الموضوع: ازاي تعرف إن العربية فيها انظمة الفرامل ديه : Ebd و bas ..

المشاركة الأصلية كتبت بواسطة semsem kane

انت بتسأل bas او ال braking assist system او نظام مؤازرة الفرامل انة بيستشعر قوة الضغطة وبيعرف انك محتاج اقصى قوة من الفرامل فبيدى قوة اضافية للفرامل ( انت عايز النظام دة )

شوف ياباشا الانظمة دية طبعا بتبقى موجودة فى الاوبشن بتاع العربية وبتحس بية ان قوة الفرامل بتختلف بس مش بنسبة كبيرة يعنى مش هيلاحظها غير بس اللى رجلية حساسة اوى للعربية انك هتلاقى الفرامل قوة كبحها زاد بنسبة اعلى من المعتاد عشان تقصر مسافة التوقف

وبالنسبة لنظام الفرامل ال ebd فدة بردة عتعرفة لما تلاقى العربية نصها مثلا على رمل والنص التانى على اسفلت وتلاقى العربية ولا لفت منك ولاعامات لان هنا فية توزيع الكترونى لتماسك كل عجلة على حسب حساسية الطريق يعنى المفروض ان ال Senseor دة بيحس بالطريق اللى علية العربية فيقوم لائما بتخفيف الضغط عن الفرامل او بأعطائها الضغط المناسب لضمان توازن كبح الاربع عجلات حتى مع اختلاف نوع الطريق التى تسير علية كل عجلة

طبعا الحاجات عشان تشوفها بعينك ارفع العربية هتلاقى فيش وحساسات متوصلة بكل عجلة , او تحط العربية على جهاز كاشف اعطال هيطلعلك الانظمة الموجودة فى السيارة

100 100 يا smsm بييييييييه ..

المشاركة الأصلية كتبت بواسطة formulator

الـEBD:

- بيبان فـ دوسة فرامل ثقيلة (عجلتين عـ الأسفلت وعجلتين فـ الرمل) زى ماسمسم قال،
- وبيبان فـ دوسة الفرامل والأربع عجلات فـ الميه (مطر أو طين).. المفروض ماتلفش.
- أكثر اختبار بيبين الـEBD شدة الهاند-بريك تكتين-3 من على سرعة متوسطة.. المفروض لا تلف ولا تـSpin والدركسيون Straight تفضل العربية Under-Control..؟!!
(مثلا لو لقيت مطب قدامك فجأة، مع الـFull-Brake بالدواسة وشدة الهاند.. المفروض تخش عـ المطب Straight ماتعرضش).

Note: الإختبارات دى خطر، ويفضل ماتتعملش حتى لو متأكد ان عربيتك فيها ebd.

الـBA أو الـBrake-Assist:

مش هيبان إلا فـ مواقف الطوارىء أو الفرامل المفاجئة..
- Technically:
السيستم بيحدد إذا كان السواق رفع رجله من على دواسة البنزين وحطها عـ الفرامل بسرعة (فرق زمنى قصير جدا بين البدالين).
أو دوست على الفرامل بطريقة Aggressive وخدت مشوار الدواسة كله بسرعة.. (معدل أو Rate الضغطة)..

فـ كلتا الحالتين:
- معظم العربيات الأوروبى اللى فيها BA بتدى فلاشر انتظار متقطع (سريع جدا Pulse) عند تدخل الـBrake-Assist..!!
- حاجة تانية بس عايزة دقة وحساسية عالية:
أنك هتلاحظ ان استجابة العربية للفرامل أكبر بكتييييييييير من شدة الدوسة اللى انت دوستها..؟؟!!!

Edit: عن تجاربى، الـBA كان بيشتغل أكثر من سرعات عالية، تبقى ماشى 120-140 وتدوس فرامل (ولو دوسة متوسطة مش لازم Full) تلاقى العربية ضربت فلاشر الـWaiting والفرامل بتمسك جااااااااااامد جدا..؟!!

Rgds،

المشاركة الأصلية كتبت بواسطة formulator

نسيت أقول ان: حساسات الـSystem ماتتشافش من تحت العربية، لو رفعتها..

- حساسات سرعة العجل بتبقى Hall-Effect Sensor
(ترس مسنن فيه سن مكسور، بيلف قصاد الحساس اللى بيقرأ السن ده كل مايعدى عليه.. عدد لفات السن = عدد لفات الترس = لفات العجل)..
وده بيبقى راكب فـ الـWheel-Hub، أعتقد مش هتشوفه إلا لما الدشمة والـAxe كمان يتفكوا.
(بعض العربيات بيبقى ورا الـHub وممكن يبان لو دخلت بدماغك من غير ماتفك) هههههههههههههه

- حساسات الـABS (أو ABS + Wheel-Speed Sensor بعض السيستمز بيبقوا واحد، أو Built-in):
بتبقى Coil كهرباء، كل ما سرعة الـ Rotor تزيد، كل ما الـFrequency بتاع الإشارة الكهرباء تعلى.. الـMagnet يقراها ويترجمها للسيستم..؟!!

دول النوعين اللى أعرفهم فـ الحته دى، (العجل والفرامل)..
طبعا فيه حساسات ضغوط المساتر الفرعية، ودى بتبقى Pressure-Sensors إشاراتها بتترجم بـSoftware Algorithm

ياخي برده فوق كل زي علم عليم ..

دايما بتختمها مسك كده ..

متشكر قوي ..

المشاركة الأصلية كتبت بواسطة yoko

تمام يا فورميليتور وأي عربيه فيها abs لازم يبقى فيها bas

أول مرة اعرف المعلومة ديه ..

تحياتي ..