-
كورسليه كامل
السلام عليكم ورحمه الله وبركاته ازيكم ياشباب ارجو ان تكونوا بخير
واحد صاحبي عربيته فيكترا 2003 2000 سي سي ايكوتيك
وعمل حادثه ودلوقتي العربيه متبهدله خااااااااالص ومحتاجه مبدئيا موتور وفتيس وصدر وكبوت ورفارف واكصدامات وفوانيس فا انا قولتله يشتري كورسيله كامل احسن وارخص هو ناوي يوضب العربيه ويبيعها عشان هي علي حالتها كده مش جايبه 20 الف جنيه
دلوقتي عاوز اعرف الكورسليه الكامل بكام ومين احسن وارخص واحد اجيبه منه ياريت لو حد يعرف اماكن واسعار وارقام تليفونات يبقي بيخدمني
وشكرا
-
الاخ العزيز فادي كان عامل موضوع عن حد عنده انصاص فيكترا باسعار حلوه
-
و الحمد لله ان صاحبك بخير مادام العربيه بالمنظر ده
-
والله يا اسلام دى نزله لبور سعيد
و فيه واحد كان فادى قال عليه فى طريق المنصورة على ما اتذكر
يجي النصين كاملين
و ربنا يسهل
و الف سلامه على صاحبك
-
الله يسلمكم جميعا
انا كلمت الراجل اللي قال عليه الاستاذ فادي
وقالي العربيه كامله مش ناقصه مسمار نمره واحد ب12000 جنيه باللون اللي أحدده
ومن غير الموتور والفتيس ب9000 طبعا الكلام ده قبل الفصال
والعربيات اللي عنده شغل اليونان
المشكله بقي ان كل العربيات اللي عنده بتبقي فيها المكنه ال1600 الايكوتيك المانيوال بتاعت التيجرا (الصوابع المقفوله هما بيسموها كده )
أيه رأيكم في الاسعار وبالنسبه لحوار المكنه دي هلاقيلها قطع غيار ولا لا
-
ازبل شغل فى اوروبا كلها شغل اليونان و ايطاليا
شوف بعينك الأول
-
و على فكرة اللى بيقول 12000 ده ممكن تخلصها 9000 او 10000 بالكتير
السوق مريح قوى
-
انا مش هقدر اروح اشوف بنفسي بس انا بحاول اساعد الراجل واجيبله لاسعار والاماكن وكده
بس ماقولتليش رأيك في موضوع المكنه ياكبير ليها قطع غيار ولا لا
-
المشكله ان عربيته الموتور والفتيس ضاعوا فيها الفتيس اتكسر وفضي زيت والصدر بتاع العربيه دخل علي الموتور وياعالم حالته وطبعا عشان يجيب موتور وفتيس أقل واجب 7000 جنيه ولو هيوضب الموتور هيصرف مبلغ وقدره طبعا غير الصاج اللي محتاجاه العربيه رفرفين وصدر وكبوت ورفرفين خلفي وشنطه وارضيه شنطه
وعفشه قدام كامله
-
بص يا اسلام شغل اليونان دة اقل حاجة فى السوق تقريبا هو و شغل ايطاليا و مدام الماكنة عندة 2000 يبقى يجبها 2000 بلاش 1600 و الماكنة اللى بتقول عليها دى ليها قطع غيار بس قليل شوية و فى حاجات استيراد يبقى يخلية فى 2000 احسن و نصيحة العربية هتعدى معاه لو يعرف يبعها يبقى احسن و اعرض على النت يمكن تلاقى حد
و احسبها الاول و العربية دى النص اللى ورا حالتة اية و السقف و الكابينة اية نظامها كل الحاجات دى تخليك تفكر اذا كنت هتبيع ولا تعملها
الحمد لله انه خرج سليم
Content Relevant URLs by
vBSEO 3.6.0 PL2