نصائحكم لما بعد الليزك

**Karim_Monir** · 25-05-2012 06:44 PM

السلام عليكم ورحمه الله
ربنا كرمني وبعد استخارات كتير عملت ليزك امس
عملت اول عين والتانية غدا ان شاء الله
طبعا زغاليل الزغاليل عايشة حياتها في عيني وحرقان واكلان في العين
واللي مزود الزغللة اني شيلت عدسة العين اللي اتعملت والعين التانية لسه العدسة في النضارة
عايز ادعك في عيني بغباوة خاصة مع وجود العدسة الصلبة اللي هاتتشال بكرة
لدرجة اني كتفت ايدي وانا نايم بجد مش هزار لاني دعكتها وانا نايم وقمت منطور ليحصل حاجة
هل من نصائح لتقليل الزغللة
وطبعا مش قادر اقولكم مش عارف اعمل حاجة خالص
لا موبايل ولا تي في ولا منتي ولا موقع ولا حتي نشاطي كادمن لصفحة الفيس بوك بتاعتنا
حتى القراية مفيشوماليش في الراديو
انا سرقت الموبيال بكتب بيه بس بحسس
والاسوء اني هاعيش القصة تاني في اليعن التانية من بكرة
معلش على الاخطاء اللغوية شايف العين غين :-)

**megamoudy** · 25-05-2012 06:51 PM

الزغلله مش هتروح اصلا الا بعد فترة من العملية .... ملوش لازمة فعلا القعدة ادام الجهاز

لان الليزك برده عبارة عن جراحة ف الاخر .... لأن جزء من القرنية بيتفتح وبيتحفر بالليزر من السطح الداخلي للقرنية

عشان كده اكيد في زغلله ووجع

الراحة احسن

**shakshak2011** · 25-05-2012 07:49 PM

ألف مليون مبروك .. أنا سبقتك من سنتين و الحمد لله كل حاجه بقت تمام .. أهم حاجه متدعكش فى عينك نهااااااااااااااائى علشان الفلابه المقطوعه من العين تلحم بسرعه و بدون مشاكل ..

كنت أتمنى إنك تعمل العينين فى وقت واحد و تخلص .. بس الحمد لله على كل شىء

نصائحى ليك ..

بلاش تعرض العين لضوء جامد .. و لو هتستخدم الموبايل .. قلل الأضائه جداً .. و ياريت بلاشه أحسن أول كام يوم
إلبس نظارة شمس و إنت فى البيت أول 3 أيام و أكيد إبتعد عن الشارع أول أسبوع على قد ما تقدر .. علشان الأتربه غلط تدخل العين ..
إهتم بالقطرات الى بعد العمليه (بتكون قطرتين كل 4 ساعات لمدة أسبوع) .. و بعد كده واظب على قطرات الترطيب لما لا يقل عن 5 أشهر .. أنا بفضل ريفريش بلس .. كانت ممتازه
لو كان عندك إستيجماتيزم .. ممكن عين تفرق عن التانيه فى البدايه (الى فيها إستيجماتيزم هتستجيب للعلاج فى فتره أطول من العين الى فيها ضعف فقط) و بالتالى ممكن عين تأخد فتره أطول فى العلاج عن التانيه .. لو فيه واحده فيها إستيجماتيزم و التانيه مافيهاش .. تحلى بالصبر قدر الأمكان و كل حاجه هتبقى زى الفل إن شاء الله
بلاش تعد تقفل عين و تفتح التانيه و تقارن بين عين و التانيه .. علشان المفروض إن المخ هيعيد ضبط نفسه مع الوضع الجديد .. ماتخليش نفسك تجبرالمخ يعتمد على عين عن الأخرى
لازم تستخدم نظاره شمس كويسه و ياريت تكون بولورايز .. هتفرق معاك قوى
الأضواء بليل هتبقى حاده قوى لفتره بعد العمليه .. ماتشغلش بالك .. ده طبيعى و فتره و هترجع زى الأول (ممكن تاخد شهر او أكثر على حسب كل عين و التانيه)

صحيح .. بخصوص الزغلله .. هتاخد وقت و تروح بإذن الله .. ألف مليون مبروك و صدقنى فى حياه تانيه قدامك بإذن الله

**mohammedabdallh** · 25-05-2012 08:28 PM

الف مبروك يا كبير والف سلامه عليك وترجعلنا بسرعه

**الغزالى** · 25-05-2012 08:47 PM

المشاركة الأصلية كتبت بواسطة karim_monir

السلام عليكم ورحمه الله
ربنا كرمني وبعد استخارات كتير عملت ليزك امس
عملت اول عين والتانية غدا ان شاء الله
طبعا زغاليل الزغاليل عايشة حياتها في عيني وحرقان واكلان في العين
واللي مزود الزغلله اني شيلت عدسة العين اللي اتعملت والعين التانية لسه العدسة في النضارة
عايز ادعك في عيني بغباوة خاصة مع وجود العدسة الصلبة اللي هاتتشال بكرة
لدرجة اني كتفت ايدي وانا نايم بجد مش هزار لاني دعكتها وانا نايم وقمت منطور ليحصل حاجة
هل من نصائح لتقليل الزغلله
وطبعا مش قادر اقولكم مش عارف اعمل حاجة خالص
لا موبايل ولا تي في ولا منتي ولا موقع ولا حتي نشاطي كادمن لصفحة الفيس بوك بتاعتنا
حتى القراية مفيشوماليش في الراديو
انا سرقت الموبيال بكتب بيه بس بحسس
والاسوء اني هاعيش القصة تاني في اليعن التانية من بكرة
معلش على الاخطاء اللغوية شايف العين غين :-)

حاول الفتره دى تستخدم مارين .. عشان تقريبا انت بتكتب عبرى