الموضوع: "عيادة طب الاطفال للإستشارة " الجزء التانى

المشاركة الأصلية كتبت بواسطة elbeheri

د- محمود
بنتى 3 سنوات كان عندها دور برد وكحة ووجع فى ودنها وصوت صدرها فى شخشخة .. المهم راحت للدكتور كتب ليها مضاد حيوى اوجمنتين - فنتولين- ميكوفللين .. لمدة اسبوع وراقت الحمد لله ورحت الاستشارة زود ليها توبلكسيل للكحة والدكتور طمنى
رجعنا بعد الاستشارة ليلتها بالليل لقيت البنت سخنة ودرجة الحرارة 39
اعمل ايه ؟

هل كان في التهاب اذن وسطى ؟؟ .. التهاب الاذن الوسطى يحتاج مضاد حيوي لمدة 10 ايام على الأقل ..

طبعا اعطيها خوافض حرارة وكمادات مياه حنفية على الرقبة وتحت الإبط واسفل البطن

المشاركة الأصلية كتبت بواسطة aminibrahim

بعد السلام عليكم

ابني يا دكتور عنده 5 سنين ونص وهوعنده حساسية صدر والحمد لله بيتعالج منها وماش كويس لكن المشكله
انه يوم 20 رمضان اللي فات جاله دو ر بكتمه كده وراح مرجع واسهل واديناه للكنور اخد محاليل مخلوطه بسيفوبيد + زانتاج وبقي كويس المشكله انه كل شويه يجي له دور بكتمه ويروخ مرجع احيانا يفوق واحيانا يبقي عايز يروح للدكتور لكن انا بقلق لمل اروح للدكتور يعمل نفس الخلطه مع اني لما بيجي له الدور ده بديله محلول جفاف في الاول عشان يوقف الترجيع والمشكله ان كل دور يبدأ بالتهاب في الحلق-- ما عندوش التهاب اذن وسطي
المشكله اني لم يسأله ان زورك بيوجعك يقول لأ -- وكل ما اروخ لدكتور يقول التهاب فب الحلق ودي بتبقي البدايه
مع اعلم انه مش بيشتكي من اللوز-- لكن الغريبه اني بعالجه من الالتهاب بالمده المحدده لكن بعد ما يبطل المضاد الحيوي
ما فيش كام يوم ويرجع
حاليا-- كل شويه يقولي مصدع وعايز انام واحيانا يصاحبه ترجيع والصداع بيبقي امامي بقاله بتاع 10 ايام كل يومين يقول القصه دي مش عارف اعمل ايه .... دلني جزاك الله خير

الترجيع عادة بيصاحب اي حالة مرضية للطفل حتى ولو سخونة بسيطة .. الإفضل من وجهة نظري نعمل بعض الفحوصات نستبعد بيها الأشياء الهامة التي لا داعي ان اذكرها لك عشان ما نستبقش الاحداث

صورة دم كاملة - وظائف كلى وظائف كبد - تحليل بول كامل وتحليل البنكرياس
CBC - LFT -RFT -Urine routine - Amylase - وتحليل سكر في الدم RBS

دول يكلفوا حوالي 200 جنيه تقريبا لو حضرتك حبيت تعملهم وتتطمن وياريت مختبر محترم