السلام عليكم ياجماعه انا مفروض كمان 3 ايام هاشترى ميجان1 اوتوماتيك 2001 ياريت الى ركبوا السياره دى يقولولى رايهم ودى اول مره ليه مع الرينو
عرض للطباعة
السلام عليكم ياجماعه انا مفروض كمان 3 ايام هاشترى ميجان1 اوتوماتيك 2001 ياريت الى ركبوا السياره دى يقولولى رايهم ودى اول مره ليه مع الرينو
عربية ممتازة وحمالة أسية بس اهم حاجة اكشف عليها في التوكيل او مكان شغال في الرينو علشان لو ملعوب فيها من الصنايعية الفتايين هتتعبك جدا .. واستخير وربنا يوفقك للخير .
انا سمعت ان الفتيس الاوتو بتاعها فيه مشاكل
انا متشكر جدا ياجماعه على الاهتمام بس ياريت لو حد معاه بقالها فتره يقول ليا على عيوبها ومميزتها وخاصه اسعار قطع الغيار ومدى توفرها وتكيفها عامل ايه
قطع الغيار متوفرة واسعارها معقولة بس طبعا لا تقارن بمثيلاتها في العربيات الكوري من حيث توفرها و سعرها , بس اهم حاجة تجيب الاصلي لأن المضروب مش بيعمر فيها , اللي معايا مانوال فمقدرش افتيك في الفتيس الاوتو بس الحمد لله اللي معايا شغالة كويس ومعملتش معايا مقلب غير مرة واحدة الكويل ضرب وكنت مسافر بيها واضطريت اني امشي بيها متلته وملقيتش الكويل الاصلي بتاعها غير في التوكيل او في الاستعمال , هي معايا بقالها اكثر من 7 سنين وبعملها الصيانة الدورية بانتظام وبصلحها عند ميكانيكي شغال في الرينو وبس , تكييفها كويس بس زيه زي اختها الميجان 2 مش قوي مع الحر الشديد , بس مع الوقت بيبرد وبضطر اني اقلل سرعته .
انا متشكر جدا لحضرتك ومعلوماتك قيمه ومفيده جدا ليى فى هذا التوقيت