"عيادة طب الاطفال للإستشارة " الجزء التانى

**mado83** · 27-03-2013 01:57 PM

دكتور بنتى عندها الان سنه وشهرين ولما كانت فى شهره ال11 جالها دور ترجيع واسهال ودخلت مرحله جفاف وبعد التحاليل قالولنا ده فيروس الروتا وفضلت كده اسبوع مع تعليق المحاليل وحقن الكورتيبلكس
حصلها الموضوع ده دلوقتى تانى بعد مرور 3 شهور فقط
فأيه علاج الموضوع ده نهائيا

**د.محمود صلاح** · 28-03-2013 07:34 AM

المشاركة الأصلية كتبت بواسطة mado83

دكتور بنتى عندها الان سنه وشهرين ولما كانت فى شهره ال11 جالها دور ترجيع واسهال ودخلت مرحله جفاف وبعد التحاليل قالولنا ده فيروس الروتا وفضلت كده اسبوع مع تعليق المحاليل وحقن الكورتيبلكس
حصلها الموضوع ده دلوقتى تانى بعد مرور 3 شهور فقط
فأيه علاج الموضوع ده نهائيا

النزلات المعوية تتكرر مع الأطفال في السن ده بالذات ..

اسباب الإسهال الحاد كتيرة اوي مثلا :-

اسباب تتعلق بالاكل ،، بتاكل سكريات وفركتوز ( سكر الفواكه ) ، او عدم تحمل بعض الاكلات مثل البقوليات او الفواكه

اسباب عدوى ؛- بكتيرية مثل ال اإي كولاي E coli وال كولستريديم C.deficile او فيروسية مثل الروتا rota virus وده بيمثل حوالي 40 % من حالات الإسهال للأطفال اقل من 5 سنوات في مصر

اسباب ادوية :- مثل المضادات الحيوية والملينات

اسباب نقص فيتامينات :- مثل الزنك والنياسين
-----------

العلاج بمكافحة الجفاف ،، كل مرة اسهال اديلها محلول الجفاف منخفض الصوديوم بالبرتقال بتاع وزارة الصحة المجاني حوالي نصف كوب ( كيس المحلول على 200 مل ماء شرب عادي )

شراب الزنك فعال جدا ومهم جدا في علاج الإسهال ومنع تكرار النزلات :- اسم الشراب اكواريم ملعقة- 3 مللي - كل يوم لمدة 14 يوم

فلاجيل شراب لو تحليل البراز اثبت وجود اميبا او جيارديا ( طفيليات ) - سبتازول شراب لو تحليل البراز الزراعي اثبت وجود شيجيلا ( بكتيريا تسبب اسهال دموي ) او حقن روسيفين .

بالنسبة لميكروب الكريبتوسبروديوم ( طفيل مشهور في الأطفال قليلوا المناعة ) فلا علاج له لو الطفل مناعته سليمة فقط علاج الجفاف ...

**د.محمود صلاح** · 22-04-2013 04:47 AM

طبيعي عند بعض الأطفال انها تقفل على سن بداية 4 شهور لحد 18 شهر

**د.محمود صلاح** · 11-05-2013 08:35 AM

ايوه اعرضيه على دكتور عيون ..

فيتامين أ بياخده روتيني في التطعيمات الاجبارية

**laamyaa** · 12-05-2013 02:35 PM

السلام عليكم
انا كنت عايزه استشير حضرتك, احنا عرضناه على دكتور عيون قال عنده انسداد فى القناه الدمعيه ولازم يعمل عمليه يحط فيها انبوب فى القناه لمده ست شهور وبعدين تتشال.
هى المشكله اللى عنده ديه مش دائمه,هى عينه تبقى كويسه لغايه مايخرج او يتعرض للاتربه ودايما بتكون عينه اليمين.
وهل الانسداد معناه ان عينه مايباش فيها دموع؟ لان عينه فيها دموع عادى ولا مافيش علاقه.
معلش يا دكتور تقلت عليك بس انا قلقانه من مزضزع العمليه
وشكرا