اية رايكو فى الموضوع دة بس انا عاوز اعرف فعلن فى فى الكارنز نتشة كدة زى فى الكورلا انا سمعت بس مجربتهاش و هى احسن ولا المنيوال بس بردو يهمنى اعرف راى الاغلبية
عرض للطباعة
اية رايكو فى الموضوع دة بس انا عاوز اعرف فعلن فى فى الكارنز نتشة كدة زى فى الكورلا انا سمعت بس مجربتهاش و هى احسن ولا المنيوال بس بردو يهمنى اعرف راى الاغلبية
لأ طبعا، حد يبقى راكب ياباني ويركب كوري، وكمان كورولا !!!!!!، بس هي الكورولا كانت موديل كام ؟؟؟؟؟؟
كنت متوقع ان اول رد هيكون على موضوع يابانى ولا كورى .. الكورلا موديل 2009 اللى فيها mmt
كورولا .. يبقي قشقاي .. اعتقد ده التطور الطبيعي :)
........
تم حذف الرد بناء على طلب العضو
الساعه 2:58
التاريخ 25/5/2012
مشرف ب 1
طاب ليه حضرتك عايز تبيع الكورولا ؟؟؟
رجااء الرد للنصيحة
فعلا شوف النيسان
لكن الكوري !! معرفش
يا جماعه الراجل داخل يشوف الرد ما بين الكورلا وكارنز
بص يا باشا مفيش حاجه اسمها تنزل من ياباني تركب كوري الموضوع كله ارتياح نفسي حضرتك شايف ان الكارنز ممكن تكون عملية بالنسبالك اكتر من الكورلا تمام غير كدا متغيرش
ومن المعروف ان الياباني افضل من الكوري بس في حاجه اسمها الاستخدام الشخصي
الكورى ضارب الياباني تماما واي كلام تاني تعصب أعمى
يا ريت يا جماعة كل اصحاب الكارنز يقولو اية رائيهم فيها و شايفين اية عيوبها و صيانتها عاملة اية معمرة و عمرها مش كبير كل حاجة عايز اعرفها عن الكارنز عايز ابقى كانى من ملاكها من قبل ماجبها
الكارينز معظم ملاكها بيشكروا فيها توكل على الله
فى حلول كتيره
1- تخلى الكرولا وتغير جيرها بأوتوماتيك عادى
2- الكارينز كل اصحابها بيشكرو فيها فعلا بس اعرف انها بتستهلك بنزين شويه زياده وبعضهم قال عفشتها موش ناعمه
3- القاشقاى عربيه جميله جدا وابشن عالى بس طبعا سعر اعادة البيع سئ وقطع غيار غاليه
4- الاسبرتاج عربيه حلوة بس غاليه وقطع غيارها برضه نار
الكارينز فتيسها أوتوماتيك عادى (Planetary-Gears أو غوايش وكلتشات)، بمحول عزم Torque-Converter.. مفيهوش دبرياج.
طبعا مش هتحس بالنقلات زى فتيس الكورولا الـMMT،
لأن فتيس الكورولا مانيوال بدبرياج كهرباء وكنترول Module.. الكمبيوتر هو اللى بيدوسلك دبرياج وينقلك الغيار؟؟!!! :cool:
أكيد فتيس الكارينز أنعم، بس أقل فـ التسارع.. وأعلى فـ استهلاك البنزين،
وأكيد فتيس الكورولا بينتش (بتحس بالنقلات خصوصا بين 1st-2nd والى حد ما 2nd-3rd وبعد كده بتقل)..؟!! :go:
لكنه أسرع (كتسارع للعربية overall لو قارنت نفس العربية بس بالفتيسين مختلفين).. وأقل استهلاكا للوقود.. :bill:
رأيى: خليك فـ الكورولا، أصل انت مش هتنزل منها تركب هوندا ولا ألمانى يعنى (عشان تحس بالتغيير للأعلى)..!! :cool:
بص حضرتك خللى بالك الكارينز هينزل منها جيل جديد فى ٢٠١٣ مختلف فى الشكل كليا. انا مع الرأى ان حضرتك تنقل لفئه اعلى علشان تحس بفرق النقله دى. يعنى هى الكارينز حلوة و كل حاجه بس انت راكب قبلها كورولا فممكن تحس انك نزلت او على الاقل ما طلعتش لحاجه احسن مع النقله دى
سبحان الله هو القشقاي بقا ليها سوق في المستعمل عشان يبقا واقع سواء هي او السبورتج
انا مشفتش غير اعلان واحد لقشقاي مانوال وكانت على 155 وهي جديدة ب 160 وده مش حكم
بالنسبة لقطع الغيار قهي بالنسبة للفئة دي مناسبة لكن احنا بنقارن دايما باسعار الاستيراد اللي هي مش موجودة لسه بسبب عدم الانتشار
فورميوليتور دا برنس والله أنت دارس ميكانيكا ؟ ولا انت مهندس ميكانيكا ؟ ولا هاوى جدا ؟ وبالنسبة لى أفضل كورولا لأنها سيدان وانا مش بحب فئة الكارينز الكروس أوفر ولأن الكورولا زى ما قال العضو فورميوليتور انها MMt بس متهيقلى مش كلها نازلة بالفتيس دا والله أعلم أما حكاية اليابانى دى مش فارقة بالنسبة لى لأنى بعتبر اليابانى والكورى فى العربيات واحد ومفيش فرق غير فى التصميمات مش أكتر بإستثناء هوندا سيفيك ومازدا
نزلة من ياباني لكوري رخمة ... بلاش
طالما سوقت ياباني عمرك ما حتقتنع بأقل منه
الكوري مش عربيات وحشة .. بس حتحس بفرق و انت سايق ...
خليك ياباني زي ما انت
مالها الألنترا ؟ ركوبة عن اللانسر والكورولا دى بس أوهام مش أكتر
التويوتا اسم تقيل في عالم السيارات .. ياريت تدقق كويس قبل اتخاذ القرار
لو هتستحمل سحب اضعف وتكييف اقل مقابل وسع ملحوظ يبقى اتفضل انتقل للكارينز
لو السحب والتكييف الثلاجة عندك اهم من الوسع ورحابة الصالون خليك في الكورولا
والله اعلم
تكييف الكارينز اقوي بمراحل من الكورولا لأنة مصمم لعربية 7 راكب mpv
انا ركبت الكرولا اليابانى 2011 ما شاء الله عليها اتوهمت وهى احسن من الكارينز
أي عربية لها مميزاتها و لها عيوبها..............لو أن في مصر خيار البيع بشرط التجربة........بمعني أن يوافق البائع على استخدام السيارة و لو لمدة اسبوع قبل اتخاذ قرار الشراء لكان الأمر سهل
بصراحة أول مرة اسمع بالحكاية دي الله اعلم
بس انا اعرف ان الكارينز في مصر الـ 1600 5 راكب
وكمان اسمع ان تكييفها هو هو بتاع السيراتو وطبعا دي 5 راكب
وكمان جربته وجلست يمكن 4 مرات في الظهر وماكنش بقوة الكورولا
اعتقد تكييف التويوتا مشهود له زي النيسان وبعدهم يمكن الهيونداى قبل الكيا
وده مش تقليل من تكييف الكيا انا بالاقيه مناسب في السيراتو
ربما اكون مخطئ بس حبيت اقول رأيي
دي شهادة تخليني اغير فكرتي عن تكييف الكارينز خاصة انها من واحد له كتابات متميزة في المنتدى
ان تجربتي كانت محدودة غير تجربة صاحب العربية
صحيح انا جديد فيه لكني تصفحت مواضيع كثيرة في هذا المنتدى الذي اجده متميزا
واجد نفسي تأخرت في دخوله رغم اهتمامي بالعربيات عموما
امسية سعيدة للجميع
يافندم احنا فى الخدمة :))))