تحذير من البطاريات السائلة

**Sehsss** · 26-05-2012 09:22 PM

علشان كده ما قعدتهاش أكثر من سنة لما كانت نازلة في العربية وهي زيرو وغيرتها بجافة

**Amr Axel** · 27-05-2012 01:04 AM

المشاركة الأصلية كتبت بواسطة hanzcanz

ياريت بلاش نستخدم الشحم على القواطيش لأنها ممكن تعمل عازل ويفضل استخدام الفازلين الطبى العادى ودى من كتيب الصيانه الخاصه بالبطاريه

عشان كده بقول طبقة خفيف جدااا من الخارج مش نغرقها زي ما بعض الناس ما بتعمل و الفازلين الطبي كذلك برده كمادة عازلة عشان كده لازم نحط طبقة خفيف و من برة بحيث ميحصلش عزل :)

**Amr Axel** · 27-05-2012 01:13 AM

المشاركة الأصلية كتبت بواسطة mrghost

على فكره يارجاله مفيش حاجه اسمها السائله عمرها الافتراضى اطول
انا لحد دلوقتى غيرت 3 بطاريات فى عربيتى غير بطاريه الفبركيه
اول بطاريه جبتها كلورايد سائله (زى اللى كانت جايه مع العربيه والفبريكه قعدت معايا 3 سننوات )
المهم البطاريه يادوب كملت السنه وباظت!!!!
تانى بطاريه جبتها كورى جافه ماركه جلوبال والحمد لله قعدت حوالى 3 سنوات وشويه
والرابعه برضه جبتها جلوبال بقالها معايا حوالى 3 او 4 شهور
والمشكله ياجماعه ان كل ماتزود مياه للبطاريه السائله تفور لوحدها وتنزل وتاكل فى البويه والصاج
بجد انا زعلان اوى ع العربيه لانها لسه جديده وخايف طبعا ادهن الحوض من جوه

للأسف ديه الحقيقة يا ريس
البطارية السائلة الفبريكة قعدت ما شاء الله 4 سنين و نص و قولت كفاية عليها كمان
و دايما بنستخدم السائلة و عمرها الافتراضي طويل الجافة مبيعدش 3 سنين الا نادر لكن اغلب الوقت مبيوصلش للــ3 سنين حتي و فيه ناس بتقعد سنة
موضوع ان المية بتفور عندك ده لسبب بسيط الدينامو يا ريس شاحنه زيادة شوية فبيخلي المية تفور اظبط الكهربا عندك
و الأفضل جرب نوعية أفضل زي الفرتا الالماني هتغير فكرتك تماما

**alu** · 27-05-2012 07:43 PM

العيوب اللى بتحصل من فوران البطارية السائلة لاى سبب من الاسباب و بهدلة البوية من تحتها ولاسيما لو سالت على الكرتيرة تفوق بمراحل مميزات انها اكثر عمرا من البطارية الجافة ( ودة على سبيل افترضنا ان البطارية السائلة اكثر عمرا من الجافة )

**mrghost** · 27-05-2012 08:01 PM

المشاركة الأصلية كتبت بواسطة alu

العيوب اللى بتحصل من فوران البطارية السائلة لاى سبب من الاسباب و بهدلة البوية من تحتها ولاسيما لو سالت على الكرتيرة تفوق بمراحل مميزات انها اكثر عمرا من البطارية الجافة ( ودة على سبيل افترضنا ان البطارية السائلة اكثر عمرا من الجافة )

+111111111111111
ياجماعه احنا بنتكلم فى اساسيات العربيه وصاجها يعنى ضربه جامده اوى
ورغم كده انا قولت تجربتى من ناحية العمر الافتراضى
وده ملوش علاقه بنوع البطاريه
طيب مافى بطاريات اوبتيما اللى هى ب 2000 جنيه وبتقعد 10 سنوات وجافه مش سائله