شوية تعديلات بسيطة في عربيتي - أبيزا 2009

**mr_shims_49** · 26-05-2012 03:06 AM

السلام عليكم

انا حابب اشارككوا الحاجات اللي غيرتها في عربيتي يمكن حد يستفيد منها انا هاقول كل حاجة و صورة ليها و اقول عيوبها و مميزاتها .

هابدأ بالترتيب من الاقدم للاجدد:
١- فرش جلد لونه رمادي فاتح اوي نفس لون الفيبر و السقف اللي داخل صالون السيارة بس ده للاسف مش عندي له صورة انا كنت عامله في الحرفيين عند واحد اسمه رضا هو قدام بيومي بتاع الاستيراد كان متكلف ٧٠٠ جنيه هو كان كويس بس الفينش بتاعه مش حلو اوي كان عادي يعني .

٢- رينجات نيكل علي الهوايات بتاعت التكييف بتركب مكان الهوايات الجراي كان قدامي اختيارات في التوكيل موجود احمر و اصفر و نيكل بس انا اخترت النيكل و شكله زي الصورة دي بس من غير الجزء الاحمر اللي في النص ده

بصراحة عجبتني جدا فرقت في شكل التابلوه

٣- بعد كده جبت فلتر هوا كيه اند ان بس اللي هو بيركب زي الاوريجنال بالظبط جوه العلبة

و دي صورته

اول ما ركبته حسيت بفرق كبير في سحب العربية بس بعد شوية شيلته و ركبت الاصلي عشان انضفه فاكتشفت ان علي الار بي ام القليل و السرعة القليلة عموما الفلتر الاصلي افضل لكن علي السرعات العالية التاني افضل بكتييييير

٤- جبت فوانيس امامية day led زي دي

غيروا شكل العربية تماما شكلهم تحفة وهما منورين خصوصا ان لو العربية بعيد شوية و هما منورين صعب جدا تقدر تميز هي نوعها ايه بس عيبهم الوحيد انهم زي اي فوانيس اسبور نورهم ضعيف

٥- جبت دي في دي بايونير دبل دين شكله حلو اوي في التابلوه خصوصا ان فيه تحكم في لون الزراير بتاعته فانا عامله احمر لون اضاءة التابلوه برده ده من الحاجات اللي حسستني باختلاف في العربية و دي صوره زيه

و طبعا كنت جبت قبل ما اشتريه ٤ سماعات و صب سوني اكسبلود و ٢ جي ام بس هما كانوا عندي من العربية القديمة

٦- و اخيرا جبت الجنوط جبت مومو ١٧ خدته استعمال من واحد صاحبي بس ما شاء الله كانوا حالتهم نضيفة جدا و ده شكلهم

و مقاس الكاوتش ١٧/٢٠٥/٤٠

و بعدها جبت سوست كوني عشان اوطي العربية شوية

لسه في حاجات كتيير اوي عايز اجيبها للعربية بس لسه شوية و كمان لما تتصلح الاول

**SYD** · 26-05-2012 04:59 AM

الف مبروك التعديلات الجديدة
ربنا يباركلك فيها

بس عايزين تقرير مصور يا باشا
حاف كدة ماينفعش

في انتظار الصور ان شاء الله

والله المستعان
،
،

**ehab_mansour** · 26-05-2012 10:15 AM

مبروك يا باشا و ربنا يباركلك فيها بس بصراحة جميلة جدا التعديلات دي

**SYD** · 26-05-2012 11:14 AM

في انتظار الصور

**SYD** · 26-05-2012 10:33 PM

هو لو ينفع لعربيتك يكون احسن
عشان احنا عايزين تعديلات من الي بيتم بجد في مصر وياسلام لما تبقي عربية حد من عندنا من المنتدي

عشان أضم موضوعك لموضوع تعديلات عربيات الأعضاء

والله المستعان
،
،