ايه الحل مع جوان غطى التكيهات لانه بيجيب زيت
عرض للطباعة
ايه الحل مع جوان غطى التكيهات لانه بيجيب زيت
غيره طبعا ده ب 25جنبه وكل فتره كده بيتغير لانه بينشف ومابيعملش المطلوب منه
هات الجوان الاصلى ب 60 جنية
MMamdouh
اهم حاجة اللي بيركب يكون ميكانيكي نضيف
شكرا لكم
جوان اصل (حوالي 65 جم)
اولا : يتم التنظيف بحسوكة ووسوسة لكل من الغطاء ووش المحرك قبل التركيب لدرجة انك تيجي تمسح بصباعك علي الالومنيوم بتاع الموتور يزيق من النظافة ... ولا تستخدم اي شئ يجرح سطح المحرك اثناء التنظيف (مفك يعني)
2-استخدم البنزين اولا ثم منظف الكاربراتير لو امكن حتي تصل لتلك النتيجة (منظف الكربراتير سيزيل اي اثار متبقية للزيت) ... رش المنظف علي الغطاء بقوة في مجري الجوان لتنظيفه ثم اتركه ليجف قبل التركيب
3-ثم يتم التركيب بهدوء ونعومة حتي يستقر الجوان في مكانة ثم يتم الربط تباعا ثم التقريط علي المسامير تباعا وبهدوء بقوة راحة اليد (لو هتعملها بنفسك ما تتعافاش علي المسامير)
وانشاء الله يتوقف التسريب (عملت كده بنفسي من 4 شهور ومستني مرور شهرين تلاتة كمان بدون تسريب علشان اتاكد ان كله تمام .. بس انشاء الله كله تمام)
من الاخر اقشط غطاء التاكيهات عند الخراط يشيل من نص مللي بس و بعدين هات هات جوان جديد و سيلكون حراري و انسي لان الغطاء دة ممكن من السخون يقفع
لاسف عندي نفس المشكلة دي وبتاثر على منسوب الزيت بتخلى ينزل min
ودا مخلينى اغير الزيت كل 1500 كيلو علشان الموتور ميحصلوش حاجة
سوال بقى عاوزين حد يا جماعة يقولنا مكان ميكانيكي موثوق فية الواحد يتعامل معاه على طول لانى طبعا مبحبش اودي عربيتى لاي حد يلعب فيها وشكرا ليكم
انت ساكن فين؟
MMamdouh