ناوي إن شاء الله أشتري و عندي اسئلة

السلام عليكم يا شباب :)

أنا إن شاء الله ناوي أشتري ال Nissan Tiida و كنت عايز أعرف إيه أحسن مكان اجيبها منه و هل لازم أعمل صيانة عند نفس الموزع؟

عندي سؤال كمان بالنسبة للزيت.. أنا بقالي حوالي اسبوعين بقرا عن ال Liqui Moly بس هل التوكيل هيستهبل و يصمم إنه يحط الزيت بتاعه عشان الضمان؟ مش المفروض برده في تغير زيت بعد 100 كيلو أو بعد الاستلام؟

آخر سؤال :) لما جيتوا تشتروا عربية جديدة, بتعملوا إيه غير صيانة التوكيل عشان تحافظوا على العربية؟ أنا سمعت عن اضافات للبنزين و الكلام ده فـياريت لو حد بيعمل حاجة زيادة يفيدنا.

جزاكم الله خيرا :)

ألف مبروك مقدما يا باشا .. بصراحة اختيار موفق جدا إن شاء الله ..

احسن مكان تجيب منه هو أوتوا اجيبت ..

ممكن تعمل في أي حتة عااااااادي ..

و خد معاك أي زيت حضرتك عيزه و هو إن شاء الله هيحطهولك .. سيبك من كلامه ..

أول تغيرت زيت بعد 1000 كيلو ..

سيبك من الاضافات دلوقتي معاك لحد 100 ألف لسة ..

أولا، أهلا بيك في قسم نيسان.. ثانيا، أفضل مكان ممكن تشتري منه أوتو إيجبت.. ثالثا، زيت ليكوي مولي ممتاز جربناه في أكثر من سيارة، وعلى فكرة كلنا بنحطه في التوكيل وما بيستهبلش ولا حاجة.. رابعا ممكن تعمل الصيانة في أي توكيل وما حدش بيلزمك بتوكيل معين.. خامسا، ما تفكرش في أي إضافات والعربية لسه جديدة.. تحياتي

اقتباس:

---

المشاركة الأصلية كتبت بواسطة AhmaZonG

ألف مبروك مقدما يا باشا .. بصراحة اختيار موفق جدا إن شاء الله ..

احسن مكان تجيب منه هو أوتوا اجيبت ..

ممكن تعمل في أي حتة عااااااادي ..

و خد معاك أي زيت حضرتك عيزه و هو إن شاء الله هيحطهولك .. سيبك من كلامه ..

أول تغيرت زيت بعد 1000 كيلو ..

سيبك من الاضافات دلوقتي معاك لحد 100 ألف لسة ..

---

يعني بين التوبكين دقيقتين، ونفس الكلام وبعدين معاك :question2:

ألف شكر يا رجالة :) أنا عندي سؤال كمان معلش :D.. أنا شفت واحد عارض Tiida Hatch في .......Cars و كاتب إنه مركبلها Parking sensors أصلي في التوكيل... الكلام ده موجود فعلا و سعره كام؟

اقتباس:

---

المشاركة الأصلية كتبت بواسطة siralizable

ألف شكر يا رجالة :) أنا عندي سؤال كمان معلش :d.. أنا شفت واحد عارض tiida hatch في .......cars و كاتب إنه مركبلها parking sensors أصلي في التوكيل... الكلام ده موجود فعلا و سعره كام؟

---

أيوه يا باشا ممكن التوكيل بيركبهم وبحوالي 450 جنيها

اقتباس:

---

المشاركة الأصلية كتبت بواسطة Sehsss

أيوه يا باشا ممكن التوكيل بيركبهم وبحوالي 450 جنيها

---

يستاهلوا؟ أصل أنا بصراحة كنت عايز sensors قوي عشان الركن.. و تركبهم فيه لعب جامد في الكهربة وفك وتركيب وكده؟

اقتباس:

---

المشاركة الأصلية كتبت بواسطة siralizable

يستاهلوا؟ أصل أنا بصراحة كنت عايز sensors قوي عشان الركن.. و تركبهم فيه لعب جامد في الكهربة وفك وتركيب وكده؟

---

بيساعدوا طبعا في الركنة، وعلى فكرة ما فيهومش لعب جامد ولا حاجة

اقتباس:

---

المشاركة الأصلية كتبت بواسطة sehsss

بيساعدوا طبعا في الركنة، وعلى فكرة ما فيهومش لعب جامد ولا حاجة

---

شكرا يا باشا ربنا يخليك :)

اقتباس:

---

المشاركة الأصلية كتبت بواسطة siralizable

شكرا يا باشا ربنا يخليك :)

---

العفو

الف مبروك يا باشا مقدما طبعا التيدا لا غبار عليها
بس ايه رايك تستني الجديده احسن لان الشكل هايتغير بس مش عارف هاينزل مصر امتي
بدل ماتشتري والشكل الجديد ينزل وتضايق كل ماتشوفه
انا شخصيا لو كنت مكانك كنت هاستني بس طبعا دي حاجه ترجعلك

http://auto.msn.com.cn/2011/07/08/80...c99e7f30bb.jpg
http://img01.chexun.com/images/auto/...5971187140.jpg

اقتباس:

---

المشاركة الأصلية كتبت بواسطة dandorman2010

الف مبروك يا باشا مقدما طبعا التيدا لا غبار عليها
بس ايه رايك تستني الجديده احسن لان الشكل هايتغير بس مش عارف هاينزل مصر امتي
بدل ماتشتري والشكل الجديد ينزل وتضايق كل ماتشوفه
انا شخصيا لو كنت مكانك كنت هاستني بس طبعا دي حاجه ترجعلك

http://auto.msn.com.cn/2011/07/08/80...c99e7f30bb.jpg
http://img01.chexun.com/images/auto/...5971187140.jpg

---

الشكل الجديد 2014

اقتباس:

---

المشاركة الأصلية كتبت بواسطة ahmazong

ألف مبروك مقدما يا باشا .. بصراحة اختيار موفق جدا إن شاء الله ..

احسن مكان تجيب منه هو أوتوا اجيبت ..

ممكن تعمل في أي حتة عااااااادي ..

و خد معاك أي زيت حضرتك عيزه و هو إن شاء الله هيحطهولك .. سيبك من كلامه ..

أول تغيرت زيت بعد 1000 كيلو ..

سيبك من الاضافات دلوقتي معاك لحد 100 ألف لسة ..

---

+111111111111111

الف مبروك يا باشا مقدما واحسنت الاختيار

ياااااااااااااااااااااااا ااااااااه لسه 2014 خساره والله العربيه شكلها بقي جامد جداااااا

اقتباس:

---

المشاركة الأصلية كتبت بواسطة Sehsss

أيوه يا باشا ممكن التوكيل بيركبهم وبحوالي 450 جنيها

---

بـ 250 يا sehsss ..

اقتباس:

---

المشاركة الأصلية كتبت بواسطة ahmazong

بـ 250 يا sehsss ..

---

انت مش قايلي بـ440 للصني ؟؟؟؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة sehsss

انت مش قايلي بـ440 للصني ؟؟؟؟؟؟؟؟؟؟؟؟؟؟؟؟؟؟

---

ده + وحدة رفع

اقتباس:

---

المشاركة الأصلية كتبت بواسطة ahmazong

ده + وحدة رفع

---

أها، يعني هو لوحده بـ250 بالتركيب ولا بدون.. طيب فين يا أحمد في مودرن

اقتباس:

---

المشاركة الأصلية كتبت بواسطة dandorman2010

الف مبروك يا باشا مقدما طبعا التيدا لا غبار عليها
بس ايه رايك تستني الجديده احسن لان الشكل هايتغير بس مش عارف هاينزل مصر امتي
بدل ماتشتري والشكل الجديد ينزل وتضايق كل ماتشوفه
انا شخصيا لو كنت مكانك كنت هاستني بس طبعا دي حاجه ترجعلك

---

متقلقش أنا متابع :d فزى مالشباب قالوا, هى مش قبل نص 2013 و أنا مش هعرف أقعد كل ده من غير عربية :) بس الجديدة أحلى مفيش كلام

اقتباس:

---

المشاركة الأصلية كتبت بواسطة Sehsss

أها، يعني هو لوحده بـ250 بالتركيب ولا بدون.. طيب فين يا أحمد في مودرن

---

نفس السؤال

اقتباس:

---

المشاركة الأصلية كتبت بواسطة sehsss

أها، يعني هو لوحده بـ250 بالتركيب ولا بدون.. طيب فين يا أحمد في مودرن

---

اقتباس:

---

المشاركة الأصلية كتبت بواسطة siralizable

نفس السؤال

---

ااااااااه إن شاء الله ..

أنا عمله في مودرن الدقي ..

اقتباس:

---

المشاركة الأصلية كتبت بواسطة siralizable

السلام عليكم يا شباب :)

أنا إن شاء الله ناوي أشتري ال nissan tiida و كنت عايز أعرف إيه أحسن مكان اجيبها منه و هل لازم أعمل صيانة عند نفس الموزع؟

مبروك مقدما وان شاء الله تجيبها على خير .. وافضل موزع معتمد اوتو ايجيبت .. وبعد كدا يجى باقى الموزعين المعتمدين .. وبصراحة كلهم محترمين .. بس احنا رشحنالك اوتو ايجيبت عشان تجارب الناس كتير عندنا .. وارتاحوا معاهم جدا من حيث تسليم السيارة والمواعيد والاهتمام بالعميل
الحاجة التانية .. تقدر تشترى من اى حد وتقدر تعمل صيانة عن اى حد

عندي سؤال كمان بالنسبة للزيت.. أنا بقالي حوالي اسبوعين بقرا عن ال liqui moly بس هل التوكيل هيستهبل و يصمم إنه يحط الزيت بتاعه عشان الضمان؟ مش المفروض برده في تغير زيت بعد 100 كيلو أو بعد الاستلام؟

مفيش الكلام ده .. كل مراكز الخدمة محترمة جدا .. وبتعمل على راحة العميل .. واللى انت عايزه حيعملوه
وزيت ليكوى مولى كويس وزيت فالفولين كويس بردوا .. وكل ده بتجارب الاعضاء عندنا

والصيانة الاولى للعربية بتعملها على 1000 كيلو .. وممكن تروح على 900 شغال .. وممكن تروح على 1500 شغال بردوا .. بس متتاخرش عن 1500 عشان تغير الزيت

آخر سؤال :) لما جيتوا تشتروا عربية جديدة, بتعملوا إيه غير صيانة التوكيل عشان تحافظوا على العربية؟ أنا سمعت عن اضافات للبنزين و الكلام ده فـياريت لو حد بيعمل حاجة زيادة يفيدنا.

مش بنعمل حاجة غير اننا بندعى ان ربنا يبعد عنا العين .. وبنقرا الدعاء دايما واحنا فى السيارة وقران ان ربنا يحفظنا من شر الطريق
وبنهتم بتغطية العربية .. وبنظافتها .. وبالصيانات الدورية حتى لو كانت كل 5000 كيلو
وبنحاول نتجنب المطبات العنيفة ..
وبخصوص الاضافات .. حضرتك مش دلوقتى بعد ال100 الف كيلو

جزاكم الله خيرا :)

---

الرد فى الاقتباس
تحياتى ليك

اقتباس:

---

المشاركة الأصلية كتبت بواسطة Ahmed.TV

الرد فى الاقتباس
تحياتى ليك

---

أنا بشكرك على ردك الوافى

طيب هو أنا إن شاء الله رايح بكره أو بعدو أحجز بس لسه جوايا وسواس بيقولى أجيب ال Kia Rio 2012 Hatch Highline بتاعت التوكيل.. أنا أصلا كنت خلاص ناوى عليها من إسبوعين فاتو لحد مكذا حد رشحلى التيدا. بصراحة الشكل العام عاجبنى أكتر فى الكيا و لكن اليابانى يابانى برضو.. الواحد فعلا متردد.

اقتباس:

---

المشاركة الأصلية كتبت بواسطة siralizable

أنا بشكرك على ردك الوافى

طيب هو أنا إن شاء الله رايح بكره أو بعدو أحجز بس لسه جوايا وسواس بيقولى أجيب ال kia rio 2012 hatch highline بتاعت التوكيل.. أنا أصلا كنت خلاص ناوى عليها من إسبوعين فاتو لحد مكذا حد رشحلى التيدا. بصراحة الشكل العام عاجبنى أكتر فى الكيا و لكن اليابانى يابانى برضو.. الواحد فعلا متردد.

---

الريو كشكل أفضل، لكن كاعتمادية وعمر طويل ووسع وكل حاجة التيدا أفضل، وبالتوفيق

لازم تقعد جوة فى العربيتين
وتجرب كل شئ .. وتفتح الكابوت .. وتشوف الماتور .. وتدور العربيتين لو امكن
وتشوف الكراسى والراحة .. وتشوف الشنطة
واعمل كل حاجة فى العربيتين

وطبعا مهم اوى وانت بتخطب العروسة تسال على بيت العروسة .. وتعامل اهلها ايه معاك .. طبعا قصدى على خدمة ما بعد البيع

وبعد كدا قرر القرار اللى حيكون فى مصلحتك

مبروك يا باشا
انا بردوا حاجز التيدا السيدان من اوتو ايجيبت مدينة نصر ومستنى الشحنه لما تيجى فى اول يونيو ان شاء الله
وان شاء الله حتكون اختيار جيد ومش هنندم عليه

اقتباس:

---

المشاركة الأصلية كتبت بواسطة Ahmed.TV

لازم تقعد جوة فى العربيتين
وتجرب كل شئ .. وتفتح الكابوت .. وتشوف الماتور .. وتدور العربيتين لو امكن
وتشوف الكراسى والراحة .. وتشوف الشنطة
واعمل كل حاجة فى العربيتين

وطبعا مهم اوى وانت بتخطب العروسة تسال على بيت العروسة .. وتعامل اهلها ايه معاك .. طبعا قصدى على خدمة ما بعد البيع

وبعد كدا قرر القرار اللى حيكون فى مصلحتك

---

:Bravo:

اقتباس:

---

المشاركة الأصلية كتبت بواسطة Ahmed_selmy

مبروك يا باشا
انا بردوا حاجز التيدا السيدان من اوتو ايجيبت مدينة نصر ومستنى الشحنه لما تيجى فى اول يونيو ان شاء الله
وان شاء الله حتكون اختيار جيد ومش هنندم عليه

---

مش هتندم انشاء الله

اقتباس:

---

المشاركة الأصلية كتبت بواسطة ahmed.tv

لازم تقعد جوة فى العربيتين
وتجرب كل شئ .. وتفتح الكابوت .. وتشوف الماتور .. وتدور العربيتين لو امكن
وتشوف الكراسى والراحة .. وتشوف الشنطة
واعمل كل حاجة فى العربيتين

وطبعا مهم اوى وانت بتخطب العروسة تسال على بيت العروسة .. وتعامل اهلها ايه معاك .. طبعا قصدى على خدمة ما بعد البيع

وبعد كدا قرر القرار اللى حيكون فى مصلحتك

---

أنا المشكلة إنى مركبتش التيدا لحد دلوقتى بس أنا كدا كدا هحجز و لو لا قدر الله معجبتنيش هلغى الحجز و ربنا يقدم الفيه الخير.

اقتباس:

---

المشاركة الأصلية كتبت بواسطة ahmed_selmy

مبروك يا باشا
انا بردوا حاجز التيدا السيدان من اوتو ايجيبت مدينة نصر ومستنى الشحنه لما تيجى فى اول يونيو ان شاء الله
وان شاء الله حتكون اختيار جيد ومش هنندم عليه

---

ربنا يوصلهم بالسلامة :d إن شاء الله مش هنندم ولا حاجة

كان فيه خبر بيقول ان التيدا الشركه سحبتها لوجود عطل فى خزان الوقود ؟بس مش عارف الخبر ده صحيح ام لا

الخبر ده منشور فى شهر فبراير 2012
مع العلم ان التيدا الموجوده الآن مصنعها فى المكسيك