الموضوع: لماذا الصراع مع تايمر إشارة المرور ؟؟؟!!!!!

لابد أنك تلمحه يوميا من بعيد وهو يتسارع :
08
07
06
تشعر بشئ من التمرد في داخلك ...
لوهلة تحاول تجاهل الأمر والتوقف عن الدخول في هذا الصراع وتؤكد لنفسك سذاجة الأمر ...
لكن التايمر لايتوقف ولايتجاهلك ...
تنظر إلي التايمر بعناد ... هذا العناد الذي طالما غير تاريخ الشعوب ... لقد أصبح الأمر تحدي ...
إنك لن ترضي بما يفرضة عليك هذا المؤقت ...
لن يسمح لك قلبك الشاب بذلك ... وها قد عرف قلبك ماعليه فعله ... وقد بدأ بعمله بالفعل ...
تزايدت ضربات قلبك ... الدماء تتدفق ف العروق كالشلال ...
حتي قدمك لم تنتظر تأكيد الأمر وسحقت دواسة الوقود ...
البقية تعرفونها ...

لكن مهلا أيها المغامر ... فأنت تقود وسط المدنية ...هذا ليس مؤقت حلبة الفورميلا ...
وسوف تدفع الثمن لتغاضيك عن ذلك ...


وده اللي حصل معايا بالفعل ... مع أن الخسائر لم تكن جسيمة الحمدلله ...

القصة بدأت لما كنت ماشي أول إمبارح بليل ف شارع يكاد يكون فاضي تقريبا من المارة والسيارات ...
عند أقرب تقاطع لمحت تايمر الإشارة بيقل ...
كنت ماشي ببطء بالغ مش ورايا حاجة ...
زودت سنة بنزين كده (( خليك فاكر إن أنا مش ورايا حاجة )) كنت عارف إني مش محتاج أكبس أوي وأني هلحق الإشارة بسهولة من غير حرق ..
يبدو أن الحركة دي سخنت عربية تويوتا كان ورايا وكان ماشي علي مهله بردو ..
لقيت المعلم ده حرق وجه جنبي من علي الشمال ثانيتين كده وبعدين طلع مني ...
ثانيتين فقط لكنه كان بيوضح وجهه نظره ف فروق أزمنة التسارع ... مع إني مكنتش حارق أصلا ...

ماحطتش ف دماغي ومازودتش بنزين لأن الوقت كان يسمح إني أعدي من غير ماأحرق ...
(( كلام ف سركو ... ف دماغي طبعا بس عارف إني هتقطع حتي لو حرقت هههههههههههههههههههههه ))

المهم بعد لما طلع مني رجع لنفس حارتي _ مش عارف ليه _ بس قدامي بفرق عربية تقريبا ...
قبل الإشارة ماتقفل ب 4 ثواني تجلت لصاحب التويوتا فكرة مبهجة ...
أنا طول عمري دايما بقول أن الأفكار المبهجة دي هي اللي بتغير تاريخ الشعوب
البيه قرر أنه يقف وبدأ بالتنفيذ فعلا ... نور الإستوب وفرامل حتي أن العربية زحفت منه حبه حلوين ... ....
>>>>
>>>
>>
>
هكملكم الباقي بكره ان شاء الله عشان تعبت من الكتابة ...
لحد ماأكمل بلاش الصراع مع تايمر الإشارة ...
صدقني مش هتعدي من الإشارة علي دنيا أجمل ... هي نفس الدنيا ونفس الناس ونفس الشارع
.