وحوش الهيونداى عامه واسود الاكسيل خاصه

**amrelsha3er** · 25-05-2012 05:39 PM

المشاركة الأصلية كتبت بواسطة ahmedzizo131

بسم الله الرحمن الرحيم
المشكلة ان الموتور 1300 بيكون 4 غيار فقط ذى حالاتى
و سعرها لو كويسة من 27000 الى 30000

الف شكر احمد باشا كتر خيرك على مشاركتك ورايك:)
الواحد متردد بصراحه فالقرار ياما هحط القرشين فى مقدم واجيب زيرو وقسط وخلاص :s
هى تدبيسه وهيطلع عينى اقساط بس اعمل ايه مفيش حاجه كامله
العربيه فابريكه جوا وبرا استخدام حريمى عدادها 79الف ك فقط عشان كده موضوع شاددنى انما موضوع 1300 تعبنى برضو :s:s

**amrelsha3er** · 25-05-2012 05:39 PM

97الف كيلو اسف غلطه مطبعيه

**koshary** · 25-05-2012 10:30 PM

ياكبير خليك فى ال 1500 وياسلام لو تلاقى حاجة خليجى مثلا موديل 97 او 98 زى عربيتى تبقى زى الفل والاكسيل عربية جميله جدا ولو موتورها 1500 وحالتو حلوه والله تجرى و 170 و 180 مادام بتعمل صيانتك باستمرار ومعاك ميكانيكى محترم و تركبلها طقم جنوط محترم استيراد يبقا معاك ثبات حلو نصيحة خليك فى ال 1500 وشوف حاجة خليجى لانها بتفرق جامد كمان لما العربيه بتسخن بتلاقى صهد الموتور كلو داخل عليك فى الكابينة فى الخليجى لما تفك التابلوة فى عازل والتابلوة متقفل كويس بصراحة لما فكيت طابلوه عربيتى لقيت عوازل وحاجات كتير كدا كان متقفل احسن من المصرى بكتير وال 1500 تكيف وازاز كهربا وموتور اقوى ويجرى معاك و 5 غيار وفتح الشنطه والتانك من جوة هتلاقى شكل التابلوة اشيك لان التكيف بكر والعداد شكلو احسن لان فيه ار بى ام فرق عن ال 1300 بكتيييير .....

**amrelsha3er** · 26-05-2012 09:45 PM

كشرى باشا تسلم على الرد الموجز المفيد ده
ربنا يديك خير عربيتك دايما ويكفيك شرها ويوقعنى فى واحده خليجى نضيييييييييفه اهم حاجه عشان متعبش مع الميكانيكيه
شكر باشا على ردك ووقتك:)

**koshary** · 26-05-2012 11:40 PM

المشاركة الأصلية كتبت بواسطة amrelsha3er

كشرى باشا تسلم على الرد الموجز المفيد ده
ربنا يديك خير عربيتك دايما ويكفيك شرها ويوقعنى فى واحده خليجى نضيييييييييفه اهم حاجه عشان متعبش مع الميكانيكيه
شكر باشا على ردك ووقتك:)

ياباشا احنا كلنا هنا اصدقاء وبنساعد بعض بس نصيحة منى متتسرعش فى الشراؤ وشوف عربية حالتها حلوة