الموضوع: ارجو المساعدة و الرد

السادة الافاضل اعضاء مجتمع بيجو الكرام
اولا احب احييكم جميعا على الروح و المودة دى الحقيقة انا لفيت المنتدى حتة حتة ما لقتش حد بيعتز بعربية و يقعد يشكر فيها زى مجموعة البيجو و الاوبل و اللادا ( عربيتى طبعا ) مع اختلاف مستوى المقارنة
الحقيقة انا اليومين دول بابيع عربيتى اللادا و عاوز اجيب حاجة تانية بصراحة كان نفسى فى فكترا او بيجو 406 بس دول اعلى من امكانياتى المادية حاليا فقلت اتوكل على الله و اجيب 405 او تمبرا ( ما تستغربوش ) اكيد انا طبعا عاشق للبيجو بس قبل ما اقرر محتاج اسال عن شوية حاجات كده لو فيها ثقالة ( اكيد فيها قول و خلصنا بقى ايه ده )
1- ايهما افضل 405 1600 سى سى ام 2000 سى سى
2- معدل استهلاك البنزين فى كل منهما ؟ ( اصل انا تقريبا بانام فى العربية )
3- هل قطع الغيار متوفرة ؟ و هل هى معمرة ؟؟
4- الصيانة ؟ بامانة كده كل الناس مخوفينى منها و بيقولوا ان اللى بيفهم فيها قليل جدااااااااااا
5- قدامى واحدة 97 بس الموتور مشروخ و ملحوم ؟؟؟ ما اعرفش ازاى و ما شفتهاش بس ده اللى سمعته عاوز اعرف لو عاوز اخدها و اسقطلها موتور هى تسعيرها ايه ؟ و الموتور كله بمصنعيته و تركييه يعمل كام ؟؟ و اخدها اساسا و لا ..........؟؟

اخيرا شكرا لسعة صدركم و اجابة للسؤال ايه اللى جاب البيجو و الفيات اقولكم السوق المصرى يا باشا اللى خلى مصر كلها تشتغل فى الفيات و تسيب بقية العربيات و اكيد طبعا انتوا برضه عارفين ان التمبرا ممتازة
بس البيجو بيجوووووووووووو و نفسى فى حتة نضيفة

اهم حاجه الاساسيات ( الشاسيه والكابينه +حوض الموتور + الشنطه + القوايم ) هم دول اللي يخلوك تبدأ تفكر في اي عربيه لما يعجبوك