مساء الفل يا شباب
قدامى عربيه نوبيرا و عايز اخد رايكم
هى موديل 2002 فبريكا دواخل و رشه الخارج كله - اتوماتيك - عامله 130000 كيلو
اتمنى منكم النصيحه
هل السعر مناسب ؟
مساء الفل يا شباب
قدامى عربيه نوبيرا و عايز اخد رايكم
هى موديل 2002 فبريكا دواخل و رشه الخارج كله - اتوماتيك - عامله 130000 كيلو
اتمنى منكم النصيحه
هل السعر مناسب ؟
على كام؟
هو السعر ممكن ينزل شويتين كده .... و اكشف على العربية كويس و حطها على كمبيوتر واعرف مصاريفها ايه ..وكل ما صرفت على كشف العربية افيد ليك بعد كده عشان لو فيها مشكلة تظهرلك من الاول ولو حاجة بسيطة تساعدك فى مفاوضاتك عشان تنزل سعرها
46/47 كويس
اعتقد ان مناسب ليها من 45 ل 47 و هى وحالتها .... وللأسف مواضيع الاسعار السيارات فى مصر مالهاش مقياس يعنى مع احترامى الانوس 1 لسه لحد دلوقتى ماسكة رينج 40 على الرغم ان العربية قديمة ومشيت كتير الا ان الطلب عليها فى السوق كتير بسبب سمعتها وتقفيلها الكويس وعشان كده مش لازم حتشترى بالرينج اللى حد حيقولهولك لأن للأسف السوق عندنا ما بيخضعش لقواعد المنطق فى الاسعار
السعر عالى اوى
العربية رشة برة بالكامل يعنى رشة سقف
و كمان اوتوماتك
MMamdouh
و بعدين كلمه و كمان اتوماتيك دى مش مريحانى :)
هى اتوماتيك النوبيرا المفروض ارخص من المانيوال ؟
44000
لو مفهاش شغل حالة تحسد عليها ههههههه
بلاش منها اتوماتيك بجد فتيسها تعباااااان جدا و هيتعبك و مش هيسعفك ف التجميع السريع و مع سخونه العربيه الفتيس مبيسحبش و بتبقى حالتها كرب
اهو انا كان نفسى ابقى فى القاهرة بسبب الأسعار دى فعلا القاهرة اسعارها اقل من اسكندريه
و لو مكانش المرور مخلى النمر الجديدة مبتتنقلش كنت اشترتها و غيرتها
اسكندريه زود الفين تلاتة
انا مش فارق معايا اوى موضوع السحب ده على اد ما فارق معايا انى اكون مرتاح
واللى مخلينى راضى بالنوبيرا بالعيب ده (داخل على جواز بقى و عايز حاجه قطع غيارها فى الحنين :dzey:)
الف شكر
انا راي المانيوال افضل
اتوماتيك قديم ابعد عنة
هتصرف علية كتير
على فكرة موضوع الفتيس و تخويف الاخوة ليك منه مش مقياس على فكرة انا جبت من 3 سنين نوبيرا 2002 اتوماتيك كانت عاملة 98 الف كيلو بالتمام و الكمال
العربية متصرفش عليها غير بنزين و زيت و طبعا الحاجات المستهلكة زى تيل الفرامل و كده
انا بعتها اول السنة دى و كان قلبى بيتقطع عليها و انا ببيعها اصلا :)
موضوع الفتيس ده مالوش اى اساس من الصحة تجميعه حلو على فكرة و العربية فايقة هى اه مش زى المانيوال طبعا
بس تجميعه للسرعات و استجابته للنقلات كويس جدا جدا جدا لو متأكد من حالة فتيس العربية اللى ناوى عليها اتوكل على الله و متخافش على ضمانتى
الف شكر لكل من ساعدنى و لكن العربيه طلع فيها عتب داخلى واكلاها البرومه و عايزة اسكترا و اويل سيلات جيربوكس و مقصين و كاوتشات الشداد و قولتله لو كده يبقى اخرها 42000 و طبعا هو مرديش ف خيرها ف غيرها ان شاء الله