كرستاله مستعمله ولا لانوس جديده

**ahmed_kot88** · 31-05-2012 10:41 PM

المشاركة الأصلية كتبت بواسطة m.elgergawy

وبلاش الكرستالة اللى فيها شغل في الستارة دي
دور هتلاقي كريستالات نضيفة

والله انا بقالى بدور بتاع 6 شهور لغاية دلوقتى بس النضيف مغالى اوى اوى اوى فى سعره طيب الكرستاله 2000 النضيفه تعمل فى رنج كام

**felfel2010** · 31-05-2012 10:48 PM

الزيرو أفضل

**ahmed_kot88** · 01-06-2012 12:47 AM

المشاركة الأصلية كتبت بواسطة felfel2010

الزيرو أفضل

الف شكر على الرد
طيب الزيرو اجيب ايه يعنى انا معايا مثلا 47 وممكن اقسط الباقى حتى 70 او 71 على 90 شهر لانى موظف فى الحكومه والقسط ساعتها هيبقى فى حدود 400 جنيه ومش هيزنقنى وكمان لو جه مبلغ ممكن اسدد جزء من الفلوس او الباقى كله بس المشكله اجيب زيرو ايه
انا من الشرقيه لو قلنا لوجان هتبقى قطع غيار غاليه وفى التوكيل ومفيش ميكانيكيه عارفينها وفى الاخر مبتفرقش كتير مش هتبقى كارينز يعنى لو قلنا لانوس الشيفروليه ناس بتقول اختلفت عن الدايو ومعدش عليها طلب طيب ما ادور على دايو مستعمله احسن وفى الاخر دايو او شيفروليه التكيف فى الضياع ولو قلنا كده تبقى الكريستاله احسن من الدايو وممكن تمشى بنزين 80 وتكييف حلو واقعد الف فى لفه تانى ولو قلنا فيرنا بتجرى ومبتقفش وواطيه متنفعش ايه راى حضرتك انا بقالى 6 شهور فى اللفه السوده دى

**shaddadfalcon1** · 01-06-2012 01:14 AM

انا شايف تمن الكريستاله اللي بقالها 12 سنه يجيبلك لانوس 2009 او اعلي كمان والجديد برده احلي بكتيير حتي لو امكايات اقل

**M.Elgergawy** · 01-06-2012 10:51 PM

المشاركة الأصلية كتبت بواسطة ahmed_kot88

والله انا بقالى بدور بتاع 6 شهور لغاية دلوقتى بس النضيف مغالى اوى اوى اوى فى سعره طيب الكرستاله 2000 النضيفه تعمل فى رنج كام

بس دايما الغالى في الاخر يطلع رخيص
عشان بتاخد حاجة نضيفة ومتفرحش بالعربيات الرخيصة
عشان فيها مصاريف كتير وهتقرفك
وكان في هنا قريب اعلان لعربية كريستالة 2000 وكانت برة وجوة ب 52 اعتقد واتباعت في يوميها يعني لو هتابع الاعلانات ممكن توقع حاجة نضيفة بس هتتعب شوية
وربنا يوفقك لما تختاره