محتاج رايكم في اختيار نوع المقصات

**abduo882000** · 26-05-2012 08:22 PM

السلام عليكم ورحمة الله وبركاته
[size="4"][/size
الحكاية بدأة لما سمعت صوت صرخة كدا في العجلات الامامية قلت ممكن تكون الزوايا عاوزة تظظبط روحت علشان اظبطها طبعا بعد ما الفنى نزل بص على المقصات الامامية قالى دي عاوزة يتغيرلها جلب
فانا دلوقتى محتار اشتري جلب للمقصات واركبها ولا اغير المقصات كلها بمقصات جديدة الاسبانى
وولا اعمل اية يا ريت تساعدونى ولو في مكان ممكن اشوف فيه
مع العلم العربية نوبيرا 2005
وانا من القاهرة
و شكرا

**semsem_saad** · 26-05-2012 08:58 PM

الأحس إنك تغير المقصات بالكامل بمقصات كاملة أسبانى الجوز ب 450 جنية من عند أبو الحسن ....لأنى عن تجربة عندى عربية تانية نوبيرا وغيرت فيها الجلب وباظت بعد مدة قصيرة يعنى مش معمرة ..فريح دماغك وهات المقصات ...وبالتوفيق

**mahmoudysf** · 27-05-2012 11:39 PM

انا غيرت 4 جلب gm اصلي ب 140 جنية
والحمد لله تمام حتى الان

**abduo882000** · 28-05-2012 01:31 AM

اشكركم يا جماعة على افادتكم الغالية دي
انا سالت جار صديق ليا قالى بردو في المقصات الاستيراد ودي زي اللى كانت جاية معاها بالظبط فانتوا اية رايكم في موضوع المقصات الاستيراد دي وفين الاقي محلات الاستراد دي

**semsem_saad** · 28-05-2012 02:37 AM

الإستيراد هتلاقية عند سوسو فى المريوطية ودة اشهر واحد ........لكنى لا أنصحك بالمقصات الإستيراد لأنها أجزاء مستهلكة يعنى فى أى حال من الأحوال دى أجزاء مستعملة وأنت وحظك فى كفاءة الجلب ممكن المقصين يطلعوا واحد كويس والتانى ..........
من رأيى لو مس عايز تغرم وتخوض التجربة هات الجلب الأصلى أولا وأياً كان هتمشى معاك شوية ولما تبوظ هات مقصين جداد اسبانى ...لأنى زى ماقولتلك مجرب

**abduo882000** · 28-05-2012 03:51 PM

المشاركة الأصلية كتبت بواسطة semsem_saad

الإستيراد هتلاقية عند سوسو فى المريوطية ودة اشهر واحد ........لكنى لا أنصحك بالمقصات الإستيراد لأنها أجزاء مستهلكة يعنى فى أى حال من الأحوال دى أجزاء مستعملة وأنت وحظك فى كفاءة الجلب ممكن المقصين يطلعوا واحد كويس والتانى ..........
من رأيى لو مس عايز تغرم وتخوض التجربة هات الجلب الأصلى أولا وأياً كان هتمشى معاك شوية ولما تبوظ هات مقصين جداد اسبانى ...لأنى زى ماقولتلك مجرب

الف شكرا ليك يا سمسم باشا على الرد والافادة ونظرا لانى مش بحب اعمل الحاجة كذا مرة نويت انزل اشتري مقصين جداد من عند ابو الحسن وفعلا الجديد مضمون والله الموفق والمستعان .