حرق من 8.5 الى 11 لتر بنزين (تنك اللوجان 50 لتر على 9 شرط فى المؤشر يعنى الشرطة بتمثل حوالى 5.5 لتر لو وزدنا كمية البنزين الى فى الزور 3 : 5 لتر تقريبا يبقى الشرطة الاولة تنزل بعد 8.5 الى 11 لتر) وده يخلى العربية تقطع مسافة قدرها 121 الى 157 كيلو متر على اساس معدل استهلاك 7 اتر/ 100 كيلو

وعلى فكرة لو مسافر على طريق سريع ومتوسط سرعتك حوالى 90 كيلو ومعكش حمولة كبيرة هيكون معدل الاستهلاك اقل من المعدل الى انا كاتبة فوق ممكن يوصل لحوالى 6 وشوية لكل 100 كيلو (يزيد او يقل شوية حسب عدة عوامل زى ضبط الهواء فى الكاوتش , وزن السيارة الاجمالى , طريقة تويزيع الاوزان/ الاشخاص بداخل السيارة, عوامل جوية مختلفة اهمها الرياح سرعتها واتجاها, طريقة السواقة ( رياضية ام هادئة) , ثبات سرعة السيارة.

فى حالتى انا كنت براعى ان الظروف تكون ثابتة قدر الامكان وده الى خلانى اسافر بيها واشوف النتيجة ولكن للاسف هصل الى كونت متوقعة ( مشيت حوالى 260 كيلو من غير ما اول شرطة تنزل) ود هاكد أحساسى ان فيه حاجة مش مظبوطة عندى

وشكرا على المشاركة والرد

افادكم الله من علمه شكرا لكم جميعا

المشاركة الأصلية كتبت بواسطة ahmedeg1

الخلاصه يا شباب ان تنك البنزين لما تفوله للزور بيعمل حوالى من 180 الى 200 كم على ما تنزل او شرطه و حوالى من 30 الى 40 كم لحد ما تنزل الشرطه التانيه
لكن لو فولت العربيه لحد اول تكه من مسدس البنزين هتلاقى العمليه طبيعيه و كل شرطه هتنزل على 4.5 لتتر تقريبا
يعنى الشرطتين حوالى 9 لتر

تمام أنا بيحصل معايا كدة بالظبط.

شكرا لكل من تجاوب فى الموضوع
لكن يوم الجمعة حصل حاجة غريبة تانية . نزلت افول العربية وكان المؤشر فى النص العربية اخدت 31 لتر وبعديها المسدس فصل لغاية هنا والامور طبيعية المهم كملت وقعدت ازود على ساس انى افول للزور لقيتها وصلت ل 41 لتر يعنى الزور أخد 10 لتر وده مستحيل طبعا وكمان انا بنفسى الى كونت بزود مش عامل البنزينة . يبقى ايه بقى ؟!!

حاجة من 2
1- العربية مؤشرها مش مضبوط (ده الى انا خايف منه) بمعنى انها لما المؤشر مدينى النصف لكن الواقع ان فيها 10 لتر بس مش 25 وبكده تكون التفويلة كملت التنك الى 50 لتر تقريبا

2-سكون فى حاجة زى تنك احتياطى او ماشبة هو الى اخد الكمية الزيادة دى

ملحوظة المرة الاخيرة دى كانت من بنزينة تانية غير اول مرة يعنى احساسى بيقولى انى انا الى عندى حاجة ملخبطة خصوصا انى عملت مشوار 260 كيلو والمؤشر منزلش ولا شرطة واحدة !!