الموضوع: صيانة ال 20 الف ل باكينام

بص يا ريس ...... ليا ملاحظتين و ده من خلال خبرتي في التعامل مع مراكز منصور .

1- موضوع ان فرع التجمعع الخامس ياخد 40 جنيه مصنعيه تنظيف بوابه الانجيكشن ... ده موضوع المفروض بيتم من ضمن اجراءات صيانه ال 20000 كم .... و كلما رأي الفني ان هذا ضروري عند اجراء الصيانات الدوريه .... و ده اجراء مدفوع عنه قيمه المصنعيه بتاعت صيانه ال 20000 كم اللي حضرتك دفعتها و هيه 180 جنيه .
لذلك لازم حضرتك تشتكي في الاداره الرئيسيه و ذلك عن طريق الاتصال برقم 16424 و متابعه شكواك ... ده حقك 100% بصرف النظر عن ان قيمه ال 40 جنيه قليله او كثيره ..... انا بتكلم عن المبدأ نفسه .

2- انا مغير التيل الامامي في شهر 3/2012 و كان GM made in korea و كان ب 155 جنيه تقريبا .
اللي حضرتك حاطط صورته ده ممكن يكون لسه منتج جديد مصري تابع لشركه جنرال موتورز مصر .... و معتقدش حيبقي فيه منه ضرر طالما معتمد و مضمون من شركه جنرال موتورز ..... المقصود باختصار ان لو طلع نوع التيل وحش و بوظ الطنابير حيغيروهالك في الضمان علي حسابهم ..... لذلك جرب و متقلقش و ممكن يكون كويس .... و فرق ال 80 من ال 155 فرق كويس .... و التجربه مش حتخسرك حاجه .

3 - انهارده رحت فرع جسر السويس قلت اكشف عالتكييف تبعا للحمله المعلنه من منصور .... و لا عملوا اي حاجه بمعني الكلمه و قعدت من 10 صباحا حتي 3 عصرا .... طبعا انا من النوع العصبي و الدقيق .... لكن سبتهم خااااالص و قلت اشوف ايه اللي بيحصل بالظبط خصوصا اني اول مره اروح الفرع ده ......المهم كنت بشتكي من تكه في العفشه و طارق هنا في المنتدي جرب عربيتي و اكدلي انها قاعده موتور شمال .... قلتلهم عليها في المركز ......و فوجئت انهم مخرجين العربيه و بيقولولي العربيه 100% تمام و مفيش حاجة ..... و لقيت الفاتوره طالعه فيها قيمه 40 جنيه :-)))))))))
اظاهر كل الفروع بتتتزنق في مبلغ ال 40 جنيه ده .
قلتلهم يا إخواننا العربيه في الضمان ... هوة انا لما ادخل التوكيل و اشتتكي من صوت و تكشفوا عليه .... تقوموا تاخدوا 40 جنيه كشف؟؟؟؟؟؟؟؟؟؟؟؟..... قالولي لا اصلنا ربطنا العفشه .....قلتلهم انشالله تغيروا العربيه كلها .....و اعترضت و في ساعتها المهندس شطب المبلغ بكل احترام و قاللي احنا اسفين يا صلاح ....قصدي اسفين يا عمرو :-)

سألته طب ليه بتعملوا كده ....ما هو ممكن تييجي مع حد مش فاهم او واحده ست و تدفع عادي .

المهم المفاجأه ان المهندس بيقوللي : خللي بالك ان القواعد حتي لو بايظه هيه مش في الضمان ..... قعدت اضحك بجد و فتحتله كتيب الضمان و قلتله أدي القطع و الخدمات التي لا يشملها الضمان و مذكوره في اول صفحتين علي سبيل الحصر ..... و قلتله القواعد مش من ضمنها .... يعني لو بايظه تتغير ضمان .... حسيت انه بلم و مش عارف يرد ....

يظهر ان حاجات كتير بايظه في مصر و محتاجه وقت للاصلاح .

اسف للاطاله بس بحب احكي تجاربي لكي تستفيد الاعضاء .

انا متشكر جدا لرد حضرتك وموضوع ان تنظيف البوابة ده من ضمن مصنعية الصيانة او لا ممكن يكون ردهم انه مش من ضمن الحاجات اللى مذكورة فى كتيب الضمان انها من ضمن بنود صيانه ال 20000
ولا دى ممكن تكون المقصود بيها فى الكتيب (خطوط امداد الوقود والوصلات)
بس هو الملاحظ ان المصنعية كانت 180 وبقت 158 +35 يبقى بقت 193 بس فى ظاهر الامر انها قلت
هو باين انه فى ظاهر الامر بيقلل اسعار الصيانة وبياخدها فى شكل بنود اخرى بس بصراحة العربية فرقت فعلا المرة دى بعد الصيانة على عكس المرتين اللى فاتو
والله يا باشمهندس انا ساعات كتير بفكر انى اعمل الصيانة بره التوكيل بس الواحد بيقول يخليه فى الضمان لحد ما يخلص لوحده
انا متشكر جدا لحضرتك

خليك في الضمان عشان لو فيه قطعه فيها عيب صناعه تتغير في الضمان.

المشاركة الأصلية كتبت بواسطة mmamdouh

دا عايز جنازة عسكرية عشان مات شهيد

mmamdouh

هههههههه
طب الحمد لله ان الجنازة هتتعمله هم مش ليا انا
وبالنسبة للتيل الجديد ايه رايك فيه