سلام عليكم يا دكتور اولا جزاك الله خيرا على مجهودك و جعله الله فى ميزان حسناتك
انا قاعده اذاكر فى الموضوع ده و الموضوع اللى فات انما عندى كام سؤال كده
ربنا رزقنى بولد عنده دلوقتى 50 يوم يرضع لبن صناعى babelac1 او aptomil
1- التكريع صعب جدا جدا فى يوم الدكتور كتبله على اكوابلس و لما قريت المكونات لقيت فيها بيكلابونات صوديوم استبشرت خير و قرت هو ده اللى حيسهل عمليه تكريع شويه و منه غازات كمان و فعلاا جاب نتيجه و بعدين ما بقالوش اى تأثير. هل فى حاجه تسهل عملية التكريع شويه؟
2- و هو نايم تسمع كل الاصوات اللى فى الدنيا انما المهم بيتلوى جامد جدا جدا و وهو صاحى كمان. انا بفهم موضوع التلوى ده على انه جوع او مغص. هو التلوى ده تعبير عادى؟ و عن ايه؟
3- اديناله التطعيمات الاضافيه بتاعة شهرين من يومين ولاحظت انه سخن و البراز بتاعه بقى لونه اخضر. اللون ده عشان التطعيم ولا سبب تانى؟ من بين التطعيمات دى الروتا و سمعت انى لازم اخد بالى و انا بغيرله و اطهر ايدى بعد التغيير عشان الميكروب بينزل مع البراز . الكلام ده صح؟
4- انا بحطله كل ادويته مع بيبى درينك هل في تعارض فى مفعول الادويه؟ خصوصا سيتال؟
5- الدكتور اداله دوا كحه balsam و من بين المكونات عسل نحل و انا عارفه انه ممنوع فى اول سنه اديهوله و لا لا؟
6- ان شاء الله حيعمل عملية الطهاره قريبا فيه نصايح لتخفيف الالام؟
7-افضل وضع للنوم؟
8- ايه افضل انواع اللبن الصناعى؟ و هما يفرقوا عن بعضهم فى ايه بالضبط؟
9- هل اقدر اديل غذاء ملكات النحل مثلا و لا اى حاجه عشان المناعه خصوصا انه بيرضع لبن صناعى؟
10- ايه الافضل الببرونه البلاستيك براند زى مثلا avent او chicco و لا الازاز؟ فيه انواع نضيفه من الببرونات الازاز؟ هل لازم وجود المعقم؟
11- ابتدى من امتى ادور له على لعب؟ و ايه يبتدى بيه؟
انا خايفه لأكون طولت و لا حاجه
على عموم انا بستغل كرمك اسوأ استغلال
8-
المفضلات