صفة لانسر 1300 الخليجية

**Dr Ahmed** · 19-06-2007 12:49 AM

ربما يهم البعض معرفة مواصفات لانسر 1300 مانيوال الخليجية

الطول الكلى: 4 م و54 سم.
الارتفاع عن الارض: 16 ونصف سم.
الارتفاع الكلى: 144 ونصف سم.

السرعة القصوى (نظريا) للمانيوال 175 كم /س (165 للأوتوماتيك 1300).
العرض الكلى: 169 سم ونصف.

وزن السيارة: مع جميع التجهيزات: مانيوال: 1149 كجم .........................المصرية وزنها 1136 كجم

المحرك (خليجى ومصرى): 1299 سى سى نسبة الانضغاط 9 ونصف.
قدرة الخرج القصوى: الخليجى 90 حصان عند 6000 لفة، المصرى 87 حصان.

كمية الزيت فى المحرك: 3 لتر ، الفلتر تلت لتر.

كماليات فى السيارة:
تكييف وباور زيت.
راديو سى دى ماركة كين وود يابانى (اوديو فقط).
سنتر لوك مع مفتاح بالريموت.
إموبليزر (السيارة لا تدور إلا بالمفتاح الأصلى).
تنبيه عند نسيان المفاتيح بالسيارة أو عند نسيان مصابيح الاشارة او الأبواب.
زجاج ومرايات كهرباء.
إير باج بالدركسيون.
التحكم فى شدة اضاءة التابلوه.
طفاية حريق مثبتة.
مثلث التنبيه.
شنطة اسعافات أولية.
شنطة عدة بها العديد من المفاتيح ومقياس ضغط هواء الإطارات.
الفانوس الخلفى كريستال.
يمكن تعديل وضع الدركسيون وارتفاع كرسى السائق.

الفرش قماش والأرضية موكيت.

بعض الاختلافات الأخرى بين الموديل الخليجى و الموديل المصرى:
الخليجى:
الكنبة الخلفية غير قابلة للطى.
لا يوجد سماعات خلفية.
لا يوجد كونسول خلفى.
توجد علبة مكان الكونسول الأمامى.
لا يوجد عتب تحت الأبواب.
الأكر والمرايات سوداء مهما كان لون السيارة.
الإريال فوق الظهر فى منتصف الخلف ويمكن فكه.

البنزين: بكل تأكيد: 90 فما أعلى

**fahd_628** · 19-06-2007 01:28 AM

شكرا على الموضوع الجامد دة

**أبوسيف** · 19-06-2007 01:57 AM

وسعرها كام دى يا دكتور وهل ليها ضمان ولا لأ ، وياريت كمان لو تقولنا سعر ال 1600 مانيوال منها بكام

**Dr Ahmed** · 19-06-2007 02:12 AM

الخليجى الكاملة مانيول سعرها بين 84 و 85500
ويوجد من يبيعها بالضمان وغيره من غير ضمان
وهى بفضل الله لا تحتاج ضمان

سعر ال 1600 على منا فاكر 92 وهتأكد

**أبوسيف** · 19-06-2007 02:24 AM

ألف شكر يا دكتور ، انا بصراحة بفكر أجيب ال 1600 مانيوال بس بصراحة إشاعة البنزين مخوفانى ، ومش عارف اذا كانت صح ولا لأ. يا ترا عندك اى معلومات عن الموضوع ده

**Sharky** · 19-06-2007 09:15 AM

المشاركة الأصلية كتبت بواسطة Dr Ahmed

الخليجى الكاملة مانيول سعرها بين 84 و 85500
ويوجد من يبيعها بالضمان وغيره من غير ضمان
وهى بفضل الله لا تحتاج ضمان

سعر ال 1600 على منا فاكر 92 وهتأكد

السلام عليكم

أنا قرأت فى الجرايد يا دكتور إن فيه منها 1300 بيتباع بـ78500.00 جم هل دا صحيح ؟

**Dr Ahmed** · 19-06-2007 09:25 AM

أيوه فيه لكن نادرة ومن غير أى كماليات (غير الباور والتكييف)...

والحقيقة لانسر بالذات فيه استهبال ونصب فى "جر رجل الزبون" يعنى اعلان زى ده وتروح يقولك خلصت واللى موجود ب 85 الف...
معرض تانى يكتب : جميع الكماليات 81000 وتروح يقولك بس لازم تأمن عليها ب 2000 جنيه وتاخدها قسط... وهكذا

السعر العام للكاملة هو ما ذكرته ولا يقل مهما حدث.

**هشام السمالوطى** · 19-06-2007 10:34 AM

انا معايا لانسر مانيوال 1600 خليجى منذ 15 شهر
اول ما جبتها سالت على البنزين عند اهل الخبره و كان الرد عودها على ال90
و فعلا حطيت 90 لا سقفت و لا برجلت ولا حصل حاجه
اتكل على الله بس الصراحه انا غيرت الى 92 من شهرين نزاهه بس

**هشام السمالوطى** · 19-06-2007 10:51 AM

بفكر أجيب ال 1600 مانيوال بس بصراحة إشاعة البنزين مخوفانى

ده احسن اختيار يا ابو سيف و هاتها من الرواس ده احسن واحد بيبيع خليجى و مراكز الصيانه بياعته موجوده و مضمونه
و متنساش انه كان و كيلها فى الاول
و الكنب بيتفتح و فيه سماعات و كنسول خلفى مش زى ال1300

**nader makram** · 19-06-2007 10:54 AM

ليا تعديل ان المرايات والأوكر بنفس لون العربية والكاسيت سى دى mp3

الموضوع: صفة لانسر 1300 الخليجية

LinkBack

أدوات الموضوع

عرض

صفة لانسر 1300 الخليجية - انشر الموضوع فى :

-

-

-

-

-

المواضيع المتشابهه

انهى احسن تويوتا ياريس 1300 و لا لانسر 1300

اشترى هوندا سيتى 1300 وللا لانسر 1300

مقارنة بين لانسر 1300 و هوندا سيتي 1300

لانسر 2008 الشكل الجديد ! أخيرا فى مصر ( الخليجية ) # تحفة !

لانسر 1300 ولا هوندا سيتي 1300 ولا سيريون1300

الكلمات الدلالية لهذا الموضوع

المفضلات

المفضلات

ضوابط المشاركة