مشاكل غريبه مع f3 ارجو المساعده

**pcaccess** · 25-05-2012 02:21 PM

اعزائى

من كام يوم لقيت لمبة فرامل اليد ولمبة الاى بى اس مع اللمبة البرتقالى (بيقولو عليها الانجيكشن) لقيتهم عمالين ينورو ويطفو

شويه لقيتهم طفو والعربيه فضلت شغاله كويس لمدة يوم
تانى يوم دورت العربيه وجيت اطلع لقيت لما بدوس بنزين الار بي ام مش بيعدى 1500 ومش بتسحب خالص

طفيت وشغلت كذا مره ولما فتحت التكييف لقيتها بتسحب عادى وشغاله كويس ولمبة الانجكشن منوره

رحت مشوارى وركنت العربيه ساعتين تلاته ودورت لقتيها شغالة زى الفل
كنت بوصل واحد صاحبى وشغلت الانتظار وقعدنا نتكلم شوية ... فجأه لقيت الانتظار بيشتغل بسرعه جدا بطريقه تحسسك ان فيه مشكله

رحت مبطل العربيه لما نخلص كلام ... جيت ادورها سمعت صوت الطقطقه اللى بيطلع لما تكون البطاريه نايمه مع ان البطاريه جديده بقالها اربع شهور تقريبا
فتحت الكبوت وحاولت اهز الفيوزات واثبت الوصلات ونفس المشكله بس زادت ولمبات التابلوه كلها تقريبا بقت منوره ... من هنا لهنا زقينا العربيه ودارت ... بس صوت الموتور عالى وعماله تقطع والعدادات كلها نزلت واللمبات منوره ضعيف جدا

الكالاكس والنور مش شغال زى ما يكون فيه قفله والفلاشر برضو مش قادر يقوم ... حمدت ربنا انى عرفت اوصل واركنها بالعافيه بس كانت كما لو كنت ماشى على اتنين بستم مثلا والعربيه عاليه والموتور بيتهز

العربيه معايا بقالها تقريبا اربع سنين ما عملتش حاجة وحشه معايا ... بس مش فاهم فى ايه

ارجو الافاده يا جماعه ولو فيه حاجه ينفع ابص عليها بنفسى ... انا ليا فى الالكترونيات كويس وبفهم معقول فى الميكانيكا

**abaza2107** · 25-05-2012 02:43 PM

هيا العربيه عامله كام كيلو
ارجو عدم اللعب في شيئ و الذهاب فورا الى مركز الخدمه للكشف عليها بالجهاز الالكتروني لديهم
لتحديد المشكله وان شاء الله تكون بسيطه وابقا طمنا

**pcaccess** · 25-05-2012 02:58 PM

العربيه عامله حوالى 35 الف كيلو ولسه عامل الصيانه من حوالى شهر

**lonedoctor** · 25-05-2012 03:14 PM

شكلها لخبطة ضفيرة (قافلة او تلميس غلط) او لخبطة كمبيوتر
انا رايي شيل الكابل الموجب ر بع ساعة وبعدين ركبه ده هيعمل ريستارت للكمبيوتر وشوف لو لسة المشلكة يبقى لازم التوكيل او كهربائى تثق فيه
تقبل تحياتى

**pcaccess** · 25-05-2012 03:30 PM

اشكركم على الردود يا جماعة
انا عمال اقرا عن اللمبات اللى كانت منوره
لقيت ان لمبة الانجيكشن زى ما بيسموها هى اسمها لمبة الموتور وانها بتنور لما يكون فيه مشكله عامه فى العربيه وانى لازم افحص بسرعه اول ما اشوفها لان ممكن تبقى مشكله سهله او مشكله كبيره او ممكن تكبر :( شكلها بقت كبيره عندى

ححاول اعمل ريسيت بأنى افصل البطاريه واشوف ايه اللى حيحصل ..

حد يعرف كهربائى كويس او ميكانيكى حوالين منطقة الحدايق والمطرية؟
انا خايف اسوق العربيه لغاية التوكيل الموضوع شكله بيزداد سوء

**lonedoctor** · 25-05-2012 03:41 PM

خلى بالك لازم الكابل الموجب وليس السالب

**pcaccess** · 26-05-2012 01:17 AM

نزلت فصلت البطاريه وسبتها فتره وبعد كده وصلت تانى ودورت العربيه
اشتغلت زى الحلاوه وكل حاجة كانت تمام

سبتها دايره وبعد شويه حوالى عشر دقايق .. العفريت رجع تانى -- العدادات قعدت تنزل وتطلع مع بعض وشوية لمبات نورت فى التابلوه

رحت طافيها وفصلت البطاريه وقلت على الصبح ممكن ادورها وربنا يستر واقدر اوصل للتوكيل او كهربائى كويس

**Emad Habib** · 26-05-2012 04:49 PM

الاستاذ الفاضل

يمكن سيادتك الاتصال بمركز خدمه الشرابيه بغمره وهو قريب جدا من عنوانك وعنوانه شارع مصنع الصابون بجوار قسم شرطه الشرابيه القديم بشارع شركات البترول غمره ناحيه الشرابيه ويمكنك الذهاب من شارع بور سعيد
ت: 22364156 - 01227456500

**pcaccess** · 27-05-2012 07:38 PM

سحبت العربية ووديتها لمركز بى واى دى فى الشرابيه
شرحتلهم اللى بيحصل بس واضح انهم مش بيحبو يسمعو حد
سبتهالهم وقعدت فى الاستراحه
جه الراجل وقالى ده عيب دينامو قلتله مش ممكن عشان العربيه لو فصلت البطاريه شوية ورجعت شغلت العربية بتشتغل عادى وحلو جدا

قالى هما متأكدين قلتله لو طلع مش الدينامو ترجعولى القديم بتاعى قالى ايوه حنرجع القديم بتاعك
فقلتله خلاص غير الدينامو (سعره 800 جنيه ومصنعيه 100 جنيه وضريبه 80 جنيه)

بكره حروح اشوف ايه الاخبار وانا حاطط ايدى على قلبى لأنى اكاد اكون متأكد انه مش الدينامو
وربنا يستر

وحقولكو على التطورات ان شاء الله

**mezof3** · 27-05-2012 11:13 PM

-------
وقف نهائى للتعدد العضويات
م .ع.4

الموضوع: مشاكل غريبه مع f3 ارجو المساعده

LinkBack

أدوات الموضوع

عرض

-

-

-

-

المواضيع المتشابهه

مشاكل غريبه جدا

مشاكل غريبه جدا معايا

مشاكل بسيطه معي في كورولا 2010 - ارجو المساعده

مشاكل غريبه بسيارتي

مشاكل غريبه

الكلمات الدلالية لهذا الموضوع

المفضلات

المفضلات

ضوابط المشاركة