الموضوع: خريج هندسة قسم كمبيوتر او اتصالات .... مطلوب منه ايه علشان يبقى جاهز يشتغل

المشاركة الأصلية كتبت بواسطة معاذ الشرباصى

السلام عليكم

دلوقت انا ابن خالتى خلص السنة دى بكالريوس هندسة, قسم هندسة كمبيوتر

الغريب فى الموضوع ان عندهم فى المعهد اللى كان فيه (المعهد العالى للتكنولوجيا بالعاشر من رمضان) النظام هو الساعات المعتمدة

هو قالى انه واخد مواد اتصالات اكتر من مواد كمبيوتر, لكن الشهادة هتطلع على انه كمبيوتر

السؤال: هو مطلوب منه ياخد كورسات ايه, او خلافه علشان يبقى مؤهل انه يدخل سوق العمل؟

انا نصحته انه بدل اما يشتغل فى اى مكان, ياخد الحاجات المهمة, بحيث ميضيعش وقته و مجهوده فى شغلانة اى كلام, مش هتضيف لخبريته و ممكن تأخر له موضوع الكورسات المختلفة

خليه يمشي في الاتنين مع بعض يا معاذ و ما يضيعش فرصة شغل ممكن يستفاد منها أي حاجة و لو حتى يبقى مكتوت في السي في بتاعته انه كان بيشتغل في الفترة اللي كان فيها في الشركة دي مش عمال ياخد كورسات و خلاص، و عموما الشغل بيدي احتكاك بالناس على أرض الواقع و بالسوق و مش مشكلة انه يلطش شوية في أول كارييره بس المهم انه يتعلم من فترة التلطيش دي و يبدأ يستقر على كاريير ليه.

أما ياخد كورسات ايه فده على حسب هو عايز ايه.. عايز يتخصص في ايه في الكمبيوتر، يعني مثلا فيه شهادات معتمدة من ميكروسوفت زي ال MCSE و غيرها بس لكل شهادة تخصص. عموما يا ريت حد من اللي بيشتغلوا في المجال ده او خريجي كمبيوتر ساينس يقول لنا هو عمل ايه أول ما اتخرج و يقدر ينصحه.

انت بتقول انو واخد مواد اتصالات

يبقى لازم يختار الكارير اللى هو ميال ليه

لو هو ميال لل NETWORK يبقى عندو حاجة من الاتنين

1- MCSE ودى طويلة اوى و محتاجة مجهود و صبر (المراكز المعتمدة بتاخدها فى 9 شهور)وفى كروته فى 5-6 شهور

2- CCNA ودة كبداية كويس جدا ليه كورس بسيط الى حد ما( دة لو واخد computer basic كويس

المشاركة الأصلية كتبت بواسطة Mostafa

لو يقدر يدخل Iti وده مده الدراسه فيه 9 شهور
لكن بعدها اضمن لك انه ان شاء الله يكون جاهز انه يشتغل فى احسن اماكن فى مصر .. خاصه ان بالنسبه لكليته الحاليه Iti هيكون مفيد جدا بالنسباله

كلام مظبوط.. هو بس عايز صبر و مثابرة كتير و تفرغ.